ᒨᓯᓯ ᓯᕗᓪᓖᑦ 8

ᐅᓕᕕᒡᔪᐊᑉ ᐃᓱᓕᓐᓂᖓ

1ᒎᑎᐅᓪᓕ ᐃᖅᑲᐅᒪᓚᐅᖅᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᖕᒦᖃᑎᖏᑦ. ᒎᑎᓗ ᐊᓄᕌᓕᖅᑎᑦᓯᕗᖅ ᓄᓇᕐᔪᐊᕐᖕᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ. 2ᐃᒪᐅᓪᓗ ᐊᓂᐊᕕᖏᑦ ᓄᓇᕐᔪᐊᑉ ᐊᑖᓂᑦ ᕿᓚᐅᓪᓗ ᑰᒡᕕᖏᑦ ᒪᑐᔭᐅᓚᐅᖅᐳᑦ, ᓯᓚᓗᒡᓗ ᕿᓚᖕᒥᑦ ᓄᖅᑲᖅᑎᑕᐅᓪᓗᓂ. 3ᐃᒪᕐᓗ ᑎᓂᑉᐸᓪᓕᐊᖏᓐᓇᓕᓚᐅᖅᐳᖅ. ᐅᓪᓗᐃᑦ 150 ᓈᖕᒪᑕ ᐃᒪᖅ ᓄᖑᑉᐸᓪᓕᐊᓕᖅᐳᖅ. 4ᑕᖅᑮᑦ 7ᖓᓐᓂ, ᐅᓪᓗᖏᑕ 17ᖓᓐᓂ, ᐅᒥᐊᕐᔪᐊᖅ ᐃᒃᑐᖅᐳᖅ ᐊᕋᕌᑦ ᖃᖅᑲᖏᓐᓄᑦ ᓄᖅᑲᖅᓗᓂ. 5ᐃᒪᖅ ᑍᒪᓐᖓᑦ ᑎᓂᑉᐸᓪᓕᐊᖏᓐᓇᓕᕋᒥ ᑕᖅᑮᑦ 10ᖓᑦ ᑎᑭᓪᓗᒍ; ᑕᖅᑮᑦ 10ᖓᓐᓂ, ᐅᓪᓗᖓᓂ ᓯᕗᓪᓕᖅᐹᒥ, ᖃᖅᑳᓗᐃᑦ ᖄᖏᑦ ᓴᖅᑭᑉᐳᑦ.

6ᐅᓪᓗᐃᑦ 40 ᐊᓂᒍᖅᑎᓪᓗᒋᑦ, ᓄᐊ ᐃᒐᓛᒥᒃ ᒪᑐᐃᖅᓯᕗᖅ ᓴᓇᓯᒪᔭᒥᓂᒃ. 7ᑐᓗᒐᕐᖕᒥᒡᓗ ᑎᖏᑎᑦᓯᕗᖅ; ᑖᓐᓇ ᖃᖓᑕᑲᑕᑐᐃᓐᓇᓚᐅᖅᐳᖅ ᓇᒧᑐᐃᓐᓈᖃᑕᒃᓗᓂ ᐃᒪᐅᑉ ᓴᓗᐊᓚᐅᖏᓐᓂᓕᒫᖓᓂ ᓄᓇᒥ. 8ᐊᒻᒪ ᓄᐊ ᑑᕕᒥᒃ ᑎᖏᑎᑦᓯᒋᕗᖅ ᑕᕝᕙᓐᖓᑦ, ᖃᐅᔨᑦᔪᑎᒋᔪᒪᓪᓗᒍ ᐃᒪᖅ ᓴᓗᐊᓕᕐᖕᒪᖔᑦ ᓄᓇᒥ. 9ᓱᓕᓕ ᒥᕝᕕᒃᓴᖅᓯᖏᓐᓇᒥ, ᐅᒥᐊᕐᔪᐊᒧᑦ ᐅᑎᖅᐳᖅ. ᓄᐊᓪᓗ ᐱᓪᓗᓂᐅᒃ ᐃᑎᖅᑎᒃᑭᕚ, ᓱᓕ ᐃᒪᐅᑉ ᓄᓇ ᐅᓕᒃᓯᒪᓚᐅᕐᖕᒪᒍ. 10ᐅᓪᓗᓂᒡᓗ 7ᓂᒃ ᐅᑕᖅᑭᓚᐅᖅᓗᓂ, ᓱᓕ ᑑᕕᒃ ᑎᖏᑎᒃᑭᕚ ᐅᒥᐊᕐᔪᐊᒥᑦ; 11ᑑᕕᓗ ᐅᑎᖅᐳᖅ ᐅᓐᓄᒃᑎᓪᓗᒍ, ᑭᖕᒥᐊᖅᓗᓂ ᓇᐹᖅᑑᑉ ᐅᖅᓱᒃᓴᓕᖕᓂᒃ ᐱᕈᖅᑐᓕᐅᑉ ᐅᖃᐅᔭᕐᖓᓂᒃ ᐲᕋᑖᖅᓯᒪᔪᒥᒃ; ᓄᐊᓗ ᓇᓗᔪᓐᓃᖅᐳᖅ ᐃᒪᐅᑉ ᑎᓂᑉᐸᓪᓕᐊᓕᕐᖕᓂᖓᓂᒃ ᓄᓇᒥᑦ. 12ᓱᓕ ᐅᓪᓗᓂᒃ 7ᓂᒃ ᓄᐊ ᐅᑕᖅᑭᒃᑲᓐᓂᓚᐅᖅᓗᓂ, ᐊᒻᒪ ᑑᕕᒃ ᑎᖏᑎᒃᑭᕚ; ᑕᒪᑐᒪᓂ ᑖᑦᓱᒧᖓ ᐅᑎᒃᑲᓐᓂᕈᓐᓃᖅᐳᖅ.

13ᓄᐊ 601ᓂᒃ ᐊᕐᕌᒍᖃᓕᖅᑎᓪᓗᒍ, ᑕᖅᑭᐅᑉ ᓯᕗᓪᓕᖅᐹᖓᓂ, ᐅᓪᓗᖓᑕᓗ ᓯᕗᓪᓕᖅᐹᖓᓐᓂ, ᐃᒪᖅ ᓴᓗᐊᑦᓯᐊᓚᐅᖅᐳᖅ ᓄᓇᒥ; ᓄᐊᓪᓗ ᐅᒥᐊᕐᔪᐊᑉ ᖁᓕᖓ ᒪᑐᐃᖅᓗᒍ ᑕᑯᓇᓱᐊᕋᒥ, ᑕᑯᒋᑦ ᒪᓂᕋᖅ ᓴᓗᐊᖅᑐᖅ ᑕᑯᓕᖅᐹ. 14ᑕᖅᑭᐅᓪᓗ ᐂᑉᐸᖓᓂ, ᐅᓪᓗᖏᑕ 27ᖓᓐᓂ, ᓄᓇ ᐸᓂᓚᐅᖅᐳᖅ.

15ᒎᑎᓗ ᓄᐊᕐᖕᒧᑦ ᐅᖃᖅᐳᖅ, 16“ᓄᓕᐊᓪᓗ ᐅᒥᐊᕐᔪᐊᕐᖕᒥᑦ ᐊᓂᓕᕆᑦᑎᒃ, ᐃᕐᖕᓂᑎᓪᓗ ᐃᕐᖕᓂᕕᓪᓗ ᓄᓕᐊᖏᑦ ᐃᓚᒋᓗᒋᑦ. 17ᐆᒪᔪᓕᒫᓪᓗ ᐊᓂᑎᖃᓯᐅᑎᓗᒋᑦ ᓇᒃᓴᖅᓯᒪᔭᑎᑦ ᑎᒥᖃᖅᑐᑦ ᑎᖕᒥᐊᓪᓗ, ᓂᕐᔪᑎᓪᓗ ᐹᕐᖑᖅᑐᓪᓗ ᓄᓇᒥ ᑕᒪᕐᖕᒥᒃ ᐅᓄᖅᑐᓂᒃ ᕿᑐᕐᖏᐅᖅᐸᓪᓕᐊᓕᖁᓪᓗᒋᑦ ᓄᓇᒥ, ᐅᓄᖅᓯᔪᕐᔪᐊᖑᓕᖁᓪᓗᒋᑦ ᓄᓇᕐᔪᐊᓕᒫᒥ.” 18ᑕᕝᕙ ᓄᐊ ᓄᓕᐊᖓᓗ ᐅᒥᐊᕐᔪᐊᕐᖕᒥᑦ ᐊᓂᕗᑦ, ᐃᕐᖕᓂᓂ ᐃᕐᖕᓂᖏᑕᓗ ᓄᓕᐊᖏᑦ ᐃᓚᒋᓪᓗᒋᑦ. 19ᐆᒪᔪᓕᒫᓪᓗᑦᑕᐅᖅ, ᐹᕐᖑᖅᑐᓪᓗ ᑕᒪᕐᖕᒥᒃ, ᑎᖕᒥᐊᓕᒫᓪᓗ, ᓄᓇᒥᓗ ᐆᒪᔪᑦ ᐊᑐᓂᑦ ᐃᓚᒌᒃᓴᔭᐅᓂᑎᒃ ᒪᓕᒡᓗᒋᑦ ᐊᓂᒋᕗᑦ ᐅᒥᐊᕐᔪᐊᕐᖕᒥᑦ.

ᓄᐊᑉ ᑐᓂᕐᕈᓯᕐᖕᓂᖓ ᒎᑎᒧᑦ

20ᑕᕝᕙ ᓄᐊ ᑐᓂᕐᕈᓯᕐᕕᓂᐅᖅᐳᖅ ᐊᑕᓂᕐᖕᒧᑦ, ᐆᒪᔪᓪᓗ ᑕᒪᕐᖕᒥᒃ ᓴᓗᒪᓂᕋᖅᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᖅᑕᐅᔪᓂᒃ, ᑐᓂᕐᕈᓯᖅᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ. 21ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᖅᐳᖅ, “ᓄᓇᕐᔪᐊᖅ ᓇᕐᕈᓇᖅᑎᓯᑎᓚᐅᖅᓯᒪᓂᐊᕈᓐᓃᖅᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᖕᒥᓂᑦ ᐱᒋᐊᖅᓗᒋᑦ ᐱᐅᖏᑦᑐᐊᓘᒐᓗᐊᕐᖕᒪᑕ; ᐊᓯᕈᐃᓚᐅᖅᓯᒪᓂᐊᕈᓐᓃᖅᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᖕᓂᑦᑐᑦ. 22ᓄᓇᕐᔪᐊᖃᕐᖕᓂᓕᒫᖓᓂ, ᐱᕈᖅᓰᓐᓇᕐᖕᓂᐊᖅᐳᖅ ᑲᑎᑦᓯᕕᖃᖅᓗᓂᓗ, ᓂᒡᓚᓱᒃᐸᒡᓗᓂ ᐅᖅᑰᕙᒡᓗᓂᓗ, ᐊᐅᔭᖃᖅᓗᓂ ᐅᑭᐅᖃᖅᓗᓂᓗ, ᐅᓪᓗᖃᖅᓗᓂ ᐅᓐᓄᐊᖃᖅᓗᓂᓗ, ᑕᒪᒃᑯᐊ ᓄᖅᑲᕐᖕᓂᐊᓐᖏᓚᑦ.”

നിലവിൽ തിരഞ്ഞെടുത്തിരിക്കുന്നു:

ᒨᓯᓯ ᓯᕗᓪᓖᑦ 8: EAIB

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

ᐊᒡᓔᑦ ᐃᑦᔪᕐᖕᓁᑦᑐᑦ നെക്കുറിച്ച് കൂടുതലറിയുക