Mateu 3
3
Kwambulula chaYowano muka-kujimika vatu
(Mako 1:1-8; Luka 3:1-9, 15-17; Yowa 1:19-28)
1Hamakumbi aze, Yowano muka-kujimika vatu ejile nakuvilika mupambo yaYuleya, ngwenyi,
2 Kunyukenu hashili nakwalumuka mumuchima, mwomwo wangana wamwilu uli hakamwihi.
3Mwomwo ikiye uze vavulukile kuli kapolofweto Isaya ngwenyi,
Lizu lyayOu áli nakuvilika mupambo ngwenyi,
Longesenu jila yaMWATA,
Sungamisenu jijila jenyi.
4Jino Yowano avwalilenga uvwalo waungona wavangamela namuhya wachikapa mumbunda yenyi, kaha kulya chenyi chapwile vambimba-makumbi nauchi wamuchipapa.
5Kaha vakuYelusalema, nakuYuleya kwosena, nakungalila yajingilikile Yotau yosena valovokelenga nakuya kuli ikiye,
6kaha hakwitavila milonga yavo yashili, avajimikilenga mukalwiji vavuluka ngwavo Yotau.
7Oloze omu amwene vaFwaliseu navaSatuse vavavulu vali nakwiza mangana vavajimike, avambile ngwenyi, Enu vana vavambandajila! Iya namilweze numba muchine utenu uze naukeza?
8Imenu mihako yakusolola kukunyuka hashili nakwalumuka mumuchima.
9Kaha kanda namushinganyeka nakwamba mumichima yenu ngwenu, Tukwechi setu Apalahamako. Mwomwo nangumilweza ngwami, Kalunga nahase kumukatwila#3:9 Nge ngwenyi, Kalunga nahase kwalumuna malolwa kupwa vana vaApalahama nakuvakatula. Apalahama vana kufuma kumalolwa awa.
10Chipwe oholili, ngimbu yili lyehi kumwiji wamutondo himutondo. Shikaho, mutondo himutondo nauzeneka kwima mihako yamwenemwene, navautetamo nakuumbila mukakahya.
11Ami ngweji kumijimikanga mumeya hakukunyuka hashili nakwalumuka mumuchima, oloze Ou ánguhambakana ngolo ali nakwiza munyima yami, ukwechi mendelo enyi kangwatamo kuwambatako. Ikiye mwakamijimika muli Shipilitu Wajila namukakahya.
12Chitondo chenyi chakulelekesa chili mulivoko lyenyi, mangana akumise kuzungula tiliku#3:12 Mbuto yalifwana nge masangu. yenyi hachizungwilo chenyi nakuyikungulwila muchisete, oloze muzungu mwakawocha nakakahya kazeneka kujima.
Yesu navamujimika
(Mako 1:9-11; Luka 3:21-29)
13Haze vene Yesu afumine kuNgalileya nakuya kuYotau, mangana vakamujimike kuli Yowano.
14Yowano esekele kumukanda, nakwamba ngwenyi, Chatela ami kungujimika kuli ove, nyi ove wizenga kuli ami?
15Oloze Yesu amukumbulwile ngwenyi, Chitavile tuhu oholili, mwomwo mukiko chinatela etu kutesamo mukwoloka chosena. Kaha Yowano etavililemo.
16Kaha omu Yesu vamujimikile, hahaze vene akandukile kufuma mumeya. Kaha kutala, mwilu munasokoloka, kaha amwene Shipilitu yaKalunga ali nakushikumuka nakumuwila nge katela.
17Kaha kukasumuka, mwilu namufuma lizu ngwalyo, Ou you Mwanami ngwazanga, ángusuulwisa.
നിലവിൽ തിരഞ്ഞെടുത്തിരിക്കുന്നു:
Mateu 3: LUE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible Society of Zambia
