APAN AQAO: 5
5
Adam Nho: Myid:zo: Qe
(1 Kho:kham mhomyi: 1.1-4)
1Ceru wa Adam nho: myid:zo: qe: mang japhin: ngad: ra". (Mao"So wa Xao su byu re phan" ra" au: yao" gaung khyao we' dau tau" yang kad' to" ra". 2Yao: wa yauggai we' myiqe: re phan" ra". Yao: tao re shaman" byid: mung: Xao su Byu ga: yao: tao re mhang" byid' ra".) 3Adam 130 zin ngad lao" yao: we' dau: ra" yauggai zo: dayaug re myhung: ra". Adam wa yao: re Sed ga: mhang" byid' ra". 4Ai: thao Adam wa 800 zin daui: na: ashi"- yao: wa gatau yauggai zo: myiqe: zo: qere myhung mung:- 5Apyad 930 zin re shid: lo" ra".
6Sed wa 105 zin ngad lao" yao: wa yauggai zo: Eno re myhung: ra". 7Ai: thao 807 zin daui: na: ashi". Yao: wa gatau yauggai zo: myiqe: zo: qere myhung mung:- 8Apyad 912 zin re shid: lo" ra".
9Enu wa 90 zin ngad lao" yao: wa yauggai zo: Kenan re myhung: ra". 10Ai: thao 815 zin: daui: na: ashi". Yao: wa gatau yauggai zo: myiqe: zo: qere: myhung mung:- 11Apyad 905 zin re shid: lo" ra".
12Kenan wa 70 zin ngad lao"- yao: wa yauggai zo: Mahalale re myhung: ra". 13Ai: thao 840 zin daui: na: ashi"- yao: wa gatau yauggai zo: myiqe: zo: qere: myhung mung:- 14Apyad 910 zin re shid: lo" ra".
15Mahalale wa 65 zin ngad lao"-yauggai zo: Yared re myhung: ra". 16Ai: thao 830 zin daui: na: ashi" yao: wa gatau yauggai myiqe: zo: rere: myhung mung:- 17Apyad 895 zin re shid: lo" ra".
18Yared wa 162 zin ngad lao" yauggai zo: Enog re myhung: ra". 19Ai: thao 800 zin daui: na: ashi" yao: wa gatau yauggai zo: myiqe: zo: qere: myhung: mung:- 20Apyad 962 zin re shid: lo" ra".
21Enog wa 65 zin ngad lao" yauggai zo: Methusela re myhung: ra". 22Ai: thao Enog wa Mao"So we' 300 zin zam" khug mung: gatau yauggai zo: myiqe: zo: qere myhung: ra". 23Yao: wa 365 zin joe" sho' daui: na: ra". 24Yao: wa yao" apyad re Mao"So we' zam" khug yang: kao so' daui: ra". Ai: thao yao: byaug: lo" ra" pe"mung:ga"re Mao"So wa yao: re jhui" yu: pye' ra".
25Methusela wa 187 zin ngad lao" yauggai zo: Lameg re myhung: ra". 26Ai: thao 782 zin daui: na: ashi" yao: wa gatau yauggai zo: myiqe: zo: qere myhung mung:- 27Apyad 969 zin re shid: lo" ra".
28Lameg wa 182 zin ngad lao" yauggai zo: dayaug re myhung mung: 29Yao: wa Asang nhang: kheim: ke' to" ra" ce: myid gaung mae" ce: zoshao wa ngonhaung" nho: mau" jam: alhab' mae" ngonhaung" re myaung: ngho: nhao: li" nae"- ga: ta" mung: yao: re Noa ga: mhang" byid' ra". 30Lameg wa 595 zin daui: na: ashi" yao: wa gatau yauggai zo: myiqe: zo: qere myhung yang:- 31Apyad 777 zin re shid: lo" ra".
32Noa apyad 500 zin ngad thao re Shem- Ham- Yaphed ga" ra" yauggai zo: sam yaug re myhung: ra".
നിലവിൽ തിരഞ്ഞെടുത്തിരിക്കുന്നു:
APAN AQAO: 5: LHCL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Bible Society of Myanmar 2009
