Margus 16
16
Dire gwa Yasuuⓐ dai
1A ma lamun la Sabith erna, a Maryam al Majdaliiya, a Maryam gwina gwiro nana gwa Yaⓐguubŋa, a Saaluumaŋa, lili ŋela ŋina ŋiro gwudhurul, alari gwalgwela algwibruthe. 2A bigunu ro gile gi lamun lina liro kwerkwereny la asbuuⓐ, alela kimumu ma aŋin alidha. 3Alabiŋaijiye, alarnu, Ei gwaji gwijidhedhirijo kolya kour ya kimu? 4A mal daŋa galo, alaŋa kimu dijalo kina a kol jalo gi dhiria; gipa gwuleny. 5A dina udhilo kimu, alaŋa kamila geta dijadha galo gi limera la dhiŋir, gigeno luga lina lipidho lina lolaŋ; aldhenya. 6Ŋwulaici, Athanya dhenyo no. Nyaŋa la libupo Yasuuⓐuŋw gwa Naas̱ira, gwina gwaio gi lure alaŋ lina limaliganu; gwimadire; gwati mina no. Aŋadhul kaloŋa gina gigetina. 7Nyabela, nyabiŋaijo calmiz juŋun a Buṯrus, nyalaici, Gwimajimadhina, gwimela Jaliil; gwaji gwanyaŋa mine, gwiro ŋinena abiŋaijajina. 8Altu por babraŋ, alabire kimu; alubi galo, alali galo dir; athil abiŋaijo kwijo gwetipo no; aldhenya.
Yasuuⓐ gwaŋinu manaŋ
9A dina ma Yasuuⓐ dire ro gile gi lamun lina liro kwerkwereny la asbuuⓐ, ŋwaŋini kwerkwereny di Maryam al Majdaliiya, gwilaŋ gwiteyuŋwna nyurinya kworoŋo‐thiril. 10Ŋwela, ŋwabiŋaijo lijo lina lathil je, dina arlo alruni. 11A dina maldiŋini darnu gwimamidhe, a darnu gwaŋadhi Maryam al Majdaliiya, athil uminyu no. 12Ŋwaji ŋwuŋina gi calmiz juŋun ram jina jiludhi kedho, gwiro gi je ganu ter. 13Alela, alabiŋaijo calmiz juŋun jiter dhuŋuna ibidha; athil luminyu no. 14Ŋwubaji ŋwuŋina gi calmiz juŋun jina jiro die‐a‐gwetipo dina jilo deny, ŋwul lo gi dhuŋun dha dugor degen dina dati duminyu no a dina dibur, ŋinena athil uminyu dhuŋuna dha liji lina laŋadhi didire dai no. 15Ŋwulabiŋaijo, ŋwulaici, Idhul kidhila peth, nyabiŋaijo lijo peth Dhuŋuna dhina Dhiŋir. 16Gwina gwuminyu ŋwuⓐamidhini, gwagilaŋ; abi gwina gwati gwuminyu no gwaji gwukimini. 17A ⓐalaamaat ibigwa gwaji gwamadhina gi liji lina luminyu; al lateye nyurinya gi jiriny jiny; alabiŋi diŋila dai dina diyaŋ. 18A lathi lapai jumeo doi dai; a ada limeye ŋiya, a lati lal ŋiya aco ŋida ŋudu no; al lathi lamini lijo lina luma, alure nono.
19A dina mal Kweleny abiŋaijo minoŋ, ŋwalo di Sama, ŋwujalo gi limera la dhoi dhina dhiro dhiŋir dha Kalo. 20Athilbela kalo peth, alabiŋaijo lijo dhuŋuna dha Kalo, athil apai ŋiro Kweleny ŋalai, athi Kweleny utheye ŋiro ŋegen je ganu ⓐalaamaat gwai gwina gwugwudhilai. Amiin.
നിലവിൽ തിരഞ്ഞെടുത്തിരിക്കുന്നു:
Margus 16: HBN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1966.
