ᒨᓯᓯ ᓯᕗᓪᓖᑦ 12

ᒎᑎᐅᑉ ᕾᖁᔨᓂᖓ ᐂᑉᕋᒻᒥᒃ

1 # ᐋᐴᓯᑕᓖᑦ 7:2,3; ᐄᑉᕈᐃᓄᑦ 11:8. ᐊᑕᓂᖅ ᐂᑉᕋᒻᒧᑦ ᐅᖃᖅᐳᖅ, “ᓄᓇᖕᓂᑦ ᐊᐅᓪᓚᕆᑦ ᐃᓚᑎᓪᓗ ᐊᑖᑕᒃᑯᑎᓪᓗ ᕿᒻᒪᒡᓗᒋᑦ, ᑕᑯᑎᑦᓱᒫᖅᐸᒋᑦ ᓄᓇᒥᒃ ᐅᐸᖕᓂᐊᖅᑕᕐᖕᓂᒃ. 2ᐃᓅᖃᑎᒌᒡᔪᐊᓐᖑᖅᑎᑦᓱᒫᕋᒃᑭᑦ, ᓮᒻᒪᖅᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᖅᑎᓪᓗᒍ, ᓮᒻᒪᖅᑎᑦᓯᑦᔪᑎᒃᓴᐅᖁᓪᓗᑎᑦ. 3#ᒐᓔᑎ 3:8.ᓮᒻᒪᖅᑎᑦᓱᒫᖅᐸᒃᑲ ᐃᓕᖕᓂᒃ ᓮᒻᒪᖅᑎᑦᓯᔪᑦ; ᓇᕐᕈᓇᖅᑎᑦᓯᔪᑦ ᓇᕐᕈᓇᖅᓯᑎᑦᓱᒫᖅᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᖕᒥ ᓮᒻᒪᖅᑎᑕᐅᔪᒫᖅᐳᑦ.”

4ᐂᑉᕋᒻᓗ ᐊᐅᓪᓚᖅᐳᖅ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ; ᓘᑎᓗᑦᑕᐅᖅ ᐃᓚᐅᓪᓗᓂ ᑖᑦᓱᒧᖓ, ᐂᑉᕋᒻ 75ᓂᒃ ᐊᕐᕌᒍᖃᓚᐅᖅᐳᖅ ᕼᐊᕋᓐᒥᑦ ᐊᐅᓪᓚᕋᒥ. 5ᐂᑉᕋᒻ ᓄᓕᐊᓂ ᓴᕅ ᐃᓚᒋᕚ, ᓘᑎᓗ ᐊᖓᔪᐊᑕ ᐃᕐᖕᓂᖓ; ᐱᖁᑎᑎᒡᓗᑦᑕᐅᖅ ᑕᒪᕐᖕᒥᒃ ᐱᑖᕆᓯᒪᔭᑎᒃ, ᐃᓄᖁᑎᑖᕆᓯᒪᔭᑎᒡᓗ ᕼᐊᕋᓐᒥᑦ; ᑕᕝᕙ ᐊᐅᓪᓚᓯᓚᐅᖅᐳᑦ ᑬᓇᓂᒧᑦ.

ᓄᓇᒧᓪᓗ ᑬᓇᓂᒧᑦ ᑎᑭᒃᑲᓗᐊᕋᒥᒃ, 6ᐂᑉᕋᒻᑯᑦ ᖄᖏᓚᐅᖅᐳᑦ ᓄᓇᒧᑦ ᓯᑭᒻᒥᒃ ᐊᑎᓕᖕᒧᑦ, ᓇᐹᖅᑐᖅ ᐆᒃ ᒨᕆᒦᑦᑐᖅ ᑎᑭᓪᓗᒍ. ᑍᑦᓱᒪᓂ ᑬᓇᓂᒥᐅᑦ ᓱᓕ ᑕᒫᓂ ᓄᓇᖃᖅᑎᓪᓗᒋᑦ. 7#ᐋᐴᓯᑕᓖᑦ 7:5; ᒐᓔᑎ 3:16.ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᖕᓄᑦ ᓄᓇᑖᖑᑎᑦᓱᒫᖅᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᖅᐳᖅ ᐊᑕᓂᕐᖕᒧᑦ, ᓴᖅᑭᕝᕕᐅᓚᐅᕐᖕᓂᕐᖕᒥᓄᑦ. 8ᑭᖑᕐᖓᒍᓪᓗ ᐊᐅᓪᓚᓚᐅᕆᕗᖅ ᖃᖅᑲᒧᑦ ᐱᑎᓕᐅᑉ ᖃᐅᓕᕐᕕᖓᑕ ᓇᓛᓄᑦ, ᑕᕝᕗᖓᓗ ᑕᖕᒫᖅᑎᖅᐳᖅ, ᓄᓇᐅᑉ ᐱᑎᓕᐅᑉ ᐂᓪᓗ ᐊᑯᓐᓂᖓᓃᑦᑐᒧᑦ, ᑕᕝᕙᓂᓗ ᑐᓂᕐᕈᓯᕐᕕᓕᐅᕆᓪᓗᓂ ᐊᑕᓂᕐᖕᒧᑦ ᐊᑕᓂᐅᓪᓗ ᐊᑎᖓ ᑐᒃᓯᐊᕐᕕᒋᕚ. 9ᐂᑉᕋᒻᓗ ᑕᕝᕙᓐᖓᑦ ᐊᐅᓪᓚᖅᐳᖅ, ᓱᓕ ᓇᔪᖅᑕᖓᑕ ᓯᕿᓂᖓᑕ ᓇᓛᓄᑦ ᓂᒋᑉᒧᑦ.

ᐂᑉᕋᐅᑉ ᐄᑦᔨᑉᑎᒦᓐᓂᖓ

10ᑍᑦᓱᒪᓂᓕ ᓄᓇᒥ ᑳᖕᓇᖅᑐᕐᔪᐊᖃᓚᐅᖅᐳᖅ, ᑕᕝᕙ ᐂᑉᕋᒻ ᐊᐅᓪᓚᓚᐅᖅᐳᖅ ᐄᑦᔨᑉᑎᒧᑦ ᓄᓇᖃᑬᓐᓇᕆᐊᖅᑐᖅᓗᓂ, ᓄᓇᒥ ᑳᖕᓇᖅᑐᕐᔪᐊᖅ ᐱᕙᓪᓕᐊᑐᐃᓐᓇᕐᖕᒪᑦ. 11ᐄᑦᔨᑉᑎᒧᓪᓕ ᐃᑎᕆᐊᖅᑐᕐᖕᓂᐊᓕᖅᓗᓂ ᓄᓕᐊᓂ ᓴᕅ ᐅᖃᐅᑎᕚ, “ᖃᐅᔨᒪᒐᒪ ᐊᕐᖕᓇᑦᓯᐊᕙᐅᓪᓗᑎᑦ ᐃᓂᖁᓇᖅᑐᐊᓘᒐᕕᑦ. 12ᐄᑦᔨᑉᑎᒥᐅᓂᑦ ᑕᑯᔭᐅᒍᕕᑦ, ᐅᖃᖅᑐᖃᕋᔭᖅᐳᖅ, ‘ᐅᓇ ᓄᓕᐊᖓ’; ᑕᕝᕙ ᑐᖁᑕᐅᒐᔭᖅᐳᖓ, ᑐᖁᑕᐅᓐᖏᑎᓪᓗᑎᑦ. 13#ᒨᓯᓯ ᓯᕗᓪᓖᑦ 20:2; 26:7.ᐅᖃᐅᑎᖃᑦᑕᕐᖕᓂᐊᖅᐸᑎᑦ ᐅᕙᓐᓄᑦ ᓇᔭᒋᔭᐅᓂᕋᖅᓗᑎᑦ, ᖃᓄᐃᓕᔭᐅᖁᓇᖓ, ᐃᕝᕕᓪᓗ ᐱᑦᔪᑎᒋᓗᑎᑦ ᐃᓅᑎᑕᐅᖁᓪᓗᖓ.” 14ᐄᑦᔨᑉᑎᒧᓪᓕ ᑎᑭᓕᕋᒥᒃ, ᐄᑦᔨᑉᑎᒥᐅᓂᑦ ᑕᑯᔭᐅᕗᖅ ᓄᓕᐊᖓᑕ ᐃᓂᖁᓇᖅᑐᐊᓘᓂᖓ. 15ᐊᖓᔪᖅᑳᒃᑯᕕᖕᒥᐅᑍᓪᓗ ᑕᑯᒐᒥᑦᔪᒃ, ᐰᕉᒧᑦ ᐅᖃᐅᓯᕆᕚᑦ ᐊᕐᖕᓇᑦᓯᐊᕙᐅᓂᕋᖅᓗᒍ; ᑍᒤᒻᒪᑦ ᑖᓐᓇ ᐰᕉᑉ ᐃᒡᓗᕐᔪᐊᖓᓄᐊᕈᑦᔭᐅᕗᖅ. 16ᑖᓐᓇᓕ ᐊᕐᖕᓇᖅ ᐱᑦᔪᑎᒋᓪᓗᒍ ᐂᑉᕋᒻ ᐱᑦᓯᐊᕐᕕᒋᕚ; ᓰᐱᖁᑎᖃᓚᐅᕐᖕᒪᑦ, ᐃᒻᒧᒃᓯᐅᒐᓂᒡᓗ, ᓯᐅᑎᖅᑯᖅᑐᔪᓂᒡᓗ ᐊᖑᓴᓪᓗᕐᖕᓂᒃ, ᐱᔨᖃᖅᓗᓂᓗ ᐊᖑᑎᓂᒃ, ᐊᕐᖕᓇᓂᒡᓗ, ᓯᐅᑎᖅᑯᖅᑐᔪᖁᑎᖃᖅᓗᓂᓗ ᐊᕐᖕᓇᓪᓗᖕᓂᒃ, ᑳᒥᓕᖕᓂᒡᓗᑦᑕᐅᖅ.

17ᐊᑕᓂᐅᓪᓕ ᐰᕉ ᐃᒡᓗᒥᐅᖃᑎᖏᓪᓗ ᐋᓐᓂᐊᓇᖅᑐᓄᑦ ᑎᑭᕝᕕᐅᑎᑉᐰᑦ ᓴᕅ ᐱᑦᔪᑎᒋᓪᓗᒍ, ᐂᑉᕋᒻ ᓄᓕᐊᖓ. 18ᑕᕝᕙ ᐰᕉᑉ ᐂᑉᕋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᓐᓄᑦ ᖃᓄᐃᓕᐅᕋᓱᒃᐲᑦ? ᓱᖕᒪᑦ ᐅᖃᐅᑎᓚᐅᓐᖏᓚᕐᖕᒪ ᑖᓐᓇ ᓄᓕᐊᕆᓂᕋᖅᓗᒍ? 19ᓱᖕᒪᓪᓗ ᐅᖃᓚᐅᖅᐲᑦ, ‘ᐅᓇ ᓇᔭᒐ’ ᐅᕙᓐᓄᑦ ᓄᓕᐊᖅᑖᕆᖁᓪᓗᒎ? ᑕᕝᕙ ᓄᓕᐊᑦ; ᑕᓱᓕᕈᒃ ᑕᕝᕙᓐᖓᓪᓗ ᐊᓂᓕᕆᑦ!” 20ᐰᕉᓗ ᑎᓕᓯᕗᖅ ᐃᓄᖁᑎᒥᓂᒃ; ᑖᒃᑯᐊᓗ ᑕᕝᕙᓐᖓᑦ ᓄᓇᒥᑦ ᐊᐅᓪᓚᖅᑎᑉᐹᑦ, ᓄᓕᐊᖓᓗ ᐱᖁᑎᓕᒫᖏᓪᓗ ᑕᒪᕐᖕᒥᒃ.

നിലവിൽ തിരഞ്ഞെടുത്തിരിക്കുന്നു:

ᒨᓯᓯ ᓯᕗᓪᓖᑦ 12: EAIB

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

ᐊᒡᓔᑦ ᐃᑦᔪᕐᖕᓁᑦᑐᑦ നെക്കുറിച്ച് കൂടുതലറിയുക