Mattayo 7
7
1Kasimpokolanya, mkajimpokolanywe. 2Ligongo kwa kupokolanya kula timache kupokolanya, timpokolanywe soni; na chipimo chechila chi mpimepo, timpimilwe mweji.
3Kwa chichi mkulolela luambi lulilo pa liso pa mnunago, na muno ngakumbuchila mtela ulipo pa meso penu? 4Timmsalile uli mnunago, mdeche mdole luambi lulilo pa meso genu; ni mlole, pana mtela pa meso penu mweji? 5Umwe jua kulamba, mtiosye ku ndanda mtela uliwo pa meso penu, ni pelepo timlole mnope mtiosye lulambi lulilo pa meso pa mnunago.
6Kajimwapa mbwa iliyo yambone; na muno mkajasa lulu sienu pa ujo pe nguluwe, kajasiliwata ni makongolo gao, na muno achigala ukaga akajiapapula mweji.
7Jugani ni timpewe; msosye ni timbone; 8mpoosye ni timbugulilwe; ligongo wosepe wa kujuga kwapewa, na wa kusosya kwaona, na wa kupoposya kwangulilwa. 9Mundu juapi juenu mwanagwao jua kujuga mkate, wampele liganga? 10Wa kujuga somba, wampele iyoka? 11Mweji soni mli wangalumbana mchimanyililaga kwapa wanache wenu ga ukoto, na pa ujo Atati wenu ali kwiunde tapunde kwapa ga ukoto wa kumjugao? 12Kwa ligongo ali, lili liose mtasache kupanganywa na wandu, mweji mwapanganichisye yeleo; ligongo eleyo torati na nabii.
13Mjinjile pa mlango wonandi, ligongo wa mchitipa mlango, ni lipesi li mwetala ilijise nayo kusakasya; ni wajinji wa kuinjilao; 14ligongo wonandi ni mlango ni lianandi ni litala litijise nayo mtundu, ni wanandi wa kuionao.
15Mlolechesye kwa nabii wa unami, tiwajisilepo kwa itakulo ni ngondola, nambo kwa mkati ni mbwa ja mwikonde wali wa chisongolo. 16Timwamanyilile kwa iso gose yao. Kukawa zabibu kwa miiwa, ni tini kwa mbaruti? 17Yeleyo mitela jambone josepe ukusogola iso gose yambone, ni mtela wangalumbana, ukusogola iso gose yangalumbana. 18Mtela wambone ngakombola kusogola iso gose yangalumbana, na muno mtela wangalumbana kusogola iso gose yambone. 19Mitela josepe yangasogola iso gose yambone, ukusikitwa kwasywa ku moto. 20Ioyo kwa iso gose yao timwamanyilile.
21Ngati wose wa kunsalila, Ambuje, Ambuje, ngajnjila uchimwene wa kwiunde, nambo juejula jua kulitenda lia kulisaka Atati wangu wali kwiunde. 22Wajinji tasalile liua lilalila, ambuje, ambuje, ngunitutatugile kwa lina lienu, ngunituainga mbepo kwa lina lienu, ngunitutenda miujiza ya ijinji kwa lina lienu. 23None tinasalile, nganinamanya, mtiocheni pa ujo pangu mweji wose wa kutenda gangalumbana.
24Mundu jua kupilikana malowe gangu ga, achigatenda, tijimlinganichisye ni mundu asiene luunda, jua tawile nyumba jakwe mwiganga; 25ula janyele, mesi ga majinji gaiche, mbepo jatutwime, japutile nyumba jilajila, jikagwa; ligongo lisimbo liakwe lialiji mweganga. 26Mundu jose jua kupilikana malowe gangu aga, akagatenda, tijimlinganichisye na mundu jua kulowela, jua tawile nyumba jakwe mmsanga; 27ula janyela, mesi ga majinji gaiche, mbepo jatutwime, japutile nyumba jila jila, jagwile; kuugwa kwakwe kwa kulungwa.
28Yaliji pe wamasile Isa malowe aga, wajinji walapile kwa kujiganya kwao; 29ligongo wajiganisye mpelaga jueleju asiene mamlaka, ngati mpela wakulemba.
നിലവിൽ തിരഞ്ഞെടുത്തിരിക്കുന്നു:
Mattayo 7: YAO1880
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1880.
