Matyu 1
1
Manzor i Gung i Yeso
1Manzor i gung i Yeso Kristi al i Devid mai, ima yis hwak a gung i Ibirai.
2Ibirai al Aizik,
Aizik al Jakop,
Jakop al Juda hu shunus.
3Unai Juda al Feres hu Zera, ima nasus a Utamar,
Feres al Hezron,
Hezron al Aram,
4Aram al Aminadab,
Aminadab al Nashon,
Nashon al Salmon,
5Salmon al Bowaz, ima nasus a Urahab.
Bowaz al Obed, ima nasus a Urut,
Obed al Yese,
6Yese al Makai Devid.
Devid al Solomon, ima nasus a mbor tima ai ti Yurya,
7Solomon al Rehobowam,
Rehobowam al Abija,
Abija al Asaf,
8Asaf al Yehoshafat,
Yehoshafat al Joram,
Joram al Ozya,
9Ozya al Yotam,
Yotam al Ahaz,
Ahaz al Hezekya,
10Hezekya al Manasi,
Manasi al Amon,
Amon al Josya,
11Josya al Yekonya hu shunus, myan ima si harus wa Babila.
12Takfai tima si harus wa Babila,
unai Yekonya al Shaltyel,
Shaltyel al Zarubabel,
13Zarubabel al Abihud,
Abihud al Elyakim,
Elyakim al Azor,
14Azor al Zadok,
Zadok al Akim,
Akim al Alyud.
15Alyud al Elyazar,
Elyazar al Matan,
Matan al Jemis,
16Jemis al Josep re i Uryam tima ti al Yeso ima si lai ii Kristi.
17Shak waya ta Ibirai yes hai i Devid, a waya hure mulang ɓaras. Tasi hai i Devid yes myan ima si harsus watus Babila hwak, a waya hure mulang ɓaras. Ta harsus watus Babila yes hai i Kristi, a waya hure mulang ɓaras.
Myan ima si al Yeso Kristi
18Angga' ima si al Yeso Kristi ta mai. Josep yis fwa ti Uryam nati Yeso, kaciwa' ti si mas kunggo, unai si wisut ti haar ta kyel i Rin Masapai. 19Ɓurti Josep zalang amet a maɗufal ma mwawei, yis ɓweti ɓa u fat shusho ta wei i ɗufal kwa, unai far ngga' ima ɓa u honut cakat i mufot.
20Myan ima yis ɗiri hai ambe' mai, malu' i Deembai pwakus hai ta fiɗyat wi nyus, “A Josep al i Devid, ka ha mwen i kunggo ti Uryam yamwan asa kwa, ɓurti haar ima ti ti mai, ii ta kyel i Rin Masapai. 21Ti wa al ti al, ha wa kinsus asum ii Yeso, ɓurti a yis ma wa bum ti som ames ta mafwashani ames wi.”
22Shak ɗamam mii si masus, ɓurti ɓa si hya findel ima Deembai lak ta fo i mashit nyai, 23“U mai yamwan ti wa kaf ti haar, ti al al, si wa laisus ii Imanuwel.”#1:23 Ish 7:14. Aɗeng ima si nitus Imanuwel, a yis mii, “DeeƁwe ma akul hu kan.”
24Myan ima Josep ɓusho ta arak wi, mas ɗamam ima malu' i Deembai lakus ɓa u masi, Josep wa zan Uryam ii mbor ti kunggo. 25Shak ta andi, kon tut ii mbor kwa, honut cakat yes myan ima ti al ali. Unai kinus asum ii Yeso.
നിലവിൽ തിരഞ്ഞെടുത്തിരിക്കുന്നു:
Matyu 1: AlisIRonNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc. and © The Nigeria Bible Translation Trust 2018
