Luk 3
3
Zambatisi ate nwanzu ati dzikayi mamvu mebi
1Se bisiwu iku ne bitanyi, kani we uneni Tibeli edze ne ukuuma, ne Ponse Pilati edze ne ukuuma se ilongo dze Zudee, Elodi edze ni kani we ilongo dze Galile, Filipi unkulu we Elodi edze ni kani we ilongo dze Ituli ne dze Tilakoniti, Lisaniyase edze ni kani we ilongo dze Abilene. 2Ani ne Kayifi bedze ni bekunwu be bekabi be bisemi bye Nzambi. Ndili yayu Nzambi awowe ne Zan, nwana we Zakali we ibaka se ikanye. 3Zan edze ne landa se me longo medze se unkolo nwen nzali nwen Zulden. Zan ate nwanzu ati: «Dzikayi mamvu mebi, beyi beboko meteme, yayu ne Nzambi aboloko beyi.» 4Nda Ezayi Mutu we Nzambi etende se sanguvu yedzi. Beyuka mutu ate nwanzu se ikanye, yebisayi unwombo nwen Kunwu, yebisayi wangu me peyi medze telee. Yebisayi ne milima mye beyi myedze telee. 5Uve beyi badzubaka bimbendze byesi, bikudzi byesi bineni, ne bite byetse kudzume. Mevunu me mepeyi mesi madze telee, mepeyi me memanya metse booto, 6batu besi betse yene nda Nzambi ilungise, nda Ezayi etende. 7Batu beyitsi baya kwele ye Zan ati: «Zan akaba bangu meteme.» Wangu ne bangu ati: «Beyi bedzi ni nda tadzi we pili, we tanda beyi ati, beyi betuka lepe kanve ye Nzambi yiya ni nza? 8Pikayi mamvu meve, yayu beyiba ati, beyi badzika mamvu mebi.» Me tanda beyi umbu amene, dzikayi vele dze ne utsimene ati: «Besu ni be imbisa dze Ablaami.» Wayayi memanya ma, me tanda beyi, Nzambi atuka yikule mangu bana be Ablaami! 9Bamana siba wundu ne utsitaka mili ndzii mikanga, mili myesi mye nde buta mbulu yive, betse kumaka myangu ne utsumba se nwunya. 10Batu basunwunle wangu ati: «Ni besu bepika ni vi?» 11Zan ne bangu ati: «Beyi widzi ne mengoyi mole, akaba we nde ingoyi. Widzi ne bila, akaba we nde bila.» 12Ne betolingi be bedolo baya kwele ye Zan ati: «Akaba ne bangu meteme.» Bangu basunwule wangu ati: «Kunwu ni besu bepika ni vi?» 13Zan ne bangu ati: «Tolongayi si libu le bedolo le beme luma beyi, beyi nde vele dzuka bedolo boko.» 14Ne bewolo basunwunle wangu ati: «Ni besu bepika ni vi?» Zan ne bangu ati: «Beyi nde boko bedolo ne batu ne singa, ne undzuma, ni batayi si bedolo bebi wuteke beyi.» 15Batu bedze ne ubuka ne ivukidze, bangu bedze ne tsimene nati, Zan ni we Nzambi etobo ne uluma. 16Zan akalule ne bangu ati: «Me ni wikaba beyi meteme me mangu, ni wiya atakwe me singa, medzi kaka telee ne udondime ne unyangule mikodzi mye bekotoko bedzi. Wangu atse swaka beyi ne Fudzu ye Umpende, wangu atse kaba beyi meteme me Fudzu ye Umpende, ne me nwunyan. 17Wangu adzi ni nda unkuni wakwata nyengese se meboko. Yayu wangu atse nanguse mbulu se bipandzi, wangu atse bata mbulu se me mbinda, ni bipandzi wangu atse tsumba byangu se nwunyan nwen nde botse.» 18Zan edze ne vele kaba bangu me ndondzi moko meyitsi, wangu edze ne utanda bangu misisili mive. 19Zan akamve ne kani Elodi nedzi ebala Elodiyadi nwadzi we unkulu wedzi, Elodi apika mamvu mebi. 20Yedzi evele pika dzamvu dzoko dzibi, ye Elodi esomo Zan ungenenge.
Meteme me Zezu
21Ye batu besi bemana boko meteme, ne Zezu aboko meteme. Ndili ye Zezu edze ne bondo, ikulu dzadzumve. 22Fudzu ye Umpende yaya ne dzunwu ye mbinga, ya sunda kule Zezu, bayuka dzuyi dzi yinga ikulu ati: «Weni nwana wami itondo uyitsi, we ni itsisa dzami dzesi.»
Me kumvu me batu be imbisa dze Zezu
23Zezu edze ne bisiwu meku mesatu, yedzi ebanda dzandza dzedzi, batu bedze ne tsimene ati, wangu ni nwana we Zosefi. Zozefi ni nwana we Eli. 24Eli nwana we Matati, Matati nwana we levi. Levi nwana we Melki, Melki nwana we Yanayi. Yanayi nwana we Zozefi. 25Zosefi nwana we Matatyasi, Matatyasi nwana we Amosi. Amosi nwana we Nawum, Nawum nwana we Esili. Esili nwana we Nagayi. 26Nagayi Nwana we Maati. Maati nwana we Matatyasi. Matatyasi nwana we Semeyini. Semeyini nwana we Yoseki. Yoseki nwana we Yoda. 27Yoda nwana we Yoyanani. Yoyanani nwana we Lesa. Lesa nwana we Zolobabeli. Zolobabeli nwana we Sayeyatiyeli. Sayeyatiyeli nwana we Neli. Neli nwana we Meliki. 28Meliki nwana we Adi. Adi nwana we Kosam. Kosam nwana we Elemadam. Elemadami nwana we Ele. 29Ele nwana we Zezu. Zezu nwana Eliyeze. Eliyeze nwana we Yolim. Yolim nwana we Matati. Matati nwana we Levi. 30Levi nwana we Simeyon. Simeyon nwana we Zuda. Zuda nwana we Zosefi. Zozefi nwana we Yonam. Yonam nwana we Eliyakimi. 31Eliyakimi nwana we Meleya. Meleya nwana we Mena. Mena nwana we Matata. Matata nwana we Natani. Natani nwana we Davidi. 32Davidi nwana we Zese. Zese nwana we Yobedi. Yobedi nwana we Bozi. Bozi nwana we Salomon. Salomon nwana we Nason. 33Nason nwana we Aminadabi. Aminadabi nwana we Adimini. Adimini nwana we Alini. Alini nwana we Etosoni. Etosoni nwana we Peleti. Peleti nwana we Zuda. 34Zuda nwana we Zaakobi. Zaakobi nwana we Isaaki. Isaaki nwana we Ablaami. Ablaami nwana we Tela. Tela nwana we Nayoli. 35Nayoli nwana we Selu. Selu nwana we Lewu. Lewu nwana we Pelegi. Pelegi nwana we Ebeli. Ebeli nwana we Sila. 36Sila nwana we Kayinami. Kayinami nwana we Alepasadi. Alepasadi nwana we Sem. Sem nwana we Nowa. Nowa nwana we Lemeki. 37Lemeki nwana we Matusalemi. Matusalemi nwana we Enoki. Enoki nwana we Yeledi. Yeledi nwana we Malali. Malali nwana we Kenami. 38Kenami nwana we Enosi. Enosi nwana we Seti. Seti nwana we Adam. Adam nwana we Nzambi.
നിലവിൽ തിരഞ്ഞെടുത്തിരിക്കുന്നു:
Luk 3: WUM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
