Eyɔɔ 9

Yeso gli gho deʼ wɛ â sa be engɔ è shi fo aghɔɔ ngɛ

1Aŋu Yeso à ma zhiri a njikɛ ngɛ, engɔ zɔ gho deʼ wɛ à sa be engɔ aghɔɔ shi fo ngɛ. 2Bɔ bɛɛrɛ abwa ngɔ biiri kpe, “Àtee abwa, na abwa bɔɔbɔɔ wɛ à le aghɔɔ ngɔ fo? Ne engɔ kà ne èngwa ngɛ?” 3Yeso gíì kpe, “Abwa bɔɔbɔɔ ngɔ kà angɔ èngwa ngɔ ke le ebwa deʼ é le nè aghɔɔ fo ngɔ bo. Bɛʼngɛ ene le énde nɔ mbɔʼtye e tee abwo afwɛʼ Ngwe ene egho wunɔ. 4À mwɔ nchi ntsɔ fwɛʼ afwɛʼ egho wɛ me saa abɔ ngɛ. Ǹklì ya zeʼe wɛ gho ke né fwɛʼ bo ngɛ. 5Aŋu mmɛ mwɔ efwɔ ese ngɛ, mmɛ ne ekɛʼ ebe ese.” 6Aŋu Yeso à mɛɛrɛ ga ngɛ, è tu emɛn a chwâ, è twɔb, è zhwaʼra aghɔɔ egho wɛ anyi. 7Yeso gâ ebe engɔ kpe, “Ngɔ̀ɔ sò awɛ efwɔ atim Silom.” (Éngɛ ǹji Silom me ga kpe e tɔm). Éngɛ egho wɛ ngɔɔ sò efàarà mɔ, sa ghɛɛbɛ ma zɔ akwâ. 8Bɔ bara ngɔ mane abɔ byɛ â ma bwò à zɔ egho wɛ ma bii ngɛ biiri kpe, “Ewùnɔ ke mwɔ egho ŋwaʼ wɛ à ma tsɔmɔ à bii ela ngɛ bo?” 9Abɔ deʼ kpe, “Ne engɔ,” adeʼ kpe, “Keʼ na gho deʼ wɛ me nu ezɔɔrɔ ngɔ ngɛ.” Bɛʼngɛ àfò aghɔɔ wɛ mɔmbwo ga kpe, “Na mmɛ.” 10Angɔ biiri ebe engɔ kpe, “Aghɔɔ njɛ à dà pɛ̀ éne?” 11Engɔ gíì kpe, “Egho e ma zɔʼrɔ ene Yeso ngɛ a twɔb âfwɔ chwâ zhwaʼ aghɔɔ ndza anyi, è ga ena kpe mmɛ ngɔɔ a Siloam è sò efàarà ndza, éngɛ mmɛ ngɔɔ sò, gɛ̀rɛ̀ klada sa zɔ akwâ.” 12E biiri ebe engɔ kpe, “Egho wɛ e wɛ?” Engɔ gíì kpe, “Mmɛ ke nɛɛ bo.”

Bɔ Farisii wee aŋu â gli engɔ ngɛ

13Angɔ à nu egho wɛ aghɔɔ ngɔ a dye me fo ngɛ ngɔɔ ebe bɔ Farisii. 14Enjitsɔ, anji yɛ Yeso à twɔb chwâ glì aghɔɔ egho wɛ anyi ngɛ à na anji ku̧ru bɔ Juu. 15Éngɛ bɔ Farisii biiri aŋu engɔ a da sa zɔ akwâ ngɛ. Egho wɛ gíì kpe, “Engɔ à twɔb chwâ zhwaʼ aghɔɔ ndza, mmɛ sô efàarà ndza, enjitsɔ mmɛ sa zɔ akwâ.” 16Bɔ Farisii deʼ ga kpe, “Egho wunɔ ke me zeʼe ebe Ngwe bo, mbɔʼnga engɔ ke ma shi anji ku̧ru bɔ Juu bo.” Bɛʼngɛ abɔ deʼ kpe, “Gho abwa bɔɔbɔɔ we né le anɛ̂ abwa zɔnɔ?” Éngɛ egɛbɛ nyii abwaʼ angɔ. 17Angɔ gɛrɛ wu ghɛɛbɛ ebe egho wɛ biiri kpe, “Ngwo ga kpe ayɛ mbɔʼ egho wunɔ wɛ a gli awɛ ngɛ?” Egho wɛ gíì kpe, “Engɔ na Àmɛnɛkɔn Ngwe.” 18Abɔ Juu bɔnɔ â da ne bɛrɛ kpe egho wunɔ à ne fo, ebɔ a sa zɔ akwâ bo, bwɛn èndzobo chɛ â zɔ èngwa ngɔ ngɛ. 19Angɔ biiri ebe èngwa ngɔ kpe, “Na ŋwɔanɔm ngɔn wunɔ? Ne engɔ wɛ e kpe â be aghɔɔ ngɔ me fo ngɛ? Engɔ ne da sa zɔ akwâ enjitsɔ ngɛ ene?” 20Èngwa ngɔ gíì kpe, “Mbyɛɛ be nɛɛ kpe na ŋwɔ ngbɛɛ, gɛ̀rɛ̀ me nɛɛ kpe â be engɔ e me fo. 21Mbyɛɛ ke nɛɛ aŋu engɔ a da sa zɔ akwâ ngɛ bo, kà egho wɛ à fuʼu aghɔɔ ngɔ ngɛ, mbyɛɛ ke nɛɛ bo. Biiri ebe engɔ. Engɔ a shi a gho tɛ̀bɛ è wa ga eklo mɔ.” 22Èngwa ngɔ â ga énde mbɔʼnga â ma bumu eto bɔ Juu. Abɔ Juu byɛ â shi bɛrɛ kpe egho wɛ ma bɛ̀rɛ kpe Yeso na Ǹtɔmzhwaʼa ngɛ, e ba ngo chi engɔ efwɔ ndɔ bɛ̀ɛrɛ abwa bɔ Juu. 23Ne ǹji yɛ èngwa ngɔ â ga kpe, “Engɔ a shi gho tɛ̀bɛ biiri ebe engɔ” ngɛ. 24E gɛrɛ wu zɔʼ egho wɛ aghɔɔ ngɔ à me fo ngɛ, gà ebe engɔ kpa “Ga éŋwaʼa, ndɛʼ eghɔ ebe Ngwe. Mbyɛɛ be nɛɛ kpe egho wɛ à gli awɛ ngɛ na gho abwa bɔɔbɔɔ.” 25Engɔ gii kpe, “Ke engɔ mwɔ gho abwa bɔɔbɔɔ kà keʼ, mmɛ ke nɛɛ bo. Ebwa ŋwaʼ mmɛ me nɛɛ ne ga kpe mmɛ à ne fo aghɔɔ, ebɔ enjitsɔ mmɛ à sa zɔ akwâ.” 26Angɔ shi biiri ebe engɔ kpe, “Engɔ à le ene ekwa ngwɛ? Engɔ à dà é fuʼ aghɔɔ njɛ ene?” 27Engɔ gíì kpe, “Mmɛ à shi dye ga endɔn, mbɔn ne zhuru bo, mbɔn na ke é wu zo kpe ayɛ? Mbɔn gɛrɛ ba ke mwɔ bɔ bɛɛrɛ abwa ngɔ?” 28Angɔ nyɛ̀ egho wɛ kpe, “Ngwo na gho bɛ̀ɛrɛ abwa ngɔ, bɛʼngɛ mbyɛɛ na bɔ bɛɛrɛ abwa Mose! 29Mbyɛɛ be nɛɛ kpe Ngwe à ga ebe Mose, à shi mwɔ egho wunɔ mbyɛɛ de ke nɛɛ kpe ke è ne zeʼe awɛ bo.” 30Egho wɛ gii kpe, “Bàa! Ne ebwa zodo zodo. Mbɔn ke nɛɛ afwɔ yɛ engɔ me zeʼe ngɛ bo, engɔ à dà shi me fuʼu aghɔɔ ndza. 31Ntsɔ be nɛɛ kpe Ngwe ke ma zhuru ebwa ebe bɔ abwa bɔɔbɔɔ bo. E na zhuru ebwa me ebe abɔ ǹchwɔ̀ byɛ e ma ghɔ ngɔ gɛ̀rɛ̀ ma le abwa yɛ Ngwe ma ke ngɛ. 32Tsòrotsòro, aŋu ese à klada ngɛ, gho deʼ ke shi zo kpe gho deʼ à fuʼ aghɔɔ egho wɛ â be aghɔɔ me fo ngɛ bo. 33Mala egho wunɔ à ne me zeʼe ebe Ngwe bo, shi engɔ à ke me né le m̀pè ebwa zɔnɔ bo.” 34Abɔ byɛ gii kpe, “Â be awɛ efwɔ abwa bɔɔbɔɔ, ngwo tɛb efwɔ abwa bɔɔbɔɔ, ngwo ma ke é tɛ̀ʼ angbɛɛ?” E chɛdɛ engɔ ndwa ese.

Àfò aghɔɔ ene azhwɛɛrɛ

35Yeso zo kpe a chɛdɛ engɔ ndwa ese, Yeso nɔ wu zɔ egho wɛ nɔ, è biiri ebe engɔ kpe, “Ngwo we bɛrɛ ene Ŋwɔ Gho?” 36Egho wɛ gii kpe, “Gho kɛ̀, Ŋwɔ Gho na awɛ? Toʼro ena mbɔʼtye mmɛ bɛrɛ ene engɔ.” 37Yeso ga ebe engɔ kpe, “Ngwo shi zɔ engɔ. Ne engɔ ma gà nè ngwo nɔ.” 38Éngɛ egho wɛ ga kpe, “Masakɛ mmɛ è bɛ̀rɛ.” Engɔ ngɔɔ gunu etongu mɔ a chwâ ghɔ Yeso. 39Yeso gâ kpe, “Mmɛ ne zeʼe ese é sɛʼ bɔ mbɔʼtye àfò aghɔɔ zɔ akwâ, à zɔ akwâ fo aghɔɔ.” 40Bɔ Farisii deʼ byɛ â mwɔ nè engɔ ngɛ zo aŋu engɔ à ga énde ngɛ, biiri ebe engɔ kpe, “Ngwo kpe ayɛ nɔ? Ngwo kpe mbyɛɛ gɛrɛ na àfò aghɔɔ.” 41Yeso gíì kpe, “Mala mbɔn à mwɔ bàfò aghɔɔ shi eju a ke ma bɛ̀rɛ angɔn mbɔʼ abwa bɔɔbɔɔ bo, bɛʼngɛ mbɔn ba ndooro akwa ndzɔn kpe mbɔn ba zɔ akwâ, abwa bɔɔbɔɔ ndzɔn ye nɔ nè mbɔn.”

നിലവിൽ തിരഞ്ഞെടുത്തിരിക്കുന്നു:

Eyɔɔ 9: nbt

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Aŋwɛʼrɛ Ebuumu Fe Nè Ngwe നെക്കുറിച്ച് കൂടുതലറിയുക

Eyɔɔ 9
-ൽ നിന്നുള്ള പ്രശസ്ത ബൈബിൾ വചനങ്ങൾ

Eyɔɔ 9 - നുള്ള വീഡിയോകൾ

അവലോകനം: യോഹന്നാൻ ൧-൧൨

BibleProject

യോഹന്നാന്‍ ൯:൧-൧൨

Lumo Project

യോഹന്നാന്‍ ൯:൧൩-൪൧

Lumo Project

Eyɔɔ 9

Eyɔɔ 9
-ൽ നിന്നുള്ള പ്രശസ്ത ബൈബിൾ വചനങ്ങൾ

Eyɔɔ 9 - നുള്ള വീഡിയോകൾ

അവലോകനം: യോഹന്നാൻ ൧-൧൨

യോഹന്നാന്‍ ൯:൧-൧൨

യോഹന്നാന്‍ ൯:൧൩-൪൧

വേദപുസ്തകം:

Ngwo

പതിപ്പ്: Aŋwɛʼrɛ Ebuumu Fe Nè Ngwe - nbt

Eyɔɔ 9

Eyɔɔ 9

Eyɔɔ 9-ൽ നിന്നുള്ള പ്രശസ്ത ബൈബിൾ വചനങ്ങൾ

Eyɔɔ 9 - നുള്ള വീഡിയോകൾ

അവലോകനം: യോഹന്നാൻ ൧-൧൨

യോഹന്നാന്‍ ൯:൧-൧൨

യോഹന്നാന്‍ ൯:൧൩-൪൧

വേദപുസ്തകം:

Ngwo

പതിപ്പ്: Aŋwɛʼrɛ Ebuumu Fe Nè Ngwe - nbt

Eyɔɔ 9

Eyɔɔ 9
-ൽ നിന്നുള്ള പ്രശസ്ത ബൈബിൾ വചനങ്ങൾ