San Lucas 20
20
Mok ei'k ti' Jesús ti' u kʌ'sik a lay
(Mt. 21.23-27; Mr. 11.27-33)
1Jump'e u k'ini, Jesús ti' yʌn tu kʌ'sa yok'o u yaj yatoch K'uj, tiʌ a ne pim a winik, tʌn u tsikbʌtik u jach tsoyi u t'ʌn K'uj, taro' u t'ojio' a moko' ku meajo' yok'o u yatoch K'uj u yet taro' a mok a ku kʌ'sko' u t'ʌn K'uj a toj u ts'ibtamʌ a Moisés uchik y bexi' u yet tar a mok jak'ʌ u kucho' ti' u winik a judíos. 2Ka k'ata ti' Jesús: A'e teno':
—¿Mok tu li'sa' u t'ʌn a je' a ba' ka metik? ¿Mok u ts'uri tu ya'tech a je' ka metik?
3Ka tu nuka Jesús, tu ya'a:
—Bexi' ten bin in k'ate jump'e ba'; ka nukik ten wa: 4A tu but'a ja' a winik a Juan ¿Mok li'sik u t'ʌn ti' u metik, wa K'uj o winik?
5Kaj u chu'sa u tsikbo' bik taba ku bu nu'ku, ka yao': «Wa kak ei'k, lʌji' K'uj tu li'sa u t'ʌn ti', biu ya'e to': “¿Biken mo' ta ch'ae'x u t'ʌn?” 6Wa kak ei'k, lʌji' a winiko' tu disa' u t'ʌn ti', tu woro a winiko' bi u kinso' yete tunich; toj a winiko' toj u yeo' a Juan jach lʌji' profeta.»
7Kaj u nuko':
—Ma' in weo' mok tuchi'tik a Juan. 8Kaj tu nuka Jesús, tu ya'tio':
—Bexi' ten mʌnʌ' in wei'k teche'x mok tu tuchi'ten tin metik a je' a ba'.
Jesús ku kʌ'sik bex a je', yok'o a winik a ku meaj mo' tsoy u tuku
(Mt. 21.33-44; Mr. 12.1-11)
9Chu'mpʌ Jesús u kʌ'sik ti'a pim a winiko' yete a je' a kʌ'sa a yʌn u jer u nu'ku, ka tu ya'a:
—Junturi' xi'ra tu meta u lu'mi meaj ti' u pʌk'ik u yo'ch nukuch ts'us (uva), kaj ts'o'ki u pʌk'ik, tu jach mʌjʌnta ti' u kʌnʌnta ti', pachi u ts'uri a lu'm bini ne ya'p k'in. 10Ka k'uchi tu k'ini u t'aka u wich u yo'ch nukuch ts'us, u ts'uri u lu'mi tu tuchi'taj junturi' u ne k'ʌni' ix u lu'mi tu pʌk'a u yo'ch ts'us, ti' u k'atik ti' a mok tu jach p'ʌta u kʌnʌnta ti', ti' u ts'aba ti' u wich u yo'ch ts'us, chen a mok ku kʌnʌntik u lu'mi u meaj, tu laxa u ne k'ʌni' u ts'uri a lu'm, mix k'ʌs tu ts'ati' y bex tu tuchi'to'. 11U ts'uri a lu'm tu ka tuchi'taj u jer u ne k'ʌni'; chen a mok ku kʌnʌntik u lu'mi to u pʌk'a nukuch ts'us tu ka laxa, tu jach kʌxmeto', ka tu tuchi'to' y mix k'ʌs ba' tu ts'ati'. 12U winki a lu'm tu ka tuchi'taj u jer u ne k'ʌni'; bexi' a mok ku kʌnʌntik u lu'mi to u pʌk'a ts'us tu ka laxo', tu ki bubujʌts'to', tu kʌxmeto' ka tu chich jaro' ti' u bin.
13»U winki u lu'mi a tu pʌk'a aj nukuch ts'us tu ya'ubʌj: “¿Baij kin bin mete?” Kin tuchi'tik in ti'a a jach otsi wirik, in tukrik wa ku yiraj in ti'a, je'e u yua u t'ʌn, 14Chen a mok a ku kʌnʌntiko' u lu'mi tu p'ʌk'ʌ a nukuch ts'us ka tu yiro' u ti'a u winki a lu'm, tu yao' yete u bojo': “A je' lʌji' u ti'a u winki a lu'm a ku bin u p'ʌte u lu'mi u p'ʌk'ʌ nukuch ts'us ka kimik, tu yao' yete u bojo'; ka ak kinse, ti' to' ku bij p'ata u lu'mi u p'ʌk'ʌ nukuch ts'us.” 15Y tu chuko' u ti'a u winki a lu'm, tu jaro' tu lu'mi u p'ʌk'ʌ a nukuch ts'us, ka tu kinso'.
»¿Baij ku bin u mete u winki a lu'm ti' a ku kʌnʌntik u lu'mi u p'ʌk'ʌ a nukuch ts'us? 16Je' u tar u winki a lu'm ti' u laj kinsik tu woro a mok tu kʌnʌnta u lu'mi u p'ʌk'ʌ a nukuch ts'us a mo' pataj, y u lu'mi u p'ʌk'ʌ nukuch ts'us bi u ts'ati' u jer u kʌnʌnte.
Ka tu yuo' u winiko' a ba' tu ya'a Jesús, tu yao':
—¡K'uj u yʌnto' ti mu' cheik ak metik a je' a ba'!
17Chen Jesús tu pʌktaj u wicho', y tu ya'a:
—¿A'e'x ten a je' baij ku nu'ku ku yei'k ix u t'ʌn K'uj tu ts'ibʌ':
A tunich a mo' tsoy ira' ten a mok ku metik nʌj
K'uj tu meta' a tunich
a jach lʌji' ne tsoy ti' u kukinta' yok'o nʌj ti' u chixta u muk' a nʌj?”
18Tu woro a mok ku lubu tu yʌn a tunich, ku laj bij xiti: Wa a tunich ku chere tu yok'o ti' mok, binukaj laj muxa'.
Jesús ku tsikbʌtik bik ʌk bo'tik u bo'ri a ku k'atik aj wes
(Mt. 21.45-46; 22.15-22; Mr. 12.12-17)
19U t'ojio' a moko' ku meajo' yok'o u yatoch K'uj yete a ku kʌ'sko' u t'ʌn K'uj a toj u ts'ibtamʌ a Moisés uchik u k'at u chujko' Jesús a lay u k'ini, a tu tu yuo' a u kʌ'sa a Jesús a yʌn u jer u nu'ku lʌji' ku ya'ba tio', chen tu sʌjto' u chujko' tu ne pim a winiko' tio' tita. 20Toj jai' tu tuchi'to' mok tus ku yei'k u bʌj ne tsoy u tuko', ti' u ch'uktik baij mo taj ku jok'o u yei'k a Jesús, pa ti' u payta' y ti' u chuka y ku bisa' ix u wesi a Roma. 21A mok tʌn u ch'uktik a Jesús tu k'ato' ti' Jesús:
—Wʌjkʌ'si, in weo' ne taj a ba' ka wei'k y a ka kʌ'sik, a tech maj a tejtik a winik ti'a kʌ'sik, a tech ka kʌ'sa jach u taji u t'ʌn K'uj. 22Ben ki k'atko' tech, ¿wa tsoy in bo'tik in lu'm ti' César u wesi Roma? ¿O mo' tsoy in bo'tik ti'?
23Jesús toj u yue baij ku tukriko', y tu ya'tio':
—¿Biken ka tare'x a tunte'x in wor? 24E'se ten in wire a chix tak'in.
—¿Mok tʌk'ʌ u yochi u wich? ¿Mok ts'ibʌ' u k'aba'?
Y tu nu'ku:
—Lʌji' u yochi a César u wesi a Roma.
25Y Jesús tu ya'tio':
—Ts'ae'x ti' a César u wesi Roma a toj lʌji' yʌni, y ts'ae'x ti' K'uj a ba' to' lʌji' yʌni K'uj.
26Mo' tu yiro' ba' k'as tuku tsikba Jesús ti' u pʌk'a u pach ti'a pim a winiko', Chen jari peknʌ u yoro' a ba' tu yuo' u yei'k Jesús y ts'oko' u t'ʌno'.
Ku tar u k'ata' ti Jesús bik taba a mok ku ka lik'i tu kuxta
(Mt. 22.23-33; Mr. 12.18-27)
27Pachi taro' a saduceos ti' u yiriko' Jesús, a tio' muj ch'ei'ko' u t'ʌn a Jesús a ku yei'k: A mok kimen jeu' ka lik'i kuxta, ben tu k'ato' ti Jesús:
28—Wʌjkʌ'si, Moisés tu ts'ipta' ti' to': wa yʌn mok ku kimi u xi'ra u bojo' y yʌn u lak', y moj ti'anʌ yete a ch'upra, u ka xi'ra u bojo' lʌji' ku ka bin u cheik u lak' u xi'ra o bojo' a kimen, ti' u yʌnta u ti'a a kimen u xi'ra u bojo'. 29Yʌn junturi' xi'ra suku'ubi yʌn seis u yits'ino', A suku'ubi, lʌji' tu yʌn ch'a u lak', chen kaj kimi mo' nʌj ti'anʌ. 30A its'inbi, lʌji' tu kaj u ch'a u lak' u suku'un, bexi' kaj kimi moj nʌj ti'anʌ. 31U ka' jer u ka' yits'ino' tu ch'a, turaj kaj laj nup u laj cheik u yits'ino' u lak' u bojo', y tu woro kaj kimo' ma' nʌj ti'anʌjo'. 32K'uchi u k'ini bexi' kimi a ch'upra. 33Ka bin lik'ik tu ka' kuxto' ¿mok ku ka bin u ch'ae a ch'upra, tu woro a tajʌm u nʌ' k'ʌ' (siete) xi'ra laj mʌni u ch'eik?
34Jesús tu nuka tio':
—A way yok'o lu'm ku ch'eik u lak' a winik, u ka ti'a bexi' ku cheik u lak'. 35Chen ka k'uchuk u k'ini ku lik'i kuxta a mok kimo', a mok jach tsoy ira' ten K'uj ti' u kuxta ix kʌ', tita mʌnʌ' u ch'eik u lak'o mix u ka ti'a ku bin u cheik u lak'. 36Tij taj, mʌnʌ' u ya kimo', laj ket ku bin meta a bex a ángeles, a tuj lik'o tu ka' kuxto', wayo' u ti'o' K'uj. 37Chen a ku lik'i a winik tu ka kuxta toj tu ye'sa uchik a Moisés a ka tu yira t'ʌba' a che u k'aba' zarza, tuk'in tu ya'a Moisés ti' K'uj a tech u K'uj a Abraham, u K'uj a Isaac y u K'uj a Jacob. 38K'uj mo' lʌji' u K'uj a kimen winik, K'uj lʌji' u K'uj a mok kuxʌ', toj ti' K'uj tu woro a winik laj kuxʌ'.
39Junyʌrʌ' ti' yʌno' a ku kʌ'sko' u t'ʌn K'uj a toj u ts'ibtamʌ a Moisés uchik kaj ya'tio' Jesús:
—Wʌjkʌ'si, jax taj ta nuka
40Y mo' tu yʌn tunto' u k'ato' u jer ba' ti' Jesús.
¿Moki u ti'a a Cristo?
(Mt. 22.41-46; Mr. 12.35-37)
41Jesús tu k'ata tio':
—¿Biken ku yei'ko', a Cristo lʌji' u ti'a a David? 42Ka wirik, u bʌji' David, tu ts'ipta' ix u ju'ni Salmos:
“Tu ya'a ak Ts'uri K'uj ti'a ak Ts'uri Cristo,
kuren tin xax.
43Hasta ku k'uchu tu k'ini in laj chesik a wok a mok ku p'aktike'x.”
44David ku t'ʌnik ts'uri; ¿Biken ka wei'ke'x lʌji' u ti'a David?
Jesús ku yei'k, a ku kʌ'sik u t'ʌn Moisés a tio' ma' taj ku kʌ'sik a winik
(Mt. 23.1-36; Mr. 12.38-40; Lc. 11.37-54)
45Tu woro a winiko' tʌn u ch'extik u tsikba Jesús, y Jesús tu ya'tio' u kʌ'sa winiko': 46«Kʌnʌnte'x a bʌj, ti' ma' a kʌnike'x u ba' ku metik a ku kʌ'sko' u t'ʌn K'uj a toj u ts'ibtamʌ a Moisés uchik, Ka wirik a ku kʌ'sik u t'ʌn Moisés, jach tsoy u nok' ku mʌno' ti' u tus tukriko' u bʌjo' jach t'ojo', jach tsoy yoro' u yiriko' u ki t'ʌna' ten u bʌjo' tu ku naj kanik u bao' a winik, bexi' ku tejtiko' u k'ʌnche' tu ku kuta a jach t'ojo' yok'o u nʌji tuku much'ik u bʌjo' a judíos u xake u t'ʌn K'uj, Bexi' ku tejtik u k'ʌnche' tuku ki ts'aba tio' ki o'chi; 47ku takik tu woro u ba' a ch'upra a mok kimen u lak', chen tus ku t'ʌnik K'uj ne xʌnta ti' u yiraj jach ku ki t'ʌnik K'uj, chen to' a layo' jach ya'p ku bin u bo'tik u si'pi ti' K'uj.»
നിലവിൽ തിരഞ്ഞെടുത്തിരിക്കുന്നു:
San Lucas 20: PLacNaha
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Sociedad Biblica de México AC
