लूका 7
7
हिकअ सूबेदारअ जो विश्वास
(मत्ती 8:5-13)
1जड॒ऐं येशु मांणुन खां इहे सब गा॒ल्यूं करे चुको, त उहो कफरनहुम नगर में आयो। 2उते कें हिकअ रोमी सूबेदारअ जो दास हो, जेको हुन जो डा॒ढो प्यारो हुयो ऐं उहो बीमारीअ सां मरण ते हो। 3जड॒ऐं सूबेदारअ येशुअ जी चर्चा बु॒धी, त हुन यहूदिन जे चग॒ंन हीं पुरनियन#7:3 पुरनियां यानि: यहूदिन जा आदरणीय वडा॒ अग॒वा। खे येशुअ डे॒ मिंथूं करण जे लाए मोकलियईं, के महेरबानी करे मुंजे दासअ खे अची करे ठीक कर। 4उहे येशुअ वट आया ऐं संदस खे डा॒ढियूं मिंथूं करे चवण लगा॒, “उहो सूबेदार इन लायक आहे के तूं उन जे लाए इयो करीं, 5छोके उहो असां यहूदिन सां प्यार कंदो आहे ऐं उन असां खे प्रार्थना-घर बी ठाराए डि॒नो तईं।” 6येशु उनन सां गड॒ वयो ऐं जड॒ऐं उहो उन जे घरअ जे वेझो ही हो, त उन सूबेदारअ पांजे कुछ दोस्तन जे हथां चवाए मोकलियईंस, “हे प्रभु, तकलीफअ न खण, छोके मां इन लायक कोन आयां के तूं मुंजे घर अचीं। 7इन करे मां पांजे पाण खे इन लायक बी न समझो के मां तो वट अचां, परअ तूं रुगो॒ उतां खां हीं चई छडी॒ंदे के ठीक थी वञ, त मुंजो दास ठीक थी वेंदो। 8छोके मां पाण बी कें अधिकारअ जे हेठां आयां ऐं सिपाही बी मुंजे अधिकारअ जे हेठां आइन; ऐं जेकड॒ऐं मां कें हिकअ खे चवंदो आयां, ‘वञ,’ त उहो हली वेंदो आहे; ऐं जेकड॒ऐं बे॒ खे चवंदो आयां, ‘अच,’ त उहो ईंदो आहे; ऐं पांजे कें दासअ खे इयो चवंदो आयां, ‘के इयो कम कर,’ त उहो कंदो आहे।” 9इयो बु॒धी येशुअ खे ताजुब थ्यो ऐं हुन पोयां मुड़ी करे जेकी भीड़अ संदस जे पोयां हली रई हुई उनन खे चयईं, “मां तवां खे चवां तो, के मां हेड़ो विश्वास त इज़राएल में बी किथे न पातो आहे।” 10सो जड॒ऐं सूबेदारअ जे तरफां मोकल्यल मांणू घर मोटी आया, त संदन उन दासअ खे जेको बीमार हो, बिल्कुल ठीक पातऊं।
येशुअ जो हिकअ मुरदे खे जिंदो करण
11थोड़न डी॒ंहन खां पो येशु नाईन नाले जे नगरअ में वयो। संदस जा चेला ऐं हिकअ वडी॒ भीड़अ हुन सां गड॒ हली रही हुई। 12जड॒ऐं उहो नगरअ जे फाटकअ जे पासे पौंतो, त उते मांणू हिकअ मुरदे खे नगरअ मां बा॒हिर खणीं प्या वञन। उहो पांजी माता जो इकलौतो पुट हो ऐं उहा स्त्री पाण विधवा हुई। नगरअ जा चंगा॒ हीं मांणू उन सां गड॒ हुवा। 13उन विधवा स्त्रीअ खे डि॒सी प्रभुअ जो दिल दया सां भरजी वयो ऐं हुन संदस खे चयईंस, “रो न।” 14तड॒ऐं उहो अरथीअ जे पासे वयो ऐं उन खे हथ लगा॒यईं, इन ते कांधी उते ही बीह रया। येशुअ चयईं, “हे जवानअ, मां तोखे चवां तो त उथ!” 15तैंते उहो मुरदो उथी वेठो ऐं गा॒लाएण-बो॒लाएण लगो॒। येशुअ उन जवानअ खे संदस जी माता जे हवाले करे छड॒यईं। 16इयो डि॒सी सब ड॒की वया ऐं उहे परमेश्वरअ जी स्तुति करे चवण लगा॒, “असां जे विचअ में हिक डा॒ढो वडो॒ भविष्यवक्‍ता आयो आहे ऐं परमेश्वरअ पांजे मांणुन जे मथां दया कई आहे।” 17येशुअ जे बारे में इया गा॒ल सजे॒ यहूदिया क्षेत्रन में ऐं आसे-पासे जे सबनिन इलाकन में फैल जी वई।
यूहन्ना बपतिस्मा डि॒यण वारे जो सवाल
(मत्ती 11:2-19)
18यूहन्ना खे संदस जे चेलन इन सबनिन गा॒ल्युन जी खबरअ डि॒नी, तड॒ऐं यूहन्ना पांजे चेलन मां बि॒न ज॒णन खे पाण वट घुरायईं, 19ऐं उनन खे प्रभुअ वट इयो पुछण जे लाए मोकल्यईं, “अचण वारो मसीह तूं हीं आईं, यां असां बे॒ केंजो इंतज़ार कयऊं?” 20उहे येशुअ वट आया ऐं हुन खे चयऊंस, “यूहन्ना बपतिस्मा डि॒यण वारे असां खे तो वट इयो पुछण जे लाए मोकल्यो आहे के अचण वारो मसीह तूं हीं आईं, यां असां बे॒ केंजो इंतज़ार कयऊं?” 21उन हीं वक़्त येशुअ डा॒ढन बीमारन खे ऐं जेके पीड़ाउन में हुवा उनन खे ठीक कयईं ऐं जेंजे अंदर दुष्‍टआत्माऊं हुयूं उनन खे संदन जे वसअ मां छडा॒यईं; ऐं डा॒ढन हीं अंधन जूं अख्यूं ठीक कयईं; 22येशुअ उनन खे चयईं, “जेको तवां डि॒ठो ऐं बु॒धो तव उहो वञी यूहन्ना खे बु॒धायो; के अंधा डि॒सन ता, लगड़ा हलन-फिरन ता, कोढ़ी शुद्ध ता कया वञन, बो॒रा बु॒धंता ऐं मुरदा जिंदा ता कया वञन ऐं ग़रीबन खे ख़ुशख़बरी बु॒धाई ती वञे।#यशा 35:5,6; 61:1 23धन्य आहे उहो, जेंखे मुंजे बारे में कोई शक न हुजे।” 24जड॒ऐं यूहन्ना जा चेला उतां हली वया, त येशु यूहन्ना जे बारे में मांणुन खां पुछण लगो॒, “तवां जंगलअ में छा डि॒सण वया हुयवअ? छा हवा सां हिलंदर गाह जी डा॒ंडीअ खे? 25त पो भला छा डि॒सण वया हुयवअ? छा सुठा महेंगा कपड़ा पातलअ मांणूअ खे? न, डि॒सो, जेके चमकदार ऐं महेंगा कपड़ा पाईंदा आइन उहे मजे ऐं एशो-आरामअ सां महेलन में रवंदा आइन। 26त पो भला छा डि॒सण वया हुयवअ? छा कें भविष्यवक्‍ता खे? हा, मां तवां खे चवां तो परअ भविष्यवक्‍ता खां बी वडे॒ खे। 27हे उहो ही आहे जेंजे बारे में पवित्रशास्त्र में लिख्यल आहे, परमेश्वर चहे तो, ‘डि॒सो, मां पांजे दूतअ खे तुंजे अग॒यां मोकल्यां तो, जेको मांणुन खे तुंजे अचण जे लाए तैयार कंदो।’#मलाकी 3:1
28मां तवां खे चवां तो, स्त्रियुन जे पेटअ मां ज॒म्यल सबनिन मांणुन मां यूहन्ना बपतिस्मा डि॒यण वारे खां वडो॒ कोई बी कोने। परअ परमेश्वरअ जे राज॒अ में जेको बी नंढे खां नंढो आहे, उहो यूहन्ना बपतिस्मा डि॒यण वारे खां बी वडो॒ आहे।” 29सबनिन मांणुन ऐं एतरे हद ताईं के महसूल उगा॒ड़ींदड़न बी जड॒ऐं इयो बु॒धो, त उनन यूहन्ना खां बपतिस्मा वठण जे करे परमेश्वरअ खे सचार करे मञयऊं।#मत्ती 21:32; लूका 3:12 30परअ फ़रीसिन ऐं धर्मशास्त्रिन यूहन्ना खां बपतिस्मो न वठी करे, पांजे बारे में परमेश्वरअ जे मकसदअ खे ठुकराए छड॒यऊं। 31“सो इन पीढ़ीअ जे मांणुन जी भेटअ मां कैंसां कयां, के उहे कें वांगुर आइन? 32उहे उनन बा॒रन वांगुर आइन जेके बज़ारअ में वई हिकअ बे॒ खे सड॒ करे चवन ता,
‘असां तवां जे लाए बांसरी वजा॒ई,
परअ तवां न नच्यवअ;
असां मातमअ जो गीत गा॒यो,
परअ तवां न रुनवअ#7:32 इयो मिसाल येशुअ संदस जे वक़्तअ जे मांणुन जे लाए डि॒नईं, खास करे यहूदी अग॒वन जे लाए जेके कें बी तरीके सां संतुष्‍ट न प्या थ्यण चाहिन।!’
33छोके यूहन्ना बपतिस्मा डि॒यण वारो न रोटी खाईंदो हो, न दाखरस पीअंदो हो, परअ तवां उन जे बारे में चओ ता ‘उन में दुष्‍टआत्मा आहे।’ 34मांणूअ जो पुट आयो। जेको साधारण मांणूअ वांगुर खाए-पीए प्यो तो, परअ तवां हुन जे बारे में चओ ता, ‘डि॒सो, हे त पेटू ऐं पीयक्‍कड़ आहे ऐं महसूल उगा॒ड़ींदड़अ ऐं पापिन जो दोस्त बी आहे।’ 35परअ ज्ञान#7:35 इते ज्ञान येशु ऐं यूहन्ना जे द्वारा डि॒नल सिख्याउन खे तो डे॒खारे जेंजे मथां हली करे इयो तो साबित थे के इयो ज्ञान परमेश्वर जी तरफां आहे।। पांजे सब बा॒रन जे हलण जे द्वारा सच्‍चो ठहेरायो वयो आहे।”
येशुअ जो हिकअ फ़रीसीअ जे घर रोटी खाएण
36हिक डी॒ंह, कें फ़रीसीअ येशुअ खे पांजे घर रोटी खाएण जे लाए न्योतो डि॒नई, सो उहो उन जे घर वयो ऐं रोटी खाएण वेठो।#लूका 11:37 37उन नगरअ जी हिकड़ी पापिन स्त्रीअ खे जड॒ऐं इया खबरअ पई, के येशु फ़रीसीअ जे घरअ में रोटी खाएण वेठो आहे, त उहा उते संगमरमर जे अत्‍तुरधानीअ में अत्‍तुर खणी आई।#मत्ती 26:7; मर 14:3; यूह 12:3 38उहा रोईंदी रोईंदी येशुअ जे पोयां हुन जे पेरन जे पासे में अची बीठी। उन स्त्रीअ जा गो॒ड़ा येशुअ जे पेरन ते किरी रया हुवा ऐं उहा पांजे वारन सां हुन जा पेरअ उगी रई हुई। उहा येशुअ जे पेरन ते हरी-घड़ी चुमी ड॒ई संदस जे पेरन ते अत्‍तुर मलण लगी॒। 39इयो डि॒सी जैं फ़रीसीअ येशुअ खे रोटीअ ते घुरायो हो उहो पांजे दिल में सोचण लगो॒, “अगर हे मांणू भविष्यवक्‍ता हुजे आं, त इन खे खबरअ पेजी वञे आं, के इया स्त्री जेकी हुन खे हथ लगा॒ए रही आहे, उहा केर ऐं केड़े किस्मअ जी आहे, इया त पापिन स्त्री आहे।” 40येशुअ उन खे जवाब डि॒नईंस, “हे शमौनअ#7:40 इयो शमौन उहो फ़रीसी आहे, जेंजे घर येशु रोटी खाएण वेठो। , मुखे तोखे कुछ चवणो आहे।” उन येशुअ खे चयईंस, “हा गुरू, चओ।” 41येशुअ उन खे चयईं, “हिकड़े लेणेदारअ जा ब॒ कर्जदारअ हुवा। उनन मां उन लेणेदारअ जो हिकअ ते पंसओ दिनारअ ऐं बे॒ जे मथां पंजा दिनारअ जो कर्ज हुयो। 42जड॒ऐं उनन कर्जदारन वट चुकाएण जे लाए कुछ बी न बचो, त उन लेणेदारअ उनन बि॒निन खे माफ़ करे छड॒यईं। सो हाणे बुधाए बि॒निन कर्जदारन मां केर उन लेणेदारअ खां वधीकअ प्यार कंदो?” 43शमौनअ हुन खे जवाब डि॒नो, “मुंजे सम्झअ जे मुताबिक, उहो वधीकअ प्यार कंदो जेंजो कर्ज वधीकअ माफ़ थ्यो आहे।” येशुअ उन खे चयईं, “तुंजो जवाब हिक दम सही आहे।” 44उन खां पो येशुअ उन स्त्रीअ डा॒ं मुड़ी करे शमौनअ खे चयईं, “छा तूं डि॒ठए के इन स्त्रीअ मुसां छा कयो आहे? मां तुंजे घर आयुम, परअ तूं मुखे पेरअ धोहण जे लाए पाणी बी न डि॒नए, परअ इन स्त्रीअ मुंजा पेरअ पांजे गो॒ड़न सां धोता तईं ऐं पांजे वारन सां उग्या तईं।#उत्प 18:4 45तो मुंजे आदर-सत्कार में मुखे चुम्यो#7:45 चुमण, यहूदी जातिअ में घर आयल महेमान खे आदर-सत्कार करण जो हिक तरीको हो। बी न, परअ जड॒ऐं खां मां हिते आयो आयां इन स्त्रीअ मुंजे पेरन खे चुमण न छड॒यो तईं।#रोम 16:16 46तो त मुंजे मथे ते तेल बी न मख्यो, परअ इन मुंजे पेरन ते अत्‍तुर मल्यो तईं। 47मां तोखे चवां तो इन स्त्रीअ जा पापअ जेके डा॒ढा हुवा, उहे माफ़ थ्या आइन, तैं करे इन घणो प्यार कयो आहे। परअ जेंखे थोड़ी माफ़ी मिली आहे, उहो थोड़ो ही प्यार कंदो।” 48येशुअ उन स्त्रीअ खे चयईं, “तुंजा पापअ माफ़ थ्या।#लूका 5:20-21” 49इयो बु॒धी करे जेके मांणू येशुअ सां गड॒ रोटी खाएण वेठा हुवा, उहे हिकअ बे॒ खे चवण लगा॒, “हे केर थींदो आहे, पापन खे माफ़ करण वारो?” 50इन खां पो येशुअ उन स्त्रीअ खे चयईं, “सुकुन सां हली वञ, छोके तुंजे विश्वासअ तोखे बचायो आहे।#लूका 8:48; 17:19; 18:42 ”
നിലവിൽ തിരഞ്ഞെടുത്തിരിക്കുന്നു:
लूका 7: SND
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
