Yohana 16
16
1-2Genaya namuwilile inwe muleke kugayilizya. Vakumulugalila inwe ku sinagogo, na itungo liliza ati homwene alimuvulaga inwe akwiganika alimutumamila Mulungu. 3Na vakwita genaya kunguno vakamumanikizye Vava ninga nene ngʼo. 4Alisi namuwilile inwe yeniyi, kigele ulu itungo lyafika muyizukile ati namuwilile inwe. Alisi yeniyi nkamuwilile kufuma mbuki, kunguno navagi hamohene ninwe. 5Alisi lelo ndija ku mwenuyo wantumizizye, na kuduhu umo mugati 6ninwe alimbuzya, Ulija kuhe? Sumbwa kunguno namuwilaga inwe yeniyi myoyo yinwe yokalaga na misayo. 7Alisi ndimuwila inwe hanayene, Yilimuvelela inwe nene ningeho; kwisi ulu nene kwingaho ngʼo Mugwasya kwiza ngʼo hawinwe; sumbwa ulu ndijako nkumutumizya hawinwe. 8Na ulu mwenuyu wamalaga kwiza akulilangisya liwelelo kunguno ya vukenaguzi na vugololoku na kitanga. 9Kunguno ya vukenaguzi, 10kwisi vakansanizizye; na kunguno ya vugololoku, kwisi ndija kumwa Vava, na inwe mukavile kumbona hangi; 11kunguno ya kitanga, kwisi mutwale wa liwelelo lyenili watemilwe kitanga. 12Ntali ndi na mihayo mingi ya kumuwila inwe, alisi lelo mukakovolile kuyivucha. 13Alisi ulu mwenuyo wiza, Roho ya Hanayene, akumulondola inwe mugati na hanayene yose, kwisi mwenuyu kuyomba ngʼo kufuma kuwakwe mwenekili, sumbwa gose genayo aligwa akuyomba, na akumutanizya inwe genaya galize. 14Mwenuyo akunkumucha nene, kunguno akusola ku genaya gane na akumutanizya inwe. 15Gose genaya Vava ali nago gali gane, kunguno yeniyi nayombaga ati, akusola ku genaya gane na akumutanizya inwe. 16Katungo kado ninwe kumbona ngʼo hangi, na hangi katungo kado inwe mukumbona hangi. 17Haho vamo va vahemba vakwe vayombaga hamohene, Muhayo ki gwenugu alituwila, Katungo kado inwe kumbona ngʼo hangi, na hangi katungo kado mukumbona nene, na gwenugu, Nene 18ndija kumwa Vava? Na vayombaga, Muhayo ki ugualiyomba, Katungo kado, tukamanikizye yeniyi aliyomba. 19Yesu wamanikaja ati valikova kumuvuzya na wavawilaga, Kinahe, muliwivuzya kunguno nayombaga, Katungo kado inwe kumbona ngʼo, na hangi 20katungo kado inwe mukumbona nene? Yalole, yalole ndimuwila inwe ati, inwe mukulila na mukwanaguka, alisi liwelelo likudeha; inwe mukusaya, alisi misayo yinwe yikupiluka ha kudeha. 21Mukima ulu alivyala ali na misayo kunguno itungo lyakwe lyafikaga; alisi ulu wamuvyalaga mwana, akavile kuwizukila hangi vusungu wakwe kunguno ya kudeha ati munhu wavyalilwe henaha mu liwelelo. 22Sisyo inwe lelo muli na misayo, alisi nkumuvona inwe hangi, na moyo gwinwe gukudeha, na kuduhu umo akumupuzya inwe kudeha kwinwe. 23Na ha lusiku lwenulo inwe kumbuzya nene ngʼo muhayo gumo. Yalole, yalole ndimuwila inwe, icho mukumulomba Vava akumupa inwe mu lina lyane. 24Kusika lelo mukalombile kinhu mu lina lyane; mulombe na inwe mukupiwa, kigele kudeha kwinwe kukwile vuliko.
25Genaya namuwilaga inwe mu mikolani; alisi itungo liliza nene kuyomba ngʼo hangi ninwe mu mikolani, sumbwa nkumuwila inwe hape mhola yamwa Vava. 26Ha lusiku lwenulo inwe mukulomba mu lina lyane, na nkavile kumuwila ati nkumulombela hamwa Vava, 27kwisi Vava mwenekili alimutogwa, kunguno mwantogagwa nene na mwasanizizye ati nafumile kumwa Mulungu. 28Nene nafumile kumwa Vava na nizile henaha mu liwelelo; hangi ndilileka liwelelo na ndija kumwa Vava. 29Vahemba vakwe valihaya, Lolaga, lelo uliyomba hape na ukavile kuyomba hangi mu mukolani. 30Lelo tulimanicha ati uligamanicha gose na ukafundile umo akuvuzye; kunguno yeniyi tulisanizya ati veve wafumile kumwa Mulungu. 31Yesu wavitavukaga, Lelo mulisanizya? 32Lolagi, itungo liliza na lyafikaga ati inwe mukusambaziwa umo umo kuwakwe, na mukundeka nene ninene; alisi nene nkavile ninene, kwisi Vava aliho hamohene na nene. 33Genaya namuwilile inwe, kigele muve nako kuhola mugati na nene; mu liwelelo muli nago mamikosi, alisi mwidibage moyo, nene nalikindile liwelelo.
നിലവിൽ തിരഞ്ഞെടുത്തിരിക്കുന്നു:
Yohana 16: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
