युहन्ना 12

बेयतिनियाहा मेहे येशुउ आदर

(मत्ती 26.6-13; मरकुस 14.3-9)

1ताहरुहू येशु वल्हाडनाहा पेल्लू सोव दीह बैथानिया मेहे आव्यू ओतु जीही लाजर ओतु जियाहा येशु मोअलाम रोत जीवाड्यू ओतु. 2तीइही तिये तियाआ याकोअता रोटू तीयार कोल्यु; अने मार्था सेवा कोईत ओती, अने लाजरस तियाआ मायरोत एक ओतु जो तियाआ याकोअता रोटू कोइला याकोअता बोहयु ओतु. 3तेहलाम मरियम जटामांसी आर्दू शेर कीमतीवालो हाजलावास तेल घेऊन येशुउ गुडापो टाक्ये, अने आपाआ सिज्यावाही तियाआ गुडाहा नुसल्यो; अने हजुबास तेलोवांही को हाजलावास होतगोयो. 4पोन तियाआ चेलाप रोत यहूदा इस्करियोती नावाआ एक शिष्य जो तियाहा तोईत आपी ओतु, कोहू लाग्यू, 5ऐ हजुबास तेल तिनहोव दिनार माय वेसेत गोरब्योहो काहा आप्यू गोल्यो नाहा? 6तिये ए गोठी याकोअता कोल्यी नाहा का चिंता ओती परंतु याकोअता केतो चोर ओतु, अने, तियाआ जागे तियाआ खोतली रोत ओती अने तीयाम जे किबी टाक्ये जाहो ते काढीत लेत ओतु. 7येशु कोयु “तियाहा रोंहुद्या तियाहा माआ पुऱ्या जाला दिहोकोअता रोहू आपा. 8काहाके गरीब ताहा तुमाआ आरी कायम रोतलू परंतु आय तुमाआ आरी सर्वकाल रोही नाहा.”

लाजरोहो माअलो निर्णय

9जाहा यहुदीयानाआ वोडी गोर्दी मालुम उवे का तो तिही होय, ते नाहा फक्त येशुउ कारनो कोईत आव्ये परंतु याआ याकोअता का लाजराहा पालीही ज्याहा तिये मोअल्या त्यामेरोत जीवतो कोल्यु ओते. 10तेहलाम मुख्य याजकावाही लाजरस ला देउलाकोअता याकोअता षड्यंत्र तीयार कोअयु. 11काहाके का तियाआ करणावाही जाअखो यहुदी निहित गोये अने येशु उपो विश्वास कोअयु.

येशुउ यरूशलेम मेहे विजय-प्रवेश

(मत्ती 21.1-11; मरकुस 11.1-11; लूका 19.28-40)

12दिहरा तेदीही जाअखो माहु जे पूर्वी आव्ये ओते ओ होमल्यु ओते का यरूशलेम माय आवीत होय. 13याकोअता तिये खजुराआ डाली लेदिओलो अने तियाहा भेट आपलो याकोअता निकलीलू, अने ओरडाय ला लागाडीत, “होसान्ना धन्य इस्राएल चा राजा, जो इस्राएल च्या नावोवांहि आवीत होय.” 14जाहा येशुहू गोदडीइ गोदडापिलू मिल्यू; ताहा तो तियाआ उपो बोहित गोल्यो; जेहलो लेखिलो होय, 15“ऐ सियोनाच्या पोऱ्यी, बित नाहा; पाला, ताआ राजा गोदडीइ शिंगरापो बोहीतरोल्यु आवीत होय.” 16तियाआ शिष्य ए गोठी पहीले होमज्ये नाहा, परंतु जांहा येशुउ गौरव प्रगट उवेताहा तियाहा ओर का ए गोठी तिया विषया माय लेखल्यी ओती अने माहु तियाआरी याज प्रकारचा व्यवहार कोअयु ओतु. 17तेहलाम गोर्दी च्या तियाअ माहु साक्ष आप्यी, जे तियाअ वेले तियाआ आरी ओते तिये लाजराहा कबरा मायरोत हादीत मोल्यामरोत मायरोत जिवंत कोल्यु. 18याज कारनोवाही माहु तियाहा भेट आपलो कोअता आव्ये ओते काहाके तिये होमल्यु ओते का तिये आश्चर्यकर्म देखाये. 19तेहलाम परुश्यांहि आपसामेहे कोयु, “विचार ताहा को का तुमाआ त्यापोरोत किबी नाहा उवहू सेकेहे पाला, जगत मांहे तियाआ फासाडी चालते होय.”

येशु अने यूनानी

20जे मांहे आगाडी उपासना कोइला कोअता आव्ये ओते याहा मायरोत किबी यूनानी ओते. 21तिये गालीला मेहे तियाअ बेथसैदाआ रोणारे फिलीप्प जागे आवीत तियाआ जागे विनंती कोअयी, “महाराज; आमाहा येशुहू भेट आपुहू पालोहो.” 22फिलीप्प आवीत आंद्रियास ला कोयु, तोये आंद्रियास अने फिलीप्प लेतजा आवीत येशुहू कोयु. 23याआ वरून येशु कोयु, ती वेल आवीत गोयी होय, का माअहा पोऱ्याआ गौरव होय. 24आय तुमामे खोरो-खोरो कोत्लू का जांहा पर्यत गवोओ दाणु धरतीमे मेकीत मोईत नाहा जात तो एखल्यू रोतलू; परंतु जांहा मोईत जात्लू, तेहलाम जाअखो फोल आपोहो. 25जो आपाआ जीवोहो प्रिय मोनोहो, तो तियाहा गोमावीत आपोहो; अने जो आव जगुमे आपाआ जीवोहो ने गोमनारू होमजीत्लू तो सार्वकालिक जीवना कोअता तिया होंबाला कोअही. 26केधी कोडु माआ सेवा कोअही, ताहा माआ फासाडी आव; अने जीही आय होय, तीही माआ सेवक पण होय केधी कोडु माआ सेवा कोअही, तिया बाह्हू तिया आदर कोअही.

खुदोओ मृत्यु बाराम भविष्यवाणी

27“ओमे माआ जीव व्याकुल होय याआ याकोअता आय नाहाकोत कोलु? ओ ओबा, माहु आव घटके पोरोत वासाड? नाहा, काहाके आय याज कारनोवाही आव घटके पर्यत पोचुज होय.” 28ऐ ओबा, आपाआ नावोओ गौरव को तेहलाम ए जुग वाणी उवी, “आय तियाआ गौरव कोल्यु होय, अने फासाडीभी कोअही.” 29तेहलाम मांहे उभूरोत होमलित ओते तिये कोयु का वादलो आअडे ए दिहरा कोयु, “कोडु एक स्वर्गदूत बोलतुल्यो.” 30याआ वरून येशु कोयु, ओ शब्द माआ याकोअता नाहा परंतु तुमाआ याकोअता आवयू होय 31ओमे आव जगाआ न्याय उवनारा होय, ओमे जुगाआ सरदारहा काढीत टाक्ये जाय; 32अने आय केधी धरतीपोन उसकोल्यू जाइअलो, ताहा आखाहा मांही खेचीत लेही. 33आपु कोडला मोईलावाही मोअनारू ओ सुचविला कोअता तो एहलो बोलतुल्यो. 34याआ वरून माहु तियाहा कोयु, “आमाहा नियम शास्रामे ए गोठी कोअयु होय का ख्रिस्त कायम रोही, फासाडी तू नाहाकोत कोअत्लू का माअहा पोऱ्याहा उसापो सोढविलो जाअलो गरजेए होय ओ माअहा पुत्र कोडू होय.” 35येशु तियाहा कोयु, “प्रकाश ओमे थोडो टायमोआ पर्यंत तुमामे होय जो पर्यंत प्रकाश तुमाआ जागे होय तो पर्यंत साला निहित जाहू एहलो उवहू कायना का आंदारो आवीत लेय; जो आंदाराम चालीलो तो नाहा होमजाडीत का जात होय.” 36जो पर्यंत प्रकाश तुमाआ आरी होय, उजवोडापो विश्वास को काहाके का तुमु उजवाडामे पोऱ्ये बोनल्यो ए गोठी कोत येशु निहित गोल्यो अने त्यापोरोत निकाईत रोला.

भविष्यवाणी पूरी ओवयी

37तिये तियाआ आगाडी एहलो चिन्ह देखाये, तेबी तिये तियापो विश्वास कोअयु नाहा; 38तेबी यशायाह भविष्यवक्ता तियाआ वचन पुरो उवे जे तियाआ लेखिलो ओते कोयु ओते “ओ प्रभू आमा सुवार्तेए कोडु विश्वास कोअयु होय? अने प्रभूआ भूजबल कोडापो प्रगट ओवयू होय.” 39याज कारनोवाही ते विश्वास कोहू सेकेले नाहा, काहाके यशायाह ओ पण कोयु होय. 40“तिये त्याआं डोआं आंधली, अने त्याआं मोन कठीण कोईत आप्लु होय; केधी एहलो नाहा उवे का ते डोआवाही पालीही, अने मोनोवाही होमजीत्ले, अने फिरहा, अने आय तियाहा हाजो कोअही.” 41यशायाह ए गोठी याकोअता कोल्यी का तिये तियाआ गौरव पालील्यो, अने तिये तियाआ विषया माय गोठी कोअल्यो. 42तेबी मुख्य याजक मायरोत जाअखो जानोतांहि तियापो विश्वास कोअयु, परंतु परुश्याआ कारनोवाही प्रगताट नाहा मानीत ओते, केधी एहलो न ओवो का ते मंदिरोम काढीत टाक्ये जाय. 43काहाके का महांआ ची प्रशंसा परमेश्वरा प्रशंसा जाखा प्रिय लागेहे.

ज्योति मेहे साल्लोओ

44येशु आअड़ित कोयु, “जो मापो विश्वास कोअत्लू, तो मापो नहाते माआ मोकलीणारा उपो विश्वास कोअत्लू. 45अने जो माहु पालत्लू तो माहु मोकलीनाराहा पालत्लू. 46आय जगाआ प्रकाश बोणीत आवयू होय, काहाके का जो कोडु मापो विश्वास कोअत्लू तो आंदाराम रोहू कायना. 47केधी कोडु माआ गोठी होमलित पण पालीत नाहा, ताहा आय तियाहा दोषी ठरावीत नाहा; काहाके आय जगाला दोषी ठेरविल्यो याकोअता नाहा ताहा, परंतु जगाआ तारण कोइला कोअता आवयू होय. 48जो माहु तुच्छ मोनोहो अने माआ गोठी ग्रहण कोईत नाहा तियाहा दोषी ठेरविनारू ताहा एकुच होय. अर्थात जे वचन आय कोयु होय, तोज फासाडीई दिहोम तियाहा दोषी ठेरवीही. 49काहाके आय मापोरोत गोठी कोयु नाहा का; परंतु बाह्हाही जीयाहा माहु मोकल्ये होय तीयेज माहु आज्ञा आप्यी होय का कि-कि कोहू अने कि-कि गोगू? 50अने माहु मालुम होय का तियाआ आज्ञा सार्वकालिक जीवोन होय याकोअता आय जे किबी गोगत्लू, ते जेहलो बाह्हाही माहु कोयु होय तेहलूज गोगत्लू.”

നിലവിൽ തിരഞ്ഞെടുത്തിരിക്കുന്നു:

युहन्ना 12: NOINT

ഹൈലൈറ്റ് ചെയ്യുക

പങ്ക് വെക്കു

പകർത്തുക