মার্ক 11
11
(যীশু যিরূশালেম তে বলয় এনা) মথি 21:1 -11; লুকা 19:28-40; জন 12:12-19 ।
1ইনা তায়্ম চিন্তং যীশু হেৎদ চেলাকু যিরূশালেম রাঃআ কাতা হরকতে জৈতন বুরু রাঃআ বৈৎফগী হেৎদ বৈথ্নিয়া সরগ নাগার (হাতু) তেকু হিচেনা, ইন্তং যীশু আয়ায়্য় চেলাকু হাতে বার হড়কে কুল কেৎ কিনায়,
2যীশু ইঙ্কিন কে গামাৎ, কিনায় আবেন নাঃআ হানে ইনা হাতুতে সেনঃবেন দু; এন্ডে সেটের থরাঃআ ঞেলনামিয়া বেন মিয়াৎ গাধা বাছুর তল মেনাঃইআ, অক্য়য় রাঃআ দয়ারে যাহায় মান্মি নাহাঃহঅ আউরি কু দুপঃআ, হানিকে রাঃআড়া আগুইবেন দু।
3 যাহায় কু কুলিবেন খান, হিঁঃই কে চিয়াৎ বেন রাঃআড়াই তানা? তবেখান গামাকুবেন প্রভু রাঃআ লাক্তি মেনাঃআ; এন্খানগে হানি ইন্তঙ্গে হানিকে নেডে কুলিয়ায়।
4ইন্তং ইঙ্কিন সেন্কাতে কু নেল নামকিঃআ, মিয়াৎ গাধা বাছুর দুয়ার কাতারে, রাঃআচারে তল্ মেনাঃইআ, হেৎদ হানিকে রাঃআড়াইচ কেনায়,
5এন্ডে অক্য়য় কু তিন্গু লেনা, ইঙ্কূ য়া তালা হাতে কথক হড় কু গাম কেৎআয়, গাধা বাছুরকে চিয়া বেন লাড়াতানা ?
6ইন্খান গে জিসু চিল্কা গাম লাত্যায়, ইঙ্কূ হাঁঙকু কে এঙ্কা গেকু গামাৎ কুয়া, হেৎদ ইঙ্কূ ইনিটা কে এগু তুকা কিয়াকু।
7ইনা তায়্ম ইঙ্কূ হানি গাধা বাছুর টা কে যীশু রাঃআ কাতাতে আগু কাতে আকুয়াআ আ কিচিই বাছুর রাঃআ দয়া রে বিছা কেৎ আকু, হেৎদ যীশু ইনি রাঃআ দয়া রে দুপেনায়।
8ইন্তং গাদা হড় আকুয়াআ কিচি সিনিব হরা হরা তেকু আটেৎ ইদি কেৎআ অটহঅ অকয় কুদ বাইদ ডাঙ্গা হাতে দারু ডাইর মাআ কাতে হরা হরাতেকু আটেৎ ইদি কেৎ আকু।
9হেৎদ অকয় হড় কু সামাং সামাং তে হেৎদ তায়্ম তায়্ম তেকু তাড়ম তাৎআ, ইঙ্কূ কিকিচ কাতে কু গাম্কেৎআ, হোশান্না ! ধনয়্য় ইনি, অক্য়য় প্রভু নুতুমতে হিজু তানায়।#দুরাঃআং মালা 118:26
10ধনয়্য় অকা সরগ পারহড় হিজু তানা, আলেয়াআ হাপড়াম দাউদ রাঃআ পারহড় সরগপুরিরে হোশান্না।#মথি 23:39
11ইনা তায়ম যীশু যীরুশালেম তে বলঃঅ আদেরে নতে থানতে রাকাপে নায়, হেৎদ গটা কয়অ গুরাঃআ কেৎআয় বেলা ডুবুজ তান খানে ইঙ্কূ ১২ চেলা লঅ উডুং কাতে বথ্নিয়া দর কু তাড়ম কেৎআ।
পটিয়াতে বিন্তি বাব্ত্তে চেচেদ। মথি 21:18-19,
12ইনা তায়্ম হুলাং যীশু হেৎদ চেলা কু বথ্নিয়া হাতে উডুং হিচেন খান যীশু কে রেঙ্গেচ কিইয়ায়্য়,
13হেৎদ সাঙ্গীঙ হাতে সেকাম পেরেচ লয়া দারু নেলনাম কেৎআ, জ হুডাঙ নাম নাতিনাং, সেএ নায় কাতাতে; মেন্খান কাতাতে সেন কাতে নেলেয়ায় সেকাম ছাড়া জাহান জ বায়ায় না, চিয়াআ চি নিন্তং দ লয়া দারু রাঃআ জ বাহা রাঃআ সময় কা তাহীন কেনা।
14যীশু দারু টাকে গামাইআ, নাহাআ অব্দি যাহায় জাহাহুলাং আমাআ জ আলকু জমে কাঃআ, নিয়া জাগার আয়ায়্য় চেলা কু আয়ুম নাম লাআ।
যীশু জেরুসালেম মুন্দির সাফা কেৎআয়্য়। মথি 21:12 -17; লুকা 19:45-48; জন 2:13-22 ।
15ইনা তায়্ম যীশু হেৎদ চেলাকু যীরুশালেম তেকু হিচেনা, হেৎদ যীশু ধরম থান ভীতির তে বলঃঅ কাতে, অকয় কু ধর্ম থান ভীতির রে কিরিং আখরীঙ এৎ কেনাকু, হাঁঙকুকে উডুং গিডিৎ কু কেনায়, হেৎদ কাউডি ভাহড় কুরাঃআ সাল্গী হড় ডু হুরল্লা গিডি কেৎআয়, অটহঅ অকয় কু পেরয়া আখরীঙ কুকেনাকু, ইঙ্কূ য়া আসন যত উল্টা গিডি কেৎ আয়।
16 হেৎদ ধরমথান ভীতির হরকাতে যাহায় কে জাহান জিনিষ কায় ইদি তুকা লাত কুয়া।
17হেৎদ যীশু চেলা কুকে চেদকেৎ কুয়ায়্য় , হেৎদ গামাৎ কুয়া, নেকা দ চি অল কা তাহি লেনা ' ইঞা অড়া যত জাতি কুরাঃআ বিন্তি অড়া আ গাময়া? মেন্খান আপে নিয়া 'কুমড়ু কুরাঃআ অড়া' পে বাই তাৎআ।#লুক 19:46
18নিয়া জাগার আয়ুম কাতে মারাঃআং বামড়ে হেৎদ কটাল কু, যীশু কে চিল্কাতে কু বিনাসিয়া, ইনারাঃআ গে কুরুমুটু কু লাগায় না; চিয়া চি ইঙ্কূ ইনিকে বরয়াইয়াকু, কারন আয়া আ উপমাতে যত হড় কু খুশি কেনা।
19হেৎদ আয়ুপ লেন খান যীশু হেৎদ চেলাকু সরগ নাগার রাঃআ বাহার তেকু সেন কেনা।
লআ দারু রহড়েনা। মথি 21:20 -22
20সেতাআ বেত্রাঃআং সেন সেন তে চেলা কু নেল কেৎ আকু, হানা লোয়া দারু টা পাটা হাতেৎ রহড়া কানা।
21ইন্তং পিতর মাড়াং হূলাঙ রাঃআ জাগার পাহামা কিইতে গাম কেৎআ, প্রভু, নেলেম, আবেন অকা লোয়া দারু কেবেন স্যাপআ লিয়াম, ইনাটা রহড়া কানা।
22 যীশু গাম রুয়াড় কাতে ইঙ্কূ কে গামাৎ কুয়া ঈস্বর রাঃআ হান্ডে পাতিয়া দহয় পে।
23 ইঞ আপেকে সার্তি গেঞ গামাপে তানা, যাহায় গে ইনা বুরু কে গামাই য়ায়, তুত সরাঃআ ম, হেৎদ দরেয়ারে নুরঅম, হেৎদ মনে মনে আলম সন্ধেহ আ, মেন্খান অক্য়য়য়ে পাতিয়ায়্য়, অকাএ গামেয়ায় ইনাগে হয়ুয়া, ইন্খান ইনি রাঃআ নাতিনাং ইনা গে হযুয়া।
24 নিয়া খ্যাতির ইঞ আপেকে গামাপেয়া, অকা কু নাতিনাং বিন্তি হেতৎদ আসিজম য়াপে, পাতিয়াপে নাম তৎআপে মেন্তে, আপেয়া নাতিনাং ইনাগে হয়ুয়া।
25 অটহঅ আপে চিন্তং বিন্তি নাতি নং পে তিঙ্গুনা, যাহায় রাঃআ বিরুৎতে চি জাহান থুতি মেনাআ, হানিকেৎ ঈকা এমায়ম; এনেইঙ্গআ গে সরগ রেনিচ আপু আপেয়া যত অপরাঃআধ ঈকা য়ায়্য়।
26যদি আপে এটা কুরাঃআ কাই কাপে ঈকায়ায়্য়, এন্খান অক্য়য় সরগরে দাড়িয়ান ঈশ্বর বা মেনাইয়া ইনি যাহা হুলাং আপেয়া কাই কায় ইকায়া।
যীশু রাঃআ দাড়ি বাব্ত্তে চেচেদ। মথি 21:23-27; লুকা 20:1 -8
27ইনা তায়্ম অটঃহঅগে যীশু হেৎদ চেলাকু যীরুশালেম তেকু হিচেনা ; হেৎদ যীশু ধরম থান রাঃআ ভিতররে ঘুরাঃআ ভাড়া কেনায়, ইন্তং মারাঃআং বামড়ে কু, কটাল কু হেৎদ মুরুব্বিকু আয়ায়্য় হান্ডে হিচ্ কাতে কুলি কিআকু,
28আবেন চিকান দাড়িতে নিয়া কু যত করাঃআয় তানায়বেন ? নিয়া যত কামি নাতিনাং অক্য়য় দাড়ি এমাতাৎ বেনায় ?
29 যীশু ইঙ্কূ কে গাম রুয়ার কেৎ কুয়ায়্য় , ইঞ হঅ আপেকে মিয়াৎ কুক্লি য়া কুলি পেয়াঞ, কুলি রাঃআ তেলা এমাঞ পে, এন্খান্গে গামাপেয়াঞ আপেকে, অকা দাড়িতে নিয়া কু যত কামী তানাঞ,
30 যোহন রাঃআ ডুবান সরগ হাতেৎ হুই লেনা চি মান্মি হাতেৎ হুই লেনা? তেলা এমাঞ পে দা।
31ইন্তং ইঙ্কূ আকু আকু ধরবার কাতে কু ভাবা কেৎআ, যদি সরগ হাতে বু গামেয়া, এন্খান গামা বুয়ায় হাঁঃআ, ইন্খান আচ্কে কাপে পাতিয়া লিআ চিয়ায়্য়?
32অটহঅ যদি গামেয়াবু, মান্মি হাতে হিচা কানায় গামেয়াবু? ইঙ্কূ দ হড় কুকে ব্র্ য়াকুয়াকু, চিয়াচি যত হড় যোহন কে ভাবি জাগারিচ মেন্তে কুপাতিয়া কেনা,
33ইন্খান্গে যীশু কে কু গাম রুয়াড়া ইয়াকু কালে সারিয়া। ইন্তং যীশু ইঙ্কূ কে গাম রুয়াড় কেৎকুয়ায়্য় য়, ইঞ হঅ কাঞ গামা পেয়া অকয় রাঃআ দাড়ি তে নিয়া যত কামিঞ কামী তানা।
നിലവിൽ തിരഞ്ഞെടുത്തിരിക്കുന്നു:
মার্ক 11: KTn
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
