लूका 24

येशुउ जीवतो उठलोओ

(मत्ती 28.1-10; मरकुस 16.1-8; युहन्ना 20.1-10)

1हाफ्ताआ पाल्या तेदीही वेग्र्ये तेऐ बोई कब्राजागे आपु तीयार कोयु सुंगधीत द्रव्य घेऊन आव्या. 2तियाहा कब्रो होय डोणो होरकील्यू देखायू, 3तेहलाम तियाअ जागे गोयी परंतु त्याजागे प्रभू येशुउ डील जोडल्यो नाहा. 4तेहलाम तियाअ यापो चिंताम पोड्यो का तियापो चमकणाऱ्या फडकाआ बेन माहहू उभे रोल्या. 5बिकीई देअलावाही तिये धरतीपो आपाआ सोब लागाडले तियाअ बेन माअहु तियाहा कोयु, जो जिवंत होय तियाहा मोअल्या माय काहा होदीला? 6तो आव जागापो नाहा तो जिवंत ओवयू होय ओर को जांहा तो ओमे गालीला मेहे ओतु तेहलाम तुमाहा नाहाकोत कोयु ओते, 7तिये कोयु ओते का, माअहा पोऱ्या पापी मांहाहा आथे तोईत आपलो निच्छित होय फासाडी तो क्रूसापोओ सोडाव्यु गोल्यो अने तिसऱ्या तेदीही तियाहा फासी जिवंत कोअला निच्छित ओते. 8तेहलाम तियाअ बोअयीही तियाआ शब्द ओरवयी, 9तिया कब्रोम रोत वापसआव्या अने तिये ओ आखे आकरा शिष्यांआ अने दिहरे माहुंहु कोयु. 10याआ बोई कोयु मरियम मग्दलिनी, योअन्ना अने याकूब ची याह्ही मारियाओ तेहलूज त्याआरी दिहरा बोई पण तियाअ प्रेषितांहा कोयु. 11पोन त्याआं शब्द तियाहा व्यर्थ वाटहु लागाडीत तिये तियाआ विश्वास कोअयु नाहा. 12पोन पेत्र उबु रोला अने कबरेही गुगदीत आवयू अने तिये निसे टूगुवोलीत पालील्यो परंतु तियाहा फक्त तागाचे कापडे देखायो तियाआ व्यतिरिक्त किबी देखायो नाहा.

इम्माउसो वाटे चेलाहा दर्शन

(मरकुस 16.12-13)

13तियाआ तेदीही तियाआ शिष्यामेरोत बेन जण यरुशलेमारोत लगभग सात मैल सेटे होयतो अम्माऊस नावोओ गावी जात ओते. 14जी घटना घोडीही ओती त्यापो ते गोगीत सालीतरोल्यो ओते 15जाहा ते तियाअ विषयी चर्चा कोईत ओते अने विचार कोईत ओते तोयोज येशु त्याजागे उपस्थित ओवयू अने तियाआ आरी चालीलो लाग्यू 16पोन तियाहा ओलखे जाऊ आप्लु नाहा. 17येशु तिये कोयु, सालता-सालता एक दिहीराहा तुमु केहला विषयी चर्चा कोईत होय? ते सालता-सालता थोब्यो ते जाखो दुखी देखाहे ओते. 18तीयामरोत क्लियुपास नावाआ होमला माहुई तियाहा कोयु, यरुशलेम माय रोणाआरा मायरोत तू एखल्यू एहेलू माहहू होय जे फासाडीई दिहोम घटना घोडीही ती मालुम नाहा? 19येशु तिये फ़ुस्ल्याआ, कोडली गोठी? तिये तियाहा आखे नासरी येशु विषयी होय ओ एक एहेलू माहहू ओतु जीआ जे कोयु अने कोल्यु ज्याआपोरोत परमेश्वर अने आखे मांहे या आगाडी ओ देखाडीत आप्लु का तो एक महान संदेष्टा ओतु, 20पोन आय याआ विषयी गोगीत ओतू का आमाहा मुख्य याजक अने अधिकाऱ्यारीवाही केहलो मोईतगोल्यू दंड आपलो होपविल्यो गोल्यो अने तिये तियाहा क्रूसापोओ चोढावीत. 21आमू आशा मेकतुल्यो का ओच ओतु इस्राएलाहा मुक्ती आपणारो अने आखे किबी याआ ऐहेलो ओवलो तिसरू दीही होय, 22अने आमू टोलामेऱ्यु किबी बुईही आमाहा चिताम कोईत आप्लु होय आज वेगरया तियाअ कब्रो जागे गोयी, 23परंतु तियाहा येशुउ डील देखायो नाहा ते वापसआव्या अने आमाहा कोतल्या का तिये स्वर्गदूता कोअता दर्शन कोल्यु ओते का तो जिवंत होय. 24फासाडी आमामेरोत किबी कब्रो जागे गोये अने जेहलो तियाअ बुईही कोयु, तेहलूज तिये पालील्यो अने तिये तियाहा पालील्यो नाहा. 25तेहलाम येशु तियाहा कोयु, तुमु निर्बुद्धि होय अने भविष्यद्वक्ता जे किबी कोयु तियापो विश्वास कोईलाकाजे केतो बागे होय, 26नाहाकोत ख्रिस्तकोअता ओ आवश्यक निमिले का तो याहा तारासाहा भोगवित अने ह्याप्रमाणे आपाआ महिमामेहे प्रवेश कोआ? 27अने याआ प्रमाणोओ मुस्साने सुरवात कोईत संदेष्टाहिजा अने शास्त्रामेहे याआ विषयी जे कोयु ओते तिये तियाहा व्याख्या कोईत होमजाद्योहो ओते. 28ते जाहा तिया गावोजागे आव्ये, त्याजागे जात ओते येशु लेतजा एह्ली वागणुक कोअयी जेहलो नाहाकोत आगाडी जायलो होय. 29परंतु तियाआ तियाहा शक्तीवाही आग्रह कोईत कोयु, आमा आरी थोबिलो जा काहाके लगभग हांजेपो उवी होय अने ओमे दीही पण टाप्यु गोल्यो होय तो त्याआरी उबरोला काजे जागे आवयू. 30जाहा त्याआरी रोटूखाहू मेजोपे ओतु तेहलाम तिये भाकर विसली अने धन्यवाद आप्यी फासाडी ती तोडीत जांहा तो तियाहा आपित ओतु. 31तेहलाम त्याआं डोआं उगड्यो गोये अने तिये तियाहा ओलखीत लेधलो परंतु तो त्याआगाडीरोत आरताईत ओवयू. 32नंतर ते आपसामेहे गोगू लागाडीत, जांहा आपु त्याआरी गोगीत ओतू अने शास्त्र होमजाडीत ओतु तेहलाम नाहाकोत आपाआ ह्रद्याजागे उकली आवीत नाहाओती? 33नंतर ते लागेज उभे रोल्या अने फासी यरुशलेम माय निकलीलू तियाहा आकरा प्रेषित अने दिहरे मांहे ए एकठे जोडयेहे 34जे कोयु ओते का प्रभू खोरोज जिवंत ओवयू होय तिये शिमोनाहा दर्शन आप्लु होय. 35नंतर तिया बेनु वातेम जी घटना घोडीही ते आखे कोयु, अने तिये कोयु का रोटाआ तुकडे कोल्यु ओते तेहलाम येशुहू केहलो ओलखे ओते.

येशु चेलाहा देखायु

(मत्ती 28.16-20; मरकुस 16.14-18; युहन्ना 20.19-23; प्रेरितो काम 1.6-8)

36ओमे ते तियाहा याआ गोठी कोताच ओते एतांम खुद आगाडी आविलो उबु रोला अने तियाहा कोयु, तुमामे शांती जोळे. 37पोन ते चक्कित ओतगोयु बितकोईत उवे तिये विचार कोअयु ते एगदू पुत्डू पालीत होय. 38पोन तो तियाहा कोयु, तुमु एहलो बितगोल्या सारखो काहा होय? तुमाआ मोनामे शंका काहा होय? 39माआ आथोहो अने माआ गुडाहा पाला माहु स्पर्श को अने पाला का कोडनीबि पुत्डाहा माहा अने आडे नातुताहा जेहलो तुमु पालीत होय ते माआ होय. 40ओ कोत तिये आथे अने गुडू देखाडीये. 41पोन आपाआ आनंदाआ ओते ओमे पण ते तियापो विश्वास कोईत निमिले ते भौवचक्के ओते येशु लेतजा तिये कोयु, इही तुमाही किबी खाआलाकाजे होय नाहाकोत? 42तिये पुजल्यो मोसेआ बोटकु तियाहा आप्यू. 43तिये तियाआ आगाडी घेऊन खादे. 44फासाडी तिये तियाहा कोयु, याआ गोठी होय ज्या आय तेहलाम तुमामे कोयु जांहा आय ओमे तुमाआरी ओतु हर एक गोठी जो माविषयी मुस्साआ व्यवस्थेमेहे संदे अने नियम याआ पुस्तकाम लेखिलो होय पुरो ऊवणारोज होय. 45फासाडी पवित्रशास्त्र होमजीलाकाजे तिये तियाआ डोआं उगाडीत आप्यी, 46अने तिये तियाहा कोयु, ओ तोज होय जे लेखिलो होय ख्रिस्त त्रास भोगीत अने तिसऱ्या तेदीही मोल्यामरोत जिवंत उवे, 47अने पापाआ माफी काजे मोन फिरवा संदेश यरुशलेम त्यापोरोत सुरवात कोईत आखे तियाहा प्रचार कोअयु जाइअलो. 48तुमु याआ गोठी तियाआ साक्षी होय. 49अने आखे माआ परम बाह्हू माआरी जी प्रतिज्ञा कोअयी होय तियाहा आय तुमा कोअता मोकलीही परंतु तुमु याआ नगरामेहे तियाअ टाईमापोजा थोबिलो रोजाहुजा तुमु होर्गा शक्तीवांही युक्त उवे.

येशु होर्गाम गोयु

(मरकुस 16.19-20; प्रेरितो काम 1.9-11)

50येशु फासाडी बेथानी पर्यंत घेऊन गोल्यो अने तिये आथे उपो कोईत आशीर्वाद आप्यू, 51तियाहा आशीर्वाद आपित ओतलू तिये तियाहा सोडीत आप्लु अने फासाडी तो होर्गांम उपो लेदो गोल्यो. 52तेहलाम तिये तिया दण्डवत कोअयु अने वोडू आनंद कोईत यरुशलेमोमे फासी गोये, 53अने मंदिरोम परमेश्वरोओ स्तुती कोईत ते आपाआ वेल कालीत लागाडीत.

നിലവിൽ തിരഞ്ഞെടുത്തിരിക്കുന്നു:

लूका 24: NOINT

ഹൈലൈറ്റ് ചെയ്യുക

പങ്ക് വെക്കു

പകർത്തുക