Lukasi 13
13
1Alisi mwitungo lyenilo vizaga vamo hawakwe, hovene vamupozezaja kunguno ya Vagalilaya avo Pilato wagasangilizaja magazi gavo hamohene na fitambo fyavo. 2Na uyu witavukaga na wavawila, Muliganika ati Vagalilaya avo vavagi vakenaguzi vahanya kukila Vagalilaya vangi vose, kunguno vadukaga genaya? 3Ndimuwila inwe, yikavile sisyo, alisi ulu inwe kupiluka 4ngʼo moyo, inwe mukuzimila kitisi avo. Ninga avo ikumi na mnane hovene chamba mu Siloa chavagwilaga na chavavulaga, muliganika ati vavagi vatondwa vahanya kukila vanhu vose vangi valikala mu Yerusalema? 5Ndimuwila inwe, yikavile sisyo, alisi ulu inwe kupiluka ngʼo moyo, inwe vose mukuzimila kitisi avo.
6Na wavawilaga mukolani, Munhu wavagi na mukuyu guhambilwe mu bustani, na wizaga kufikova fisumo 7kugo, na akafiwine. Na wamuwilaga mulindilizi wa bustani, Lolaga, myaka idatu nizaga kufikova fisumo 8ku mukuyu gwenugu na nkafiwine, ugubute, kuki gulihangilizya nsi? Alisi uyo witavukaga, Guku, uguleke mwaka gwenugu kusika nalimaga hansilili 9nago na natule matembe, hamo gukufyambya fisumo haho, alisi ulu ngʼo, haho ugubute.
10Alisi wavagi alihembeka mu sinagogo ha lusiku lwa sabato. 11Na lolaga, wavagiho mukima homwene wavagi na mugavo gwa vusakazu myaka ikumi na mnane, wihinile na wavagi akakovolile kwigolola mwenekili. 12Alisi aho Yesu wamuvonaga, wamwitanaga, umuwila, 13Mukima, watungulilwe ku vusakazu wako. Na watulaga makono kwigulya nawe, na itungo lili wagololokaga na wamugongolaga Mulungu. 14Na munamhala wa sinagogo wakilwa kunguno Yesu wapizaja ha sabato, na wavawilaga mbuto ya vanhu, Ziliho nsiku mkaga zya kutumama milimo, nsiku zyenizi mwize kupiziwa, 15alisi ngʼo ha sabato. Alisi Guku wamwitavukaga, uhaya, Inwe vagulumi; kinahe, kila umo mugati ninwe akavile kuzitungula ngʼombe zyakwe ninga mpunda ku luvigili na kuzifila ku minzi kuzinwesya ha sabato? 16Alisi uyu homwene ali mwana mukima wamwa Abrahamu, homwene Shetani wamutungaga myaka ikumi na mnane, aleke kutungulwa munyololo gwakwe ha 17lusiku lwa sabato? Aho wayombaga genaya vakandi vakwe vose vadimagwa na nsoni, alisi vanhu vose vagadehelaga genaya ga lukumo hogene gakwilaga mugati nawe.
18Haho wayombaga, Kinani kiliwikola vutemi wa 19Mulungu? na tuvukolanizye naki? Vuliyikola mbiyuya haradali hoyene munhu wasolaga na watagaga mu bustani yakwe, na yakulaga, gwavagi muti, na manoni ga mwilunde gasuhaga mu matambi gago. 20Na hangi wayombaga, Navukolanizye vutemi wa Mulungu naki? 21Vulilikola itumbyo holyene mukima walisolaga na walisangilizaja na ngelo idatu zya vufuma kusika watumbaga vose vuliko.
22Na wayumbayumbaga mu makaya mahanya na mado alihembeka, na watungaga lugendo lwa kuja ku Yerusalema. 23Na umo wamuwilaga, Kinahe, avo vakupiziwa vakuvi vado? 24Alisi uyu wavawilaga, Mugangadike kwingila ha muzigo mufindu, kwisi ndimuwila inwe ati, vingi vakukova kwingila na kukovola 25ngʼo. Kwisi kufuma itungo lyenilo mwene numba wamalaga kuvuka na kulugala muzigo, na inwe mukuvukizya kwima hanze na kuluguzya na kuyomba, Guku, utulugulile, nawe akwitavuka na akumuwila, Nkamumanikizye uko mwafumile. 26Haho inwe mukuvukizya kuyomba, Iswe twalyage na twanwage hambele 27naʼho na mu nzila watuhembekage iswe. Na uyu akuyomba, Nkamumanikizye uko mwafumile; ingagi hawane inwe vose vavezya wigomu. 28Kwenuko kulila na kusya mino kukuviko, ulu mukuvavona Abrahamu na Isaka na Yakobo na vafumbuzi mu vutemi wa 29Mulungu, na inwe mukuvi mwatagililwe hanze. Na vakwiza kufuma kiya na mweli na sukuma na dakama na vakwikala mu vutemi wa Mulungu. 30Na lolaga, valiho va numa hovene vakuvi va mbele, na valiho va mbele hovene vakuvi va numa.
31Na itungo lyenilo Vafarisayo vamo vegelaga na vamuwilaga, Ingagaho, uhafume henaha, kwisi Herode alikova kukuvulaga. 32Na wavawilaga, Muje mukamuwile likeye ilo, Lolaga, ndizifumya migavo na kuvapizya valwile lelo na igolo, na ha lusiku lwa vudatu ndamalizye. 33Yilindima kuyumba lelo na igolo na mazuli, kunguno yikasikile mufumbuzi azimile hanze na Yerusalema. 34Yerusalema, Yerusalema, hoveve ulivavulaga vafumbuzi na ulivatulagula mawe avo vatumizivilwe kuwako, kanga nakovaga kuvavilinga vana vako kitisi igongo lilituvilinga twana twalyo hansilili na manana 35galyo, alisi inwe mukakovile. Lolagi, numba yinwe yikulekwa kuwinwe itongo. Ndimuwila ati inwe kumbona ngʼo kusika itungo lyenilo mukuyomba, Adosiwe luvango homwene aliza mu lina lyamwa Guku.
നിലവിൽ തിരഞ്ഞെടുത്തിരിക്കുന്നു:
Lukasi 13: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
