Mwanzo Utangulizi

Utangulizi

Kitabu hiki kiliandikwa kuelezea vile vitu vyote vilianza. Neno “Mwanzo” linatokana na maana ya “asili” au “chanzo.” Kinaelezea kwamba Mwenyezi Mungu aliumba ulimwengu wote, vile mwanadamu aliumbwa na kuwekwa katika mazingira yaliyokuwa kamili, vile dhambi ilianza, na vile Mwenyezi Mungu alitoa wokovu kwa mwanadamu aliyepotea. Mwanzo wa historia ya mwanadamu unaelezewa, mwanzo wa sanaa na mwanadamu kutengeneza vifaa, vile lugha za wanadamu zilianza, na kule mataifa tofauti yalitokea. Kitabu kinaendelea kuelezea chanzo cha Waebrania naye Ibrahimu, akifuatiwa na habari za Isaka, Yakobo na wanawe, na kitabu kinaishia na Yusufu akiwa Misri.

Wazo Kuu

Wazo kuu katika kitabu hiki ni kwamba, ingawa Mwenyezi Mungu aliumba vitu vyote vikiwa vizuri nayo dhambi ya mwanadamu ikaviharibu, Mwenyezi Mungu hajakufa moyo, bali sasa anamtafuta mwanadamu ili kumwokoa. Mamlaka ya Mwenyezi Mungu juu ya mambo yote yanasisitizwa, mtazamo wa kipekee ukiwa vile Mwenyezi Mungu anaendesha historia kuleta wema kwa watu wake na wokovu wao (50:20).

Mwandishi

Musa.

Tarehe

Kama mwaka wa 1420 au 1220 KK.

Mgawanyo

Kuumbwa kwa ulimwengu, na mwanadamu (1:1–2:25)

Kuanguka kwa mwanadamu, na chanzo cha dhambi (3:1–4:26)

Historia ya mwanadamu aliyeanguka hadi gharika (5:1–9:29)

Binadamu kuenea duniani kote (10:1–11:32)

Maisha ya Ibrahimu (12:1–25:18)

Maisha ya Isaka (25:19–26:35)

Maisha ya Yakobo na Esau (27:1–37:1)

Maisha ya Yusufu (37:2–50:26).

നിലവിൽ തിരഞ്ഞെടുത്തിരിക്കുന്നു:

Mwanzo Utangulizi: NMM

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Used with permission.

Neno: Maandiko Matakatifu നെക്കുറിച്ച് കൂടുതലറിയുക

Mwanzo Utangulizi