Maitiú 10
10
CAIBIDIOL X.
An dá Asbol déag dá gcur amaċ ag Críost agus cóṁaċt acu ċun mírḃúiltí ḋéanaṁ. Teagasg aige á ṫaḃairt dóiḃ.
1Agus do ġlaoiḋ sé ċuige a ḋáréag deisgiobul, agus ṫug sé ḋóiḃ cóṁaċt ar na h-annspridíḃ, ċun iad do ċur amaċ, agus ċun gaċ galair agus breóiteaċta do leiġeas. 2Agus sidiad ainimneaċa an dáréag aspol: Símón an ċéad duine, agus Peadar a tugtar air; agus Aindrias a ḋriṫáir. 3Séamus mac Sebedé, agus Eóin a ḋriṫáir, Pilib agus Parṫolán, Tomás, agus Maitiú an puibliocánaċ, Séamus mac Alṗéis, agus Taddeus, 4Símón ó Ċanaan, agus Iudás #10:4 .i. ó n-a ḃaile dúċais.Iscariót, an fear a ḋíol é.
5Ċuir Íosa uaiḋ an dáréag san, agus ṫug sé órdú ḋóiḃ mar seo: Ná h-imṫiġiḋ i slíġ na ngeinte agus na téiġiḋ isteaċ i gcaṫaraċaiḃ na Samaritánaċ; 6Ac téiġiḋ #Gníoṁ. 13:46.fé ḋéin na gcaoraċ de ṫeiġleaċ Israéil atá imṫiġṫe amú’. 7Imṫíġiḋ, agus deiniḋ craoḃsgaoileaḋ, agus abraiḋ, Tá ríġeaċt na ḃflaṫas tagaiṫe i n-aċmaireaċt. 8Leiġsiḋ daoine breóite; tógaiḋ na mairḃ ó’n mbás; glanaiḋ na loḃair; cuiriḋ amaċ na deaṁain. Is i n-aisge do fuaraḃair; tugaiḋ uaiḃ i n-aisge.
9Ná bíoḋ ór ná airgead ná saiḋḃreas i dtaisge agaiḃ i nḃúr gcrios. 10Ná bíoḋ mála ċun lóin ḃóṫair agaiḃ, ná ḋá ċasóig, ná bróga, ná cleiṫ; óir is fiú an fear oibre é ċoṫú. 11Agus pé caṫair nó dún n-a raġaiḋ siḃ isteaċ ann, fiafraíġiḋ cé is creideaṁnaċ ann, agus fanaiḋ ansan go dtí go mbeiḋ siḃ ag imṫeaċt. 12Agus nuair a ḃeiḋ siḃ ag dul isteaċ i dtiġ, beannuiġiḋ do’n tiġ sin agus abraiḋ; Síoṫċáin do’n tiġ seo. 13Agus má’s fiú an tiġ sin é, tiocfiḋ ḃúr síoṫċáin air; mura fiú, áṁ, fillfiḋ ḃúr síoṫċáin oraiḃ féin. 14Agus pé duine ná glacfaiḋ siḃ agus ná h-éistfiḋ le nḃúr mbréiṫriḃ, téiġiḋ amaċ as an dtiġ sin, nó as an gcaṫair sin, agus caiṫiḋ an ceó d’ḃúr gcosaiḃ ann. 15Go deiṁin adeirim liḃ, is saoire a ḃeiḋ an sgéal ag tír Ṡodom nó ag tír Ġomorra lá an ḃreiṫeaṁantais ’ná ag an gcaṫair sin.
16Féaċ, táim ag ḃúr gcur amaċ ar nós caoraċ ameasg faolċon. Bíḋiḋ, d’á ḃríġ sin, ċóṁ glic leis na h-aiṫreaċaiḃ niṁe agus ċóṁ #10:16 Ver. 16. símplíḋe .i. macánta, soiléir, fírinneaċ, gan feall.símplíḋe leis na colúraiḃ. 17Aċ seaċnaiḋ siḃ féin ar na daoine. Óir, taḃarfid siad ar láiṁ siḃ, ins na cóṁairlíḃ agus sgiúrsálfaid siad siḃ i n-a sinagógaiḃ; 18Agus béarfaid siad i láṫair ríġṫe agus uaċtarán siḃ mar ġeall orm-sa #10:18 .i. ċun na fírinne ṫaisbeáint dóiḃ.mar ḟiaḋnaise ḋóiḃ-sin agus dos na geintiḃ. 19Nuair a ṫaḃarfid siad ar láiṁ siḃ, áṁṫaċ, ná bíḋiḋ ag maċtnaṁ féaċaint cad’ déarfaiḋ siḃ, ná conus; óir taḃarfar daoiḃ an uair sin an níḋ a laḃarfaiḋ siḃ. 20Óir ní siḃ-se do laḃrann aċ Spioraid ḃur n-Aṫar a laḃrann ionaiḃ. 21Agus taḃarfaiḋ an driṫáir a ḋriṫáir le cur ċun báis, agus an t-aṫair a ṁac; agus eireóċaid an ċlann i gcoinniḃ a n-aṫar agus a máṫar agus básóċaid siad iad. 22Agus beiḋ fuaṫ ag gaċ duine ḋaoiḃ-se mar ġeall ar m’ainim-se; Aċ an t-é ṡeasóċaiḋ amaċ go deire isé a slánófar. 23Aċ nuair a déanfar géarleanṁaint oraiḃ sa ċaṫair sin, imṫiġiḋ go caṫair eile: Go deiṁin adeirim liḃ, ní ḃeiḋ caṫaraċa Israéil siúḃalta agaiḃ sar a dtiocfiḋ Mac an Duine.
24Ní’l an deisgiobul níos fearr ’ná a ṁáiġistir, agus ní’l an seirḃíseaċ níos fearr ná a ṫiġearna. 25Is leór do’n deisgiobuil ḃeiṫ mar a ṁáiġistir, agus do’n tseirḃíseaċ ḃeiṫ mar a ṫiġearna. Má ṫugadar Beelsebub ar ḟear an tiġe, náċ mó ’ná san a ṫaḃarfaid siad ar ṁuintir a ṫiġe é? 26Ná bíoḋ eagla agaiḃ rómpa d’á ḃríġ sin. Óir ní’l aon rud fé ċlúid ná noċtfar, agus ní’l rud i ḃfolaċ na h-aiṫneófar. 27An rud adeirim liḃ sa doirċeaċt abraiḋ sa tsolus é; agus an rud a ḋ’airiġeann siḃ [mar ċogar] sa ċluais deiniḋ é ċraoḃsgaoileaḋ ar ḃarraíḃ na dtiġṫe. 28Agus ná bíoḋ eagla agaiḃ roimis an muintir a ṁarḃuiġeann an corp, agus náċ féidir dóiḃ an t-anam a ṁarḃú; aċ bíoḋ eagla agaiḃ roimis an t-é gur féidir dó idir anam agus corp do ċur go h-ifreann. 29Ná díoltar ḋá ġealḃún ar ḟeóirling? Agus ní féidir do ġealḃún acu tuitim ċun tailiṁ gan ḃúr n-Aṫair. 30Ní’l ruibe d’ḃúr ngruaig ná fuil cóṁriġṫe. 31Ná bíoḋ eagla oraiḃ, d’á ḃríġ sin. Is mó le ráḋ siḃ-se ’ná mórán des na gealḃúnaiḃ. 32Gaċ duine, d’á ḃríġ sin, a ḋ’adṁóċaiḋ mise os cóṁair daoine, adṁóċad-sa eisean os cóṁair m’Aṫar atá ins na flaṫais. 33Aċ an t-é a ṡéanfaiḋ mise os cóṁair daoine, séanfad-sa eisean os cóṁair m’Aṫar atá ins na flaṫais.
34Ná measaiḋ gur ċun na síoṫċána ċur ar an dtalaṁ a ṫánag; ní ċun na síoṫċána ċur ann a ṫánag, aċ ċun an ċlaiḋiṁ a ċur ann. 35Óir do ṫánag ċun an duine ċur i n-earaid le n-a aṫair, agus ċun na h-inġine ċur i n-aġaiḋ a máṫar, agus ċun mná an ṁic do ċur i n-aġaiḋ máṫar a céile.#10:35 Ver. 35. ṫánag ċun an duine ċur i n-earaid ⁊rl. — Ní ’ġá ráḋ é gur ḃ’ ṡiné cúis ḃunaiḋ a ḃí ag ár Slánuiġṫeóir le teaċt, aċ go dtiocfaḋ na neiṫe sin as a ṫeaċt agus as a ṫeagasg, mar ġeall ar an gcuma ’n-a mbeaḋ a lán ag cur ’n-a ċoinniḃ go stuacaċ, agus ag cráḋ na ndaoine do leanfaḋ é. 36#Mích. 7:6.Agus naṁaid duine a luċt aontíġis féin. 37An t-é gur measa leis a aṫair nó a ṁáṫair ’ná mise, ní’l sé maiṫ a ḋóiṫin dom; agus an t-é gur measa leis a ṁac nó a inġean ’ná mé, ní’l sé maiṫ a ḋóiṫin dom. 38Agus an t-é ná glacfaiḋ a ċros agus mise do leanṁaint, ní’l sé maiṫ a ḋóiṫin dom. 39An t-é a ġeoḃaiḋ a anam féin caillfiḋ sé é; agus an t-é a ċaillfiḋ a anam féin ar mo ṡon-sa, ġeoḃaiḋ sé é. 40An t-é a ġlacann siḃ-se, glacann sé mise; agus an t-é a ġlacann mise, glacann sé an t-é a ċuir uaiḋ me.
41An t-é a ġlacann fáiḋ i n-ainim fáiḋe, ġeoḃaiḋ sé tuarasdal fáiḋe; agus an t-é a ġlacann fíoraon i n-ainim fíoraoin, ġeoḃaiḋ sé tuarasdal fíoraoin. 42#Marc. 9:40.Agus an t-é a ṫaḃarfaiḋ le n-ól do ḋuine de’n ċuid is suaraíġe ḋíoḃ san fiú cupán uisge ḟuair, i n-ainim deisgiobuil, go deiṁin adeirim liḃ, ní ċaillfiḋ sé a luaċt saoṫair.
നിലവിൽ തിരഞ്ഞെടുത്തിരിക്കുന്നു:
Maitiú 10: ABNPOLG
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
historic text maintained by the Bible Society.
