युहन्ना 17

येशुउ खुदो कोअता प्रार्थना

1येशु ऐ गोठ्यु कोईत आपाआ डोआ जुगाआ वोगे पालित कोयो ओ ओबा तो वेल आवित चुकिही आपाआ सूआ आ गौरव को का सूऊ बी ताआ गौरव कोऐ, 2तू तियाहा योग्य आखे प्राणी मांत्रांवो अधिकार आप्यू होय का तो प्रत्येकाहा ज्याहा तू तियाहा आप्लु होय अनंत जीवोन आपुहू गोयो. 3अनंत जीवोन ओ होय का ते ताआ एकमात्र खोरो परमेश्वर अने येशु ख्रिस्ताहा ज्याहा तू मोकल्यीत होय ओलखेहे. 4जे काम तू माहु आप्लु ओते ते पुरो कोईत धरतीप आय ताहु गौरवी कोल्यु होय. 5त्याकोता तू पण माहु गौरवी कोओ माआ ओबा, तोज गौरव माहु आप जो जुगाआ पालील्यो ताआरी माहु जोडयो ओतु.

येशु तिया चेलाआ कोअता प्रार्थना कोअयु

6जगुमे जे मांहे तू माहु आप्लु होय आय तियाहा ताआ नावोओ बोध कोअयु होय ते मांहे ताआ ओते परंतु तू तियाहा माहु आप्लु होय अने तिये ताआ वचनाआ पालीत कोल्यु होय. 7ओमे ते ओलखीत का हर एक वस्तु जी तू माहु आप्यी होय ती वस्तु तापोरोत येत, 8आय तियाहा तोज संदेश आप्यू ओतु अने तिये ग्रहण कोल्यु होय ते खरोज पुर्वोज ओलखीत का आय ताआपोरोत आवयू होय अने तियाहा विश्वास ओवयू होय का तांहुज माहु मोक्ल्यीत होय. 9आय त्याकोअता प्रार्थना कोईत होय, आय जगो कोअता प्रार्थना कोईत नाहाकोईत त्याकोअता कोअत्लू ज्याहा तू माहु आप्लु होय काहाके ते ताआ होय, 10जे आखे किबी माआ होय ते ताआ होय अने जे ताआ होय ते माआ होय अने तीया द्वारे माआ गौरव ओवयू होय. 11आय ओमे अने जाखा वेल जगात नाहा परंतु ते जगात होय ओमे आय तापो आवीत होय ओ पवित्र बाह्हू आपाआ तियाअ नावोओ शक्तीवांही तियाआ राखिलो कोजे तू माहु आप्लु होय याकोअता का जेहलो तू अने आय एक होय ते पण एक उवे. 12जाहा आय त्याआरी ओतु आयताआ तियाअ नावोओ शक्तीवांही तियाआ राखिलो कोअयी जे तू माहु आप्लु ओते आय राखिलो कोअयी अने तीयामरोत कोडाभी नष्ट ओवयू नाहा इयाव्यतिरिक्त तिया जो विनाशो पुत्र ओतु याकोअता का शास्त्राआ वचन खोरो उवे. 13ओमे आय तापो आवीत होय परंतु याआ गोठी आय आव जगात ओयताहा कोयु होय याकोअता ते आपाआ मोनामेहे माआ पुरो आनंद ओवुहू शकतो. 14आयताआ वचन तियाहा आप्लु होय परंतु संसाराने तियापो घृणा कोअयी होय काहाके ते संसाराआ नाहा जेहलो आय आव संसाराआ नाहा. 15आय एहलो प्रार्थना कोईत नाहा का तू तियाहा संसारामेरोत काढीत ले परंतु ओ का तू त्याआं तियाअ वाईट शैतानापोरोत राखिलो को. 16ते संसाराआ नाहा तेहलूज आय याआ संसाराआ नाहा. 17खोरो के द्वारा तू तियाआ आपाआ सेवा कोअता पवित्र को ताआ वचन खोरो होय 18जेहलो तू माहु याआ जगात मोक्ल्यीत तेहलूज आय यांहा जगात मोक्ल्यीत होय, 19आय त्याकोअता स्वतःहा ता कोअता पवित्र कोईत होय याकोअता का ते पण सत्त्याआ त्यापोरत स्वतःहा ताआ सेवा कोअता अर्पित उवे.

येशु तिया आखा विश्वासी कोअता प्रार्थना

20पोन आय फक्त त्यांकोअता प्रार्थना कोईत नाहा ताहा त्याकोअता पण जे तियाआ संदेशावांही मापो विश्वास कोआ 21ते आखे एक उवे, जेहे बाह्हू मामेहे होय, अने आय तामे होय, तेहेज तेए बी आपाम रोय, याकोअता का जगोवाही विश्वास कोईओलो का माहु तू मोकल्यीत होय. 22जो गौरव तू माहु आप्यू होय आय तियाहा आप्यू होय याकोअता का ते पण तेहलूज एक उवे जेहलो आपु एक होये, 23आय तीयाम रोही अने तू मामेह रोही, ज्यापोरोत ते पुरो एकताला जोडयो कोअनारू अने जग ओलखीत लेही का तू माहु मोक्ल्यीत होय अने तू तियाहा तेहलूज प्रेम कोल्यु होय जेहलो तू मापो प्रेम कोल्यु होय. 24ओ माआ ओबा, जे मांहे तू माहु आप्लु होय माआ इच्छा होय का जीही आय होय तीही तुमु ते पण माआरी रोअलो याकोअता का ते पण माआ गौरवाला पाल्हू सेकेहे जो तू माहु आप्यू होय काहाके ए जग बोनाळीला आपेल तू माहु प्रेम कोल्यु होय. 25ओ धोर्मी ओबा, जग ताहु उलखित्लू नाहा परंतु आय ताहु ओलख होय अने माआ शिष्य ओलखीत का तू माहु मोक्ल्यीत होय. 26आय फक्त तांआम नाव कोयु अने आय कोतु रोही याकोअता काजे प्रेम जे तू मापो देखाडये होय तीयाम पण उवे अने आय पण तीयाम रोअलो.

നിലവിൽ തിരഞ്ഞെടുത്തിരിക്കുന്നു:

युहन्ना 17: NOINT

ഹൈലൈറ്റ് ചെയ്യുക

പങ്ക് വെക്കു

പകർത്തുക