Luke 16
16
1ကျီးကအိမ် ကိုယ်တော်နာ တပည့်တော်ရက်အင် ဆက်လက်ကို ငါ့ဆနပ်ကနာ " ဟက်တာကရပ် သူဌေးဟူးဝါနာ အမာကလုပ်ငန်းရက်အင် စီမံခန့်ခွဲကဇိစ် လူးဟူးဝင် ခန့်အပ်ပီလင်ကဟေ။ အိမ်မားစီမံခန့် ခွဲကလူးနာ အမာကတင်္ဂါးရက်အင် အလွဲသုံးစားလုပ်တုန်းကား သူဌေးချေးဟေကရပ် 2စီမံခန့်ခွဲက လူးယင် အော်ကို "နင်ကအကြောင်း ငါတတ်တုန်းပိုကရက်နာ အဆာမီယား။ နင်ကလုပ်ပီက စာရင်းဇယားရက်အင် ငါဇိစ်ဆနပ်ဗား။ နင်ငင်ယေ့ စီမံခန့်ခွဲနေရာယာ ဆက်ကိုအပီလှုနန်းကား"ငါ့ကို ငါနက်ကဟေ။ 3အိမ်မားအခါ အမာယေ့ " ငါအဆာမီလုပ်ပိုကယား။ သူဌေးနာ ငင်အလုပ်အားဘင်း ဆပြုနက်အန်နန်း။ ငါနာ ကဇက်ထူကယေ့ အားအငါပါ(လ်)၊ စိန်ဆာကယေ့ အစမ်းဟေ။ 4မှအလုပ်နာ ဆပြုကဟင်းပိုနဲ့က(လ်) လူးရက်နာ ငင်ယင် အမာရက်ကကိန်းငါ လက်ခံကြိုဆိုကဇိစ် အဆာမီလုပ်ပိုက ယားငါဟေကား ငါချေးယင်နန်း"ငါ့ကို စဉ်းစားတုန်းလင်ကဟေ။ 5မှနောက်အာ အမာနာ သူဌေးထနဲ့ အကြွေးအီကငါဟေကား လူးရက်အင် ဟူးဝါးကျီနဲ့ဟူးဝါးအော်ဂို့ ပထမဟူးဝါးနာ "နင်နာ ငါကသူဌေးထနဲ့ အကြွေးအဆတတ် ငါဟေယာ" ငါးဂို့ ကတာလင်ကဟေ။ 6အိမ်မားလူးယေ့ "သံလွင်ဆီစည်တစ်ရာ အီဂါဇီငါဟေ"ငါ့ကို ပြန်းဖြေလင်ကဟေ။ စီမံခန့်ခွဲကလူးယေ့ "စာရင်းစာရွက် မလားလင်းဂို့ ငါးဆယ်ငါ့ကို ရေးယင်း" ငါးဂို့ ငှားလင်ကဟေ။ 7အယောက်ကဟူးဝါယင်ယေ့ "နင်က အကြွေး အဆတတ်ငါ့ဟေ ယား"ငါ့ကို ကတာနက်ကရပ် အမာနာ "ဂျုံ ၊အင် အိတ်တစ်ရာ"ငါ့ကို ဖြေကအတွက် စီမံခန့်ခွဲကလူးယေ "စာရင်းစာရွက်အာ ရှစ်ဆယ်ငါ့ကို ရေးနက်အင့်"ငါ့ကို ငါ့နက်ကဟေ။ 8အိမ်မအခါ သူဌေးနာ အရိုးသားက စီမံခန့်ခွဲကလူးကား အမာကကိုယ်ကျိူးအတွက်လုပ်ဟေကား ချီးမွမ်းလင်ကဟေ။ အဇာရိကို့အငါ့နဲ့က(လ်) မှလောကသားရက်နာ ဘုရားအဆာ၊ဆာအိ တောင်မဒင့်ပိုကို အပါနာရက်က ကိုယ်ကျိုးအတွက်မယ် ပါးပါးနပ်နပ် လုပ်ထောက်ဟေ"ငါ့ကို ငါ့လင်ကဟေ။ 9အယိုကဟက်တာ ကိုယ်တော်ယေရှုနာ တပည့်ရက်အင် ငှားဟေကားနာ "နနိန်ငင် ငါငန်းဂါ။ မတရားမူအကင်းက လောကီ စည်းစိမ်ရက်အင် အသုံးပြုကို အပါနာရက်ကအတွက် မိတ်ဆွေရက်လှုမနီးလုပ်အင့်။ အိမ်မာစည်းစိမ်ရက် ဆုံးကလင်ဂါအခါ နနိန်ရက်အင် နိစ္စထာဝရကိန်းငါ ကြိုဆိုလက်ခံငန်ကား။ 10အသေးမွှားကိစ္စရက်အာ သစ္စာငါးဟေကားလူတိုင်းနာ အရေးကြီးဟေကကိစ္စရာယေ့ သစ္စာငါးဟေ။ အသေးမွှားကိစ္စရက်အာ အရိုးသားကလူနာ အရေးကြီးဟေကကိစ္စရက်အာယေ့ အရိုးသားကလူးရက်ဖြစ်ဟေ။ 11နနိန်ရက်နာ အတတ်ကဒေလေကအမြဲ့က လောကီစည်းစီမ်ရက်အင်ဒင့် သစ္စာအငါနဲ့က(လ်) စစ်မှန်ဟေကစည်းစိမ် ရက်အင် နနိန်ရက်ကမား အယူက(လ်) အက်အန်ကယား။ 12နနိန်ရက်နာ လူးရက်ကအူဇာရက်အာဒင့် သစ္စာအငါနဲ့က(လ်) အယူက(လ်) နနိန်ရက်ကအတွက် အီယန်ကယား။ 13အဆီအငှားဆာယေ့ သခင်နှစ်ဟူးငင်သစ္စာအခံလှုပါ(လ်)။ အမာနာ ဟူးဝါမုန်းကို အယောက်ကဟူးဝါချစ်လင်ကား။ ဟူးဝါ သစ္စာစောင့်ထိန်းနဲ့က(လ်) အယောက်ကဟူးဝါက(လ်) အလေ့စားလင်ပါ(လ်)ကား။ အတတ်ကဒေလေဟုန်း နနိန်ရက်နာ ဘုရားရှင်အိမ် လောကီစည်းစိမ်ယင် တစ်ပြိုင်းတည်း အငှားဆာ ဟင်းကိုလှုလင်ကားအရိ(လ်)ပါ(လ်)"ငါ့ကို ငါ့လင်ကဟေ။ 14အိမ်မအခါ တင်္ဂါမက်မောက ဖာရိရှဲရက်စာ အိမ်မားတူးယင် တတ်ကရပ် ကိုယ်တော်ယင် လှောင်ပြောင်ရယ်မောလင်ကဟေ။ 15ဆိုဆော် ကိုယ်တော်ယေရှုနာ အမာရက်အင် "နနိန်ရက်နာ လူးရက်ကရှေ့ယာ အပါနာကအပါနာ ဖြောင့်မတ်ကလူးရက်ဒေလေ ဟန်ဆောင်ကထောင်းဟေ။ ညီးငဒင့်ယေ ဘုရားရှင်နာ နနိန်ရက်က စိတ်နှလုံးယင် ချေးတုန်းဟေ။ လူးရက် အမြတ်တနိုးတန်ဖိုးပီ ဟေက လောကီစည်းစိမ်ရက်နာ ဘုရားရှင်ကအတွက်က(လ်) မနှစ်မြို့ဖွယ်ရက်မယ်ဖြစ်ဟေ။ 16အိန်းမြုပ်မင်္ဂလာဆရာယောဟန် အဖော်ဗာ(ဖ်)နိမ့်ကအချိန်ထိ လူးရက်နာ မောရှေ့က ညတ်ကျမ်းအိမ် အရိယာသူတော်စင်ရက်က ကျမ်းရက်အင် လိုက်နာဒက်ဟေ။ ယောဟန်ဖော်ဗာ(ဖ်)က နောက်အာ ဘုရားရှင်ကသာသနာတော်အကြောင်းငင် ဟောဆနပ်ကရပ် လူးရက်အ(လ်) သာသနာတော်ထဲယာ ဆင်လှုကဇိစ် ကြိုးစားဗန်(ဖ်)ကဟေ။ 17ညီးင့ဒင့်ယေ့ ဘုရားရှင်ဂါ နှုတ်ကပတ်တော်ထဲယာ အပီဆာအက္ခရာဖူဝါး အစီကတောင်မာ ကဇက်အိန်းကောင်ကလက် ပျောက်ကဇိစ်မယ် ပိုဂို့လွယ်ကူးဟေ။ 18အပါနာဂါ အအီတာကွာရှင်းဂို့ အခြားတဆလောင်ဟူးဝါ လက်ထပ်ဟေက လူတိုင်းနာ အိမ်ထောင်ရေးဖောက်ပြန်မူ ကျူးလွန်ဟေကားလူးဖြစ်ဟေ။ အဟြိုဗာ(ဖ်)နာ ကွာရှင်းပီဟေကား တဆာလောင်ငင် လက်ထပ်ဟေကယေ့ အိမ်မားအတိုင်းမယ်ဖြစ်ဟေ"ငါ့ကို ငါလင်ကဟေ။ 19ကျီးကအိမ် ကိုယ်တော်နာ "ဟက်တာကရပ် တန်ဖိုးပြောင်ဟေက ပါဇူရက်အင်တူကို နေ့စဉ် နေ့တိုင်း စည်းစိမ်ခံစားကို ပျော်မွေ့တုန်းက သူဌေးဟူးဝါငါ့လင်ကဟေ။ 20အိမ်မားသူဌေးက ကိန်းလင်း ဟနင်းငါယေ့ လာဇရုငါ့ကိုအော်ဟေကား တစ်ကိုယ်လုံးအမန်ဖြစ်တုန်းကား ဆင်းရဲဆားဟူးဝါနာ 21သူဌေးကပုတ်ဆာကခုံငါဟိုက်တုန်းက ဆာကဇမ်းရက်အင် ဆာကက်ကစိတ်အိမ် အိပ်ကိုးတုန်းလင် ကဟေ။ အမာကတစ်ကိုယ်လုံးငါယေ့ အမန်ရက်ဖြစ်တုန်းကအတွက် ကူ(ဖ်)ရက်အ(လ်) အမာက အနားဗန်(ဖ်)ကို အမန်ရက်အင် အတက်တုန်းလင်ကဟေ။ 22အယောက်ယက်တာ လာဇရုဆိန်းက လင်ကို ဟမန်းဒေဝါရက်နာ အမင် ဘိုးဘေးအာဗြံကမား အော်ကိုလာလင်ကဟေ။ သူဌေးယေ့ ဆိန်းကလင်ကရပ် သင်္ဂြိုလ်ကဟင်းပိုကို 23မရဏာနိုင်ငံယာ ဒုက္ခဆင်းရဲရက်အင် ခံစားတုန်းပိုကအချိန် အမာကအဖုံးငါ လှမ်းမျှော်ကိုယူနက်ကရပ် အာဗြဟံကအနားငါဟေက လာဇရုအင် ပိုလင်ကဟေ။ 24အိမ်မားအခါ အမာနာ ဟိုဟြရ်ကို "အဗား(ဖ်)အာဗြဟံ ၊ငင် သနားငန်နက်နိမ့်။ ငါနာ မှဗန်(ဖ်)ဗုံးတာ ဟုန်းငါ ပြင်းပြင်းထန်ထန် ခံစားတုန်းပိုကအကြောင်း လာဇရုကတက်ချီယင် အိန်းတိုးကို ငါကအဆာလိပ်အင် ဆိမ်ကဇိစ်ကအတွက် အမင်ဖြောက်နက်အန်"ငါကို လျှောက်တင်လင်ကဟေ။ 25ညီးင့ဒင့်ယေ့ အာဗြဟံနာ"ငါကအဆာ၊ နင်အဆက်ဆိန်းတုန်းကရပ် အကောင်းဆုံးရက်အင် လှုဒက်နန်း လာဇရုက(လ်) အမီကအူဇာရက်အင် လှုဒက်ကသတိလှုယင့်။ အတတ်က(လ်) လာဇရုနာ မှနေရာယာ သက်တောင့်သက်သာ တုန်းတုန်းပိုကို နင်က(လ်) ဒုက္ခဝေဒနာယင် ခံစားတုန်းပိုဟေ။ 26မှတောင်မဒင့် နင်အိမ် ငါရက်ကကြားယာ နက်ရှိုင်းဟေကား ပါယ်ဆီပြောင်ဆူးဝါ ခြားတုန်းက အတွက် ဟူးဝါယေ့ အဖြတ်အန်လှုပါ(လ်)ကား"ငါ့ကို ငါ့နက်ကဟေ။ 27ဆဌေးယေ့ "အဗား(ဖ်)အာဗြဟံ၊ မဒေလေဖြစ်နဲ့ လာဇရုငင် ငါကအဗားဂါကိန်းငါ လင်ကို 28အတတ်ကဒေလေ ဒုက္ခဝေဒနာခံစား ပိုကနေရာယာ အထုပ်ဇိစ်ကအတွက် ငါကအနည်းဆီငါးယောက်အင် သတိအီကဇိစ် ဖြောက်နက်အင် "ငါ့ကို လျှောက်တင်လင်ကဟေ။ 29အာဗြဟံယေ့ "နင်က အနည်းဆီရက်ကမား မောရှေ့အိမ် အရိယာသူတော်စင်ရက် ရေးပီဒက်ကား ကျမ်းစာရက်ငါဟေ။ အိမ်မာရက်အင် အမာရက်နာ လိုက်နာ လင်ပိုကား"ငါ့ကို ငါ့နက်ကရပ် 30သူဌေးနာ "အဗား(ဖ်)အာဗြဟံ ၊ အမာအိမ် အလုံလောက်နိမ့်ပါ(လ်)။ ဆိန်းကလင်ကလူးရက်ကအထဲယာကား ဟူးဝါနာ အမာရက်ကမား လင်ကိုငါ့ဆနပ်တောင်မယ် အမာရက်နာ နောင်တသံဝေဂလှုလင်ငန်ကား"ငါ့ကို ငါ့လင်ကဟေ။ 31အာဗြဟံယေ "အမာရက်နာ မေရှေအိမ် အရိယာသူတော်စင်ရက် ရေးပီဟေကားကျမ်းရက်အင်ဒင့် အလိုက်နာနဲ့က(လ်) ဆိန်းကမဘင်း ပြန်ကိုဆိမ်းငန်ကလူးက တူးဝင်ယေ့ လိုက်နာလင်ကအရိ(လ်)ပါ(လ်)"ငါ့ကို ပြန်ကိုပြိစ်နက်ဟေ"ငါ့ကို ငါ့လင်ကဟေ။
നിലവിൽ തിരഞ്ഞെടുത്തിരിക്കുന്നു:
Luke 16: ttpv-rv
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
