Mateo 3
3
Sema Kaskasaben John A Naemonjag
(Mark 1:1-8; Luke 3:1-18; John 1:19-28)
1Nontan a timpon gwares Jesus cha Nazareth, iyanparang si John a Naemonjag a iyankaskasabed sahop na Judea a nagwariy toon naiyan-iya-iyan 2a kigwan to i “Panbabawi kayo na basol jo tep chanchani diy pantorayan Afo Chiyos.” 3Tep si John a Naemonjag, si-katho ma engibanagan Isaiah a profita nonta kigwan to i:
“Gwariy sa-kin toon
mankelkeljaw chiwa
dogad a nagwariy toon
naiyan-iya-iyan a
towan kona i:
‘Isagana yoy chedanen
alin Afo.
Singpet joy chalan a
panchedanan to.’ ” #3:3Isaiah 40:3
4Say baron John a Naemonjag, aagwel na bowek na camel tan ebalkesan na kathat. Say nakiyakan to, choron tan chanom na dinowan. 5Sema iren toon gwared Jerusalem tan sema iren naiyan-iyan cha emiin a siyodad na Judea tan dogad a iyay-askang cha kolos a Jordan, kimowa-kowan ired kad-an John. 6Ingwanggwanggwang chiy basol cha, et biyonjagan iren John cha kolos a Jordan.
7Nem idi miten John a Naemonjag i chakel a Pharisees tan Sadducees #3:7Sema iren Pharisees tan Sadducees, chegwen gropo na Hodjos a iyanpan-achal. Sema iren Sadducees, naiyonoran chiy toro-toro bengat a gwared dimen dibchon insolat Moses (Genesis, Exodus, Leviticus, Numbers, tan Deuteronomy). Sema iren Pharisees, naiyonoran chiy toro-toron iyaysolat ired ma dibcho, nem naiyonoran cha ngoy toro-toron in-elbat iren ma poli-poli ra la maypangkep na mapteng a panbiyag. Maypangkep na napiyati iren ma Hodjos, napiyati na Pharisees i manpawil i iyangketiy, nem enchiy Sadducees. Napiyati ngo na Pharisees i no metiy miy too, kongkonaan Afo Chiyos no napiyatin ma tooy bili-bilin to, tan chosaen Afo Chiyos no nat napiyati tho ma bili-bilin to. Nem nat napiyati iren ma Sadducees iwan. Tan napiyati ngo iren ma Pharisees i gwares Satanas, anghilis, dimonyos, tan ispiritos, nem enchiy Sadducees. a mankokowan ali chen manbonjag, kigwan to i “Si-kayon ngaawes a oleg! Siyay engowan i mahabetik kayod chosen Afo Chiyos no mebonjagan kayo? 8Mesepol a maybiybiy cha panbiyag jo i agpayson iyanbabawi kayo na basol jo. 9Enog i kigwan ngo i bebtihan joy chosen Afo Chiyos tep si Abraham i afo yo la. Tep konen kod si-kayo i angken seja pay iren batho, mebedin a panbalin Afo Chiyos na poli-polin Abraham. 10Sema chosen Afo Chiyos, may-arig cha gwasay a iyaysaganen menongba na kejow. Isonga, sema emiin a kejow a nat mandawes na mapteng, metongbed ma sengeg cha et maykepil cha afoy.
11“Nainbonjag kod si-kayoy chanom say maybiybiy i iyanbabawi kayo na basol jo. Nem igwan aliy toon mantetened alid si-kak a mas manakabalin iy say si-kak et nat maykariak a menakbat na sapathos to. #3:11 Say sa-kin obda na kababaan a bagaen nontan da, a-daen toy sapathos na afo tho no gwariy konan to, tan a-kalen to no onmothok cha baliy cha. Isonga, say piyan John a a-seden, angken bagaen bengat Jesus, nat iyaykari pay a mansilbid si-katho. Say ibonjag to did si-kayo, Ispirito Santo tan afoy. 12May-arig cha toon man-eg-egni na para ja-pi say maysi-jan i irik cha ja-pi. Sema irik, isekep tod agong, nem sema ja-pi, ikepil tod ma afoy a nat ma-ma-chep.”
Iyanbonjag Si Jesus
(Mark 1:9-11; Luke 3:21-22)
13Idi engkay, edafo wa dis Jesus alid Galilee a kimowan cha kolos a Jordan say manpabonjag cha John. 14Imanig si John a kigwan to i “Si-kak komay bonjagan mo. Niyana kimowan ka din bonjagan taha?”
15Nem insongbat Jesus i “Tiwa et, angken anogot ka wa tep kosto no tongpalen tayo ma emiin a mapteng a piyan Afo Chiyos a ma-mag.” Et imanogot si John et biyonjagan to.
16Idi ebonjagan mes Jesus, kima-jat a chakos cha chanom. Edohatan miy dangit, et mita thoy Ispiriton Afo Chiyos a inges toy kalapatin mansa-sa-kod ali ingkathod pima-tok cha si-katho. #3:16 Sema Ispiriton Afo Chiyos i sa-kin ngaran na Ispirito Santo. 17Et gwara waliy esel alid dangit a kigwan to i “Sejay i ensemek kon pasiyen Anak ko. Si-kathoy panchadsahan kon chili.”
നിലവിൽ തിരഞ്ഞെടുത്തിരിക്കുന്നു:
Mateo 3: KAR
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 Wycliffe Bible Translators, Inc. All rights reserved.
