Genesis 5
5
Adanpa milaynincuna
1Cro 1.1-4
1-2Tayta Dios quiqui-quiquintanüllam Adanta camala. Chay wayapätawan walmïta camalculmi “allin capäcuy” nil niycula. Chay lulaśhan pachapïmi “nunacuna” nisha capäcula. Caymi Adanpa milaynincuna:#Gen 1.27-28. 3Adan paćhac quimsa ćhunca (130) watanta liyalmi quiquintanülla chulicüla. Paytam “Set” śhutiwan śhutichäla. 4Chay chulin Set näsimuśhanpi pusä paćhac (800) watalämi Adan cawsala. Chay watacunäćhümi achca walaśh wamla chulincunapis calala. 5Isun paćhac quimsa ćhunca (930) watanta Adan liyalmi wañucula.
6Ñatac paćhac pichayu (105) watanta Set liyaptinmi chulin Enos näsïmula. 7Chaypïta pusä paćhac anćhishniyu (807) watalämi Set cawsala. Chayćhu walaśh wamla chulincunapis calalämi. 8Isun paćhac ćhunca ishcay (912) watayümi Set wañucula.
9Ñatac isun ćhunca (90) watanta Enos liyaptinmi chulin Cainan näsïmula. 10Chaypïta pusä paćhac ćhunca pichayu (815) watalämi Cainan cawsala. Chayćhu walaśh wamla chulincunapis calalämi. 11Isun paćhac picha (905) watanta liyalmi Enos wañucula.
12Ñatac Cainan anćhish ćhunca watanta (70) liyaptinmi Mahalaleel chulin näsimula. 13Chaypïta pusä paćhac tawa ćhunca (840) watalämi Cainan cawsala. Chayćhu walaśh wamla chulincunapis calalämi. 14Isun paćhac ćhunca (910) watanta liyalmi Cainan wañucula.
15Ñatac Mahalaleel süta ćhunca pichayu (65) watanta liyaptinmi chulin Jared näsimula. 16Chaypïta pusä paćhac quimsa ćhunca (830) watalämi Mahalaleel cawsala. Chayćhu walaśh wamla chulincunapis calalämi. 17Pusä paćhac isun ćhunca picha (895) watayümi Mahalaleel wañucula.
18Ñatac Jared paćhac süta ćhunca ishcayniyu (162) watanta liyaptinmi chulin Enoc näsimula. 19Chay Enoc näsishanpïta pusä paćhac (800) watalämi Jared cawsala. Chayćhu walaśh wamla chulincunapis calalämi. 20Isun paćhac süta ćhunca ishcay (962) watayümi Jared wañucula.
21Ñatac Enoc süta ćhunca pichayu (65) watanta liyaptinmi chulin Matusalen näsimula. 22Chaypïta Tayta Diospa munaśhanmannümi quimsa paćhac (300) watala Enoc cawsala. Chayćhu walaśh wamla chulincunapis calalämi. 23Quimsa paćhac süta ćhunca pichayu (365) watam Enoc cawsala. 24Tayta Diospa munayninmannu Enoc cawsaptinmi juc muyun quiquin Tayta Dios cawsayäta puśhacula.#Heb 11.5; Jud 14.
25Ñatac Matusalen paćhac pusä ćhunca anćhish (187) watanta liyaptinmi chulin Lamec näsïmula. 26Chay Lamec näsishanpïta anćhish paćhac pusä ćhunca ishcay (786) watalämi Matusalen cawsala. Chayćhu walaśh wamla chulincunapis calalämi. 27Isun paćhac süta ćhunca isun (969) watayümi Matusalen wañucula.
28Ñatac Lamec paćhac pusä ćhunca ishcay (182) watanta liyaptinmi chulin näsïmula. 29Paytam Noe śhutiwan śhutichäla: “Tayta Dios mana allinpä licaśhan allpäćhu, patanchicpä talinapä wañuy-wañuy lulaśhanchiccäpi cay walaśhmi jamaycachimäśhun” nil. 30Noe näsishanpïta picha paćhac isun ćhunca pichayu (595) watalämi Lamec cawsala. Chayćhu walaśh wamla chulincunapis calalämi. 31Anćhish paćhac anćhish ćhunca anćhish watayümi (777) Lamec wañucula.
32Ñatac Noe picha paćhac watanta (500) liyaptinmi chulin Sem, Cam, Jafet calaña.
നിലവിൽ തിരഞ്ഞെടുത്തിരിക്കുന്നു:
Genesis 5: QVW
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2022, AMWAN (Old Testament text)
© 2006, Wycliffe Bible Translators, Inc. (New Testament text)
Print copy NT 2006, Liga Bíblica del Perú
