ᒨᓯᓯ ᓯᕗᓪᓖᑦ 10

ᓄᐊᑉ ᐃᕐᖕᓂᖏᑕ ᑭᖑᕚᖏᑦ

ᑯᕉᓂᑲ ᓯᕗᓪᓖᑦ 1:5-23

1ᐅᑯᐊ ᑕᕝᕙ ᓄᐊᑉ ᐃᕐᖕᓂᖏᑕ ᑭᖑᕚᖏᑦ, ᓰᒥᐅᑉ, ᕼᐋᒥᐅᓪᓗ, ᔮᐱᑎᐅᓪᓗ; ᐃᕐᖕᓂᖅᑖᕆᓚᐅᖅᑕᖏᑦ ᐅᓕᕕᒃᔪᐊᕐᖕᓂᐅᑉ ᑭᖑᓂᖓᓂ.

2ᔮᐱᑎᐅᑉ ᐃᕐᖕᓂᖏᑦ ᐅᑯᐊᖑᕗᑦ; ᒎᒪᕐ, ᒪᒑᒡ, ᒪᑍ, ᔭᕚᓐ, ᑐᐸᐅᓪ, ᒥᓯᑭ, ᑍᕋᓯᓗ. 3ᒎᒪᐅᓪᓕ ᐃᕐᖕᓂᖏᑦ ᐅᑯᐊᖑᕗᑦ: ᐊᔅᑭᓇᔅ, ᕅᐸᑕ, ᑐᒐᕐᒪ. 4ᔭᕚᓇᐅᑉ ᐃᕐᖕᓂᖏᑦ ᐅᑯᐊᖑᕗᑦ; ᐃᓔᓴᕼᐊ, ᑖᕐᓯᓯ, ᑭᑎᒻ, ᑐᑕᓂᒻᓗ; 5ᑖᒃᑯᓇᓐᖓᑦ ᑕᕝᕙ ᐃᓄᐃᑦ ᓯᐊᒻᒪᓚᐅᖅᐳᑦ ᐃᒪᐅᑉ ᓯᓈᓂᑦᑐᓄᑦ, ᐅᑯᐊ ᑕᕝᕙ ᔧᐱᑎᐅᑉ ᑭᖑᕚᖏᑦ ᓄᓇᒥᖕᓂ, ᓇᖕᒥᓂᕐᓗ ᐅᖃᐅᓯᖃᖅᓗᑎᒃ, ᐃᓚᒌᖕᓂᕐᖕᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᖕᒥᒃᑎᒍᓪᓗ.

6ᕼᐋᒥᐅᑉ ᐃᕐᖕᓂᖏᑦ ᐅᑯᐊᖑᕗᑦ: ᑯᔅ, ᐄᑦᔨᑉᑎ, ᐸᑦ, ᑬᓇᓂᓗ. 7ᑯᓯᐅᑉ ᑭᖑᕚᖏᑦ ᐅᑯᐊᖑᒋᕗᑦ: ᓰᐸ, ᕼᐊᕕᓚ, ᓴᑉᑕ, ᕌᒪ, ᓴᑉᑎᑲᓗ. ᕌᒪᐅᓪᓕ ᑭᖑᕚᖏᑦ ᐅᑯᐊᖑᒋᕗᑦ: ᓰᑉᐸ ᑎᑖᓂᓗ. 8ᑯᔅ ᐃᕐᖕᓂᖃᓚᐅᕆᕗᖅ ᓂᒻᒪᕌᑎᒥᒃ; ᑖᓐᓇᓗ ᓄᓇᕐᔪᐊᕐᖕᒥ ᓯᕗᓪᓕᖅᐸᐅᓪᓗᓂ ᐊᔪᖏᑦᑐᕐᔪᐊᖑᓚᐅᐳᖅ. 9ᐆᒪᔪᖅᓯᐅᒃᑳᓘᓚᐅᖅᐳᖅ ᐊᑕᓂᐅᑉ ᓵᖓᓂ; ᑍᒤᒻᒪᑦ ᐃᓄᐃᑦ ᐅᖃᖅᐸᓕᖅᐳᑦ, “ᓂᒻᒪᕌᑎᑐᑦ ᐆᒪᔪᖅᓯᐅᒃᑳᓘᓕᕆᑦ, ᐊᑕᓂᐅᑉ ᓵᖓᓂ.” 10ᐊᖓᔪᖅᑲᐅᕕᖃᕆᐊᓯᓚᐅᖅᐳᖅ ᐅᑯᓂᖓ ᐹᐱᓕ, ᐃᕆᒃ, ᐊᑳᑎᒥᒡᓗ, ᑳᓪᓂᒥᒡᓗ, ᑖᒃᑯᐊᓗ ᑕᒪᕐᖕᒥᒃ ᓄᓇᒥ ᓯᓈᕆᒦᓚᐅᖅᐳᑦ. 11ᑕᕝᕙᓐᖓᓪᓗ ᓄᓇᒥᑦ ᐱᒋᐊᖅᓗᓂ ᐊᓯᕆᐊᒧᐊᓚᐅᖅᐳᖅ ᐃᒡᓗᒐᓴᒡᔪᐊᓕᐅᖅᓗᓂᓗ ᓂᓂᕕᒥ, ᕆᕼᐅᐳᑎ-ᐃᕐᒥᒡᓗ, ᑲᓛᒥᓗ, 12ᕇᓯᓐᒥᓗ, ᑖᓐᓇᓗ ᐃᒡᓗᒐᓴᒡᔪᐊᖅ ᓂᓂᕕᐅᓪᓗ ᑲᓛᒥᐅᓪᓗ ᐊᑯᓐᓂᖓᓃᑉᐳᖅ.

13ᐄᑦᔨᑉᑎᐅᑉ ᑭᖑᕚᖏᑦ ᐅᑯᐊᖑᕗᑦ ᓘᑎᒻ, ᐊᓇᒥᒻ, ᓕᕼᐊᐱᒻᓗ, ᓇᐸᑐᕼᐃᒻᓗ, 14ᐹᑐᕉᓯᒻᓗ, ᑲᓴᓗᕼᐃᒻᓗ, ᑯᕇᑎᓗ, (ᑕᕝᕙᓐᖓᓪᓗ ᐱᓕᔅᑍᓂᒥᐅᑦ ᐱᒋᐊᕐᖕᓂᖃᖅᓯᒪᕗᑦ), ᑲᑉᕼᐊᑐᕆᒻᓗ.

15ᑬᓇᓂᐅᑉ ᐃᕐᖕᓂᖏᑦ ᐅᑯᐊᖑᕗᑦ; ᓮᑐᓂ, ᐊᖓᔪᒃᓯᖅᐹᖁᑎᖓ, ᕼᐃᑎᓗ. 16ᑬᓇᓂ ᑭᖑᕚᖃᓚᐅᕆᕗᖅ ᔨᐳᓮᑎᓂᒃ, ᐊᒧᕅᑎᓂᒡᓗ, ᒋᕐᒐᓮᑎᓂᒡᓗ, 17ᕼᐃᕔᑎᓂᒡᓗ, ᐋᕆᑬᑎᓂᒡᓗ, ᓯᓐᓁᑎᓂᒡᓗ, 18ᐊᕐᕙᑍᑎᓂᒡᓗ, ᔨᒪᕅᑎᓂᒡᓗ, ᕼᐊᒪᑍᑎᓂᒡᓗ. ᑭᖑᓂᖓᒍᑦ ᑬᓇᓂᒥᐅᑦ ᐃᓚᒌᑦ ᓇᒧᑐᐃᓐᓇᖅ ᓯᐊᒻᒪᖅᓯᒪᓚᐅᖅᐳᑦ, 19ᑬᓇᓂᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓯᒪᓚᐅᖅᐳᖅ ᓮᑐᓂᐅᑉ ᓯᕿᓂᖓᑕ ᓇᓛᓄᑦ, ᒋᕌᕐ ᒑᓴᐅᑉ ᖃᓂᒋᔮᓂᑦᑐᒧᑦ ᓱᑑᒪᐅᑉ ᒍᒨᕋᐅᓪᓗ ᓇᓛᓄᑦ ᑎᑭᓪᓗᒍ, ᓄᓇᒧᑦ ᐊᑦᒪᒧᑦ, ᔨᐳᐃᒻᓗ, ᓛᓴᐅᑉ ᑎᑭᓪᓗᒍ. 20ᑖᒃᑯᐊ ᑕᕝᕙ ᕼᐋᒥᐅᑉ ᑭᖑᕚᖏᑦ, ᐃᓚᒌᖕᓂᕐᖕᒥᒃᑎᒍᑦ, ᐅᖃᐅᓯᖃᑎᒌᖕᓂᕐᖕᒥᒃᑎᒍᑦ, ᓄᓇᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᖕᒥᒃᑎᒍᓪᓗ.

21ᓰᒥᓕᑦᑕᐅᖅ ᓯᕗᓕᕆᔭᐅᕗᖅ ᑕᒤᓐᓄᑦ ᐄᐸᕆᐅᑉ ᕿᑐᕐᖓᖏᓐᓄᑦ, ᔮᐱᑎᐅᑉ ᐊᖓᔪᖓᑕ ᐃᕐᖕᓂᖅᑖᕆᓚᐅᖅᐰᑦ. 22ᐅᑯᐊ ᑕᕝᕙ ᓰᒥᐅᑉ ᐃᕐᖕᓂᖏᑦ: ᐃᓛᒻ, ᐋᓱᕆ, ᐊᕐᐹᑦᓯᓵᑦ, ᓗᑦ, ᐊᕌᒥᓗ. 23ᐊᕌᒥᐅᓪᓕ ᑭᖑᕚᖏᑦ ᐅᑯᐊᖑᕗᑦ: ᐅᔾ, ᕼᐅᓪ, ᒋᑕᕐ, ᒪᔅ. 24ᐊᕐᐹᑦᓯᓵᓪᓗ ᐊᑖᑕᒋᔭᐅᓚᐅᖅᐳᖅ ᓰᓚᒧᑦ; ᓰᓚᑦᑕᐅᖅ ᐊᑖᑕᒋᔭᐅᓚᐅᕐᖕᒪᑦ ᐄᐸᕆᒧᑦ. 25ᐄᐸᕆ ᐃᕐᖕᓂᖅᑖᓚᐅᖅᐳᖅ ᒪᕐᕉᖕᓂᒃ: ᐃᕐᖕᓂᖓᑕ ᐂᑉᐸᖓ ᐊᑎᖃᖅᐳᖅ ᐱᓕᒡᒥᒃ,#10:25 ᑖᓐᓇ ᐱᓕᒡ: ᐄᑉᕉᑎᑐᑦ ᑐᑭᖃᖅᑑᔮᖅᑐᖅ “ᐊᕕᖕᓂᕐᖕᒥᒃ.” ᑍᑦᓱᒪᓂ ᑖᓐᓇ ᐃᓅᑎᓪᓗᒍ ᐃᓄᐃᑦ ᓯᓚᕐᔪᐊᕐᖕᒥᐅᑦ ᐊᕕᒃᓯᒪᓚᐅᕐᖕᒪᑕ; ᐃᕐᖕᓂᖓᑕᓕ ᐂᑉᐸᖓ ᐊᑎᖃᓚᐅᖅᐳᖅ ᔫᒃᑕᓐᒥᒃ. 26ᔫᒃᑕᓇᓕ ᐊᑖᑕᐅᕗᖅ ᐅᑯᓄᖓ, ᐊᓪᒧᑖᑦ, ᓯᓕᑉ, ᕼᐊᔭᒪᕕᑦ, ᔩᕋᓗ, 27ᕼᐊᑐᕌᒥᓗ, ᐅᔭᐅᓪᓗ, ᑎᒃᓚᓗ, 28ᐅᐸᐅᓪᓗ, ᐊᐱᒤᓪᓗ, ᓰᐸᓗ, 29ᐅᐱᕼᐃᓗ, ᕼᐊᕕᓚᓗ, ᔫᐸᐱᓗ, ᑖᒃᑯᐊ ᑕᕝᕙ ᑕᒪᕐᖕᒥᒃ ᓯᕗᓕᖃᓚᐅᖅᑐᑦ ᔫᒃᑕᓐᒥᒃ. 30ᑖᒃᑯᐊᓗ ᓄᓇᒋᔭᖏᑦ ᐊᖏᔪᒻᒪᕆᐅᓕᓚᐅᕐᖕᒪᑕ ᒦᓴᒥᑦ ᐱᒋᐊᖅᓗᑎᒃ ᓰᐸᕆᒧᑦ ᑎᑭᓪᓗᑎᒃ ᓄᓇᖃᓚᐅᖅᐳᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥ ᖃᖅᑲᓕᖕᒥᐅᑕᐅᓪᓗᑎᒃ. 31ᑖᒃᑯᐊ ᑕᕝᕙ ᓰᒥᐅᑉ ᑭᖑᕚᕆᒋᕔᑦ, ᐃᓚᒌᒃᑐᑦ ᐅᖃᐅᓯᖏᑎᒍᓪᓗ, ᓄᓇᖁᑎᖏᑎᒍᓪᓗ ᐃᓅᖃᑎᒌᒡᔪᐊᖑᓂᖏᑎᒍᓪᓗ.

32ᑖᒃᑯᐊ ᑕᕝᕙ ᑕᒪᕐᖕᒥᒃ ᐃᓄᓕᒫᑦ ᓄᐊᑉ ᑭᖑᕚᕆᓚᐅᖅᐰᑦ, ᑭᖑᕚᖑᖃᑎᒌᖕᓂᖏᑎᒍᓪᓗ, ᐃᓅᖃᑎᒌᒡᔪᐊᖑᓂᖏᑎᒍᑦ; ᑕᒪᒃᑯᐊ ᐃᓅᖃᑎᒌᒡᔪᐊᑦ ᓯᐊᒻᒪᓚᐅᖅᐳᑦ ᐅᖓᓯᒃᑐᓄᑦ ᓄᓇᕐᔪᐊᕐᖕᒥ ᐅᓕᕕᒡᔪᐊᑉ ᑭᖑᓂᖓᓂ.

നിലവിൽ തിരഞ്ഞെടുത്തിരിക്കുന്നു:

ᒨᓯᓯ ᓯᕗᓪᓖᑦ 10: EAIB

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

ᐊᒡᓔᑦ ᐃᑦᔪᕐᖕᓁᑦᑐᑦ നെക്കുറിച്ച് കൂടുതലറിയുക