मत्ती 2
2
पंचाग देसनवारा गिनको आवनो
1राजा हेरोदेस #लूका 1:5 जबा राज कर रहयो होतो। वोच बेरा मा, यहुदिया को, बैतलेहम नगर मा, यीसु को जलम#मीका 5:2; लूका 2:4-7 भयो। तबच काही बेरा बाद, बिदवान जोन तारा ला चोव के पंचाग देखन वारा, येरुसलेम नगर मा आइन। 2“उनना पुसीन यहूदिगीन को आजच जलम हुयो लेकरा राजा कहाँन से? काहेका हमीना वोको तारा ला बादल मा देखीसेजन अना हमी वोकी पिराथना करन आयसेजन।”
3जबा असो गोस्टी राजा हेरोदेस न आयकिस, वसोच उ थरथराय गयो। अखीन सप्पा यरुसलेम को लोकगीन सटिया गईन। 4तबा वोना मुखिया याजक, अना मोसे को नियम को गुरू ला, जमा करीस। अना उनको लक पुसीस “का मसीह को जलम कहाँन होवनवारा से”
5भविस्यवक्ता गीनना राजा ला कहिन, “पवीतर गींरथ मा असो लिख्यो सेत का यहुदिया छेतर को” बैतलेहम नगर मा उ जलम लेवन वारा सेत,
6वो यहूदा देस को बैतलेहम, नगर,
तु यहूदा देस को कोनी नगर लक कम नामी नाहत।
काहेका तोरो लक एक राजा होहेत
जोन मोरो इजरायली परजा ला मारग चोवाहेत।
7तबा हेरोदेस न पंचाग देसनवारा ला उगो-मुगो बुलाइस। अना यो गोस्टी ला पक्को करीस। का तारा ठीक कोनी बेरा मा चोयो होतो। 8मंग राजा उनला बैतलेहम धाड़ीस। अना कहीस, जाव अना वोना लेकरा को बारे मा साजरी लक “पता लगावो” अना जबा उ तुमला मिल जाहे त मोला सांगो बल्कि मी भी आयके वोकी पिराथना कर सकु।
9मंग उ राजा की गोस्टी ला आयक के, चली गइन। उ तारा ला बादर मा उनना देखी होतीन होती। उ उनको पुढ़ा-पुढ़ा जाय रहयो होतो, मंग जबा उ जघा आई जहान उ टूरा होतो त तारा वोको वारता रुक गयो।
10जबा उनना असो देखिन त वय लगत खुसी भईन। 11वय वोना घर मा गईन, अना उनना वोकी माय मरियम लेकरा को संग होति, उता माय अना लेकरा को दरसन करीन। अना टोंगरा टेकके, नमस्कार करन लगीन। #यसायाह 60:6 अना आपरी-आपरी पेटी खोलके, ओमा लक मुदरो, लुभान अना गन्धरस को भेट चघाईन।
12पर परमेस्वर न एक सपना मा उनला चेताय देइस का वय वापसी हेरोदेस को जवर नोको जावो तबा वय एक दुसरो मारग लक अपरो देस ला लवट गईन।
मिसर देस ला जावनो
13जबा वय चली गईन त यूसुफ ला सपना मा पिरभु को एक सरग दुत न पिरगट होयके कहीस, उभो होय अना माय अना लेकरा ला धरके उगो-मुगो लक मिसर चली जाय, अना मी जबा तकन तोला नहि कहु, उतच रव्हने काहेकी हेरोदेस एना टूरा ला मारवा डाकन को लाई ढुन्डेत।
14तबा यूसुफ उभो भयो, अना माय अखीन लेकरा ला धरके रात मा मिसर देस को लाई चली गयो। 15अना हेरोदेस राजा को मरनो तकन, वहाँच रहयो। एको लाई की जेनो गोस्टी ला, पिरभु ना भविस्यवक्ता गीनको टोन्ड लक, सांग्यो होतो, उ पूरो भयो “मी ना आपरो टूरा ला मिसर लक हाकलिसेव#होसे 11:1 ।”
लेकरा गिनला मारनो
16जबा राजा हेरोदेस ना यो चोवयो का, पंचाग चोवनवारा ना, मोला चुथिया बनाईसेस, तबा उ हिजड़ गयो अना लोकगीन ला धाड़के, पंचाग देसनवारा लक सांग्यो बेरा मा, बैतलेहम नगर अना ओको इतानी-उतानी को जघा मा जेतरा, दुई साल अना ओको लक कम उमर को लेकरा होतीन। उन सब ला मरवाय डाकीस।
17तबा जोन गोस्टी यीरमीयाह भविस्यवक्ता ना जोन बचन कव्हयो होतो, उ पूरो भयो।
18“रामाह मा एक दुखी आवाज आयकु आई।#यिर्मयाह 31:15
रड़ना अना चिल्लानो की मोठी आवाज आई राहेल नाव की बायको,
आपरो टूरा ऐना लाई रड़त होती।
अना सान्ती लक चुप नही होवत होती काहे की
वय मर गईन।”#2:18लेकरा गिनको लाय रोवनो
मिसर देस ले लवटनो
19राजा हेरोदेस को मरन को मंघा, पिरभु को एक सरगदूत ना मिसर मा युसुफ ला चोयो, अना कहीस! 20“उठ, उ टूरा अना-ओकी माय ला धर के इसरायल देस मा चली जाय। काहे का जोन टूरा को जान लेवन चाहत होतीन, वय मर गईन।”
21तब उ उठयो! अना टूरा अना ओकी माय ला धरके, इसरायल देस मा आय गयो। 22पर यो आयक के अरखिलाउस आपरो बाप राजा हेरोदेस की जघा, यहुदिया मा राज कर रही से वहाँन जावन लाई डराय गयो। मंग सपना मा परमेस्वर लक चेतावनी पायके गलील परदेस मा चली गयो। 23अना नासरत नाव को नगर मा जाय के रव्हन लगयो जोन लक वा गोस्टी पूरो भयी जाय जोन भविस्यवक्ता गीन लक सांग्यो गयो होतो, की “उ नासरी कहलाएत।”#मरकुस 1:9-24; लूका 2:39; 4:16; योहन 1:45-46
നിലവിൽ തിരഞ്ഞെടുത്തിരിക്കുന്നു:
मत्ती 2: NTPSP23
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Powari Language © The Word for the World International and Powari Madhya Pradesh, 2023.
