मत्ती 18
18
सुरग के राज मै सबसै बड़ो कौन
(मरकुस 9:33–37; लूका 9:46–48)
1 #
लूका 22:24
उसई घड़ी चेला ईसु के धौंरे आकै पूँछल लगे, कै “सुरग के राज मै सबसै बड़ो कौन है?”
2तब ईसु नै एक बालक बुलाओ, और उनके बीच मै खड़ो करो, 3#मरकु 10:15; लूका 18:17और कैई, “मैं तुमसै सच कैरओ हौं, अगर तुम ना बदलौ और बालकौ के जैसे ना बनौ, तौ सुरग के राज मै दाखिल ना हो पाऔगे। 4इसताँई जो कोई अपने आपकै इस बालक के हाँई छोटो बनागो, बौ सुरग के राज मै बड़ो होगो। 5और जो कोई मेरे नाम सै एक ऐंसे बालक कै मानै है बौ मैंकै मानै है।
ठोकर खबानै बारौ कै हाय
(मरकुस 9:42–48; लूका 17:1,2)
6 “पर जो कोई नमर लोगौ मै सै जो मेरे ऊपर बिसवास करैं हैं, एक कै बी भटकावै है, उसके ताँई जौई भलो होतो, कै बाकी गरदन मै चक्की को पटा बांधो जातो और बौ गैहरे समन्दर मै डुबै दओ जातो। 7कितनी भयानक बात है दुनिया के लोगौ के ताँई जो दूसरौं कै ठोकर खबावै हैं! ठोकरौं को लगनो तौ जरूरी है, पर हाय बा आदमी मै जिसके दुआरा ठोकर लगै है।
8 #
मत्ती 5:30
“इसताँई अगर तेरो हात या तेरो पाँऐ तेकै ठोकर खवाय, तौ उनकै काटकै फैंक दे, कैसेकै दौनौ हात और पाँऐ होते भए बी तू हमेसा की नरक की आग मै जाने सै, टुंटा या लंगड़ा होकै हमेसा की जिन्दगी मै परबेस कन्नो तेरे ताँई जादा ठीक है। 9#मत्ती 5:29और अगर तेरी आँख तेसै पाप करबाय, तौ बाकै लिकारकै फैंक दे, बजाए इसके कै दौनौ आँखौं समेत तू नरक की आग मै डारो जाय। सुरग मै कांड़ो होकै हमेसा की जिन्दगी मै परबेस कन्नो तेरे ताँई जादा ठीक है।
भटकी भई भेड़ की दासतान
(लूका 15:3–7)
10 #
लूका 19:10
“चौकस रैहऔ, इन छोटौ मै सै एक कै बी बेकार ना समजौ, मैं तुमसै कैरओ हौं, उनके दूत सुरग मै लगातार मेरे सुरग के अब्बा के दरसन करैं हैं। 11#18:11 कुछ यूनानी हस्तलेखौ मै आयत 11 जोड़ी गई है। जो खो गओ हो उसई कै बचानै के ताँई आदमी को लौंड़ा आओ है। 12बताऔ तुम का सोचौ हौ? अगर किसी आदमी की सौ भेड़ हौं, और उनमै सै एक भटक जाय, तौ का बौ उन निन्नियानबे भेड़ौ कै पहाड़ी मै छोड़कै, जाकै, उस भटकी भई कै ना ढूंड़ैगो? 13बौ जरूरई जागो और जब उसकै बौ मिल जागी, तौ मैं तुमसै सच कैरओ हौं कै बौ उन निन्नियानबे भेड़ौ के ताँई जो खोई ना हीं, इत्तो खुस ना होगो जित्तो कै बौ बा भेड़ के मिलनै सै होगो। 14इसई तरै तुमरो सुरग को अब्बा ना चाँहै है कै उन छोटौ मै सै एक बी भटक जाय।
जब कोई तेरो बुरो करै
15 #
लूका 17:3
“अगर तेरो भईया तेरे संग # 18:15 तेरे संग कुछ हस्तलेखौ मै तेरे संग ना देओ गओ है कोई बुरो बरताब करै, तौ जाकै उसकै इकले मै समजा, अगर बौ तेरी बात मान जावै है, तौ तैनै अपनो भईया बचा लओ। 16अगर बौ तेरी बात ना मानै, तौ और एक दो जनी कै अपने संग ले जा, कै हर एक बात दो या तीन गभाऔ के मौह सै सबूत हो जाय। 17अगर बौ उनकी बी ना मानै, तौ बिसवासिऔ की मंडली कै बता दे, पर अगर बौ बिसवासिऔ की मंडली की बी ना मानै, तौ तू उसकै पराए लोगौं और चुंगी लैनै बारो जैसो जान।
18 #
मत्ती 16:19; यहून 20:23 “मैं तुमसै सच कैरओ हौं, जो कुछ तुम धरती मै बांधौगे, बौ सुरग मै बंधैगो और जो कुछ तुम धरती मै खोलौगे, बौ सुरग मै खुलैगो। 19मैं तुमसै जौ बी कैरओ हौं, कै अगर तुम्मै सै दो जनी एक मन सै इस धरती मै जो कुछ बी माँगौगे, तौ बौ उनकै मेरे सुरग के अब्बा की ओर सै जरूरई मिलैगो। 20कैसेकै जहाँ दो या तीन मेरे नाम मै इखट्टे होवै हैं, बहाँ मैं उनके बीच मै हौं।”
माफ ना कन्नै बारे नौकर की दासतान
21 #
लूका 17:3,4 तब पतरस नै धौंरे आकै ईसु सै पूँछी, “हे परभु, अगर मेरो भईया मेरे खिलाप अपराद करतो जाय, तौ मैं कितनी दफै बाकै माफ करौं? का सात दफै तक?”
22ईसु नै उस्सै कैई, “मैं तुमसै जौ ना कैतो, कै सात दफै, बलकन सात दफै के सत्तर गुना तक।
23 “इसताँई सुरग के राज की तुलना बा राजा सै करी जा सकै है, जिसनै अपने नौकरौ सै हिसाब लैनै की सोची ही। 24जब बौ हिसाब लेल लगो, तौ बाको लाखौं रुपिया को एक करजदार बाके सामने पेस करो गओ। 25करजा दैनै के ताँई बाके धौंरे कुछ बी ना हो, इसताँई मालिक नै हुकम दओ, कै जौ और जाकी बईयर और बालक और जो कुछ जाको है सब बेचो जाय, और बौ करज बापस ले लओ जाय। 26तब बाको नौकर बाके पाँऐऔं मै गिरकै गिड़गिड़ाल लगो कै, ‘मैंकै और टैम दे, मैं सब कुछ चुका दंगो।’ 27तब उस नौकर के मालिक नै तरस खाकै बौ छोड़ दओ, और बाको करजा माफ कर दओ। 28पर जब बौ नौकर बाहार लिकरो, तौ उसकै उसको एक साती नौकर मिलो, जो बाको लगभग सौ दिनार#18:28 एक दिनार एक दिन की डिहाड़ी है को करजदार हो, उसनै बाको गिरेबान पकड़ लओ और उसको टैंटुआ दबाते भए बोलो, ‘जो तेकै मेरो देनो है, मैंकै लौहटा दे।’
29 “इस बात मै बाको साती नौकर उसके पाँऐ मै गिर पड़ो और गिड़गिड़ाकै कैललगो, ‘मैंकै और टैम दे, मैं सब कुछ चुका दंगो।’
30 “पर बानै मनैह कर दई, इतनोई ना उसनै बौ तब तक के ताँई, जब तक बौ बाको करजा ना चुका दे, जेल बी भिजबा दओ। 31दूसरे नौकर इस सैरी घटना कै देक्कै भौत दुखी भए, और जाकै अपने मालिक कै सैरो हाल बता दओ।
32 “तब बाके मालिक नै बौ बुलाओ और कैई, ‘अरे दुसट नौकर, मैंनै तेरो बौ सैरो करजा माफ कर दओ कैसेकै तैनै मैंसै दया की भीक माँगी ही। 33का तेकै बी अपने साती नौकर के ऊपर दया दिखानी ना चँईऐ ही, जैसे मैंनै तेरे ऊपर दया करी ही?’ 34और मालिक नै घुस्सा मै आकै बौ तब तक के ताँई जेल मै डार दओ, जब तक बौ कौड़ी कौड़ी ना चुका दे।
35 “इसई हाँई अगर तुम्मै सै हर एक अपने भईया कै मन सै माफ ना करैगो, तौ मेरो अब्बा जो सुरग मै है, तुमसै बी बैसोई करैगो।”
നിലവിൽ തിരഞ്ഞെടുത്തിരിക്കുന്നു:
मत्ती 18: TKB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
New Life Compute Institute [NLCI] - CC BY-NC-ND 4.0
