Yúhanná Dí Injíl 5
5
1UH de pichchoṉ Yahúdíáṉ dí ʼÍd sí, te Yesúʼ Yarúshalím núṉ gayá. 2Te Yarúshalím vichch bheḍáṉwále darwáze de kol ikk hauz hai, jih núṉ ʼIbrání bolí vichch Baithasda ákhde ne, jih de panj varánḍe ne. 3Ihnáṉ vichch roggíáṉ, te annheáṉ, te langeáṉ, te sukkeáṉ hoeáṉ dí baṛí bhíṛ paí rahṉdí sí. 5Te utthe ikk ádmí sí, jihṛá aṭhattíáṉ warheáṉ thoṉ roggí sí. 6Yesúʼ uh núṉ piá hoiá vekhke, te ih jánke paí uh chirokná piá hoiá hai, uh núṉ ákhíá, paí Túṉ wall honá cháhuṉdá haiṉ? 7Us roggí uh núṉjawáb dittá, Ai Ḳhudáwand, merá koí ádmí nahíṉ, paí jadoṉ pání hiláyá jáe, táṉ mainúṉ hauz vichch utár de; par jinnáṉ chir maiṉ jáná háṉ, dújjá maithoṉ pahláṉ utar paiṉdá hai. 8Yesúʼ uh núṉ ákhíá, Uṭṭh, te apní manjí chukk, te ṭur pao. 9Use hí vele uh ádmí wall ho gayá, te apní manjí chukk ke ṭurdá piá. Te uh Sabt dá din sí. 10Is karke Yahúdíáṉ uh núṉ, jihṛá wall hoiá sí, ákhíá, Ajj Sabt dá din hai; tainúṉ manjí chukkní nahíṉ cháhidí. 11Us uhnáṉ núṉ jawáb dittá, paí Jis mainúṉ wall kítá, use mainúṉ ákhíá “Apní manjí chukk, te tur pao.” 12Tad uhnáṉ uhnúṉ puchchhiá, Uh kihṛá ádmí hai, jis tainúṉ ákhíá, paí “Apní manjí chukk te tur pao”? 13Par uh, jihṛá wall hoiá sí, nahíṉ jándá, paí uh kaun hai, kyúṉ jo us tháṉ bhíṛ sí, te is wáste Yesúʼ lámbhe ho gayá sí. 14Uh de pichchoṉ Yesúʼ uh núṉ haikal vichch vekhke ákhíá, Vekh, túṉ wall ho gayá haiṉ; muṛ gunáh na karíṉ, mate tere utte aidoṉ bhí bahutí ḳharábí á pawe. 15Uh ádmí tur gayá, te Yahúdíáṉ núṉ khabar dittí, paí Jis mainúṉ wall kítá sí, uh Yesuʼ hai. 16Te is galle Yahúdí Yesúʼ de magar pae, kyúṉ jo uh ajihe kamm Sabt núṉ kardá sí. 17Par Yesúʼ jawáb dittá, paí Merá Báp hun tíkar kamm kardá hai, te maiṉ bhí kamm karná háṉ. 18Is laí Yahúdí hor bhí wadhke uh de máran dá dá labbhde sán, kyúṉ jo us na nirá Sabt núṉ toṛ dittá, par ih bhí, paí Ḳhudá núṉ kháss apná Báp ákhke apne áp núṉ Ḳhudá de barábar kítá. 19Is wáste Yesúʼ ne uhnáṉ núṉ jawáb dittá, Maiṉ tuhánúṉ sach sach ákhná háṉ, paí Betá áp thoṉ kujh nahíṉ kar sakkdá, par jo kujh uh Báp núṉ kardíáṉ vekhe; kyúṉ jo jihṛe kamm uh kardá hai, Beṭá bhí use tarah kardá hai. 20Kyúṉ jo Báp Beṭe núṉ piár kardá hai, te sáre kamm, jihṛe uh áp kardá hai, uh núṉ wikháṉdá hai; te uh ihnáṉ náloṉ waḍḍe kamm uh núṉ vikhálegá, paí tusíṉ táʼajjub karo. 21Kyúṉ jo jis tarah Báp murdeáṉ núṉ uṭháṉdá, te jiwáldá hai, uṉweṉ Beṭá bhí jihnáṉ núṉ cháhṉdá hai, jiwáldá hai. 22Kyúṉ jo Báp kise dí ʼadálat nahíṉ kardá, par us sárí ʼadálat Beṭe de supurd kítí hai. 23Táṉ jo sabh lok Beṭe dí ʼizzat karan, jis tarah Báp dí ʼizzat karde ne. Jihṛá Beṭe dí ʼizzat nahíṉ kardá, uh Báp dí bhí, jis uh núṉ ghallíá, ʼizzat nahíṉ kardá. 24Maiṉ tuhánúṉ sach sach ákhná háṉ, paí uh jihṛá merá kalám sundá hai, te uh de utte, jis mainúṉ ghalliá hai, ímán liáuṉdá hai, sadá dí zindagí uh dí hai, te uh ʼadálat vichch nahíṉ áuṉdá; sagoṉ maut thoṉ nikalke uh zindagí vichch já pahuṉchdá hai. 25Maiṉ tuhánúṉ sach sach ákhná háṉ paí uh ghaṛí áuṉdí hai, te hun hí hai, jadoṉ murde Ḳhudá de Beṭe dí áwáz sunange, te jihṛe sunange, jíu painge. 26Kyúṉ jo jis taráh Báp apne vichch zindagí rakkhdá hai, use tarah us Beṭe núṉ bhí dittá, paí apne vichch zindagi rakkhe; 27Te uh núṉ iḳhtiár dittá, paí ʼadálat kare, is laí paí uh Ibn-i-Ádam hai. 28Is galloṉ hairán na ho, kyúṉ jo uh ghaṛí áuṉdí hai, jadoṉ sáre, jihṛe qabráṉ vichch ne, uh dí áwáz sunange. 29Te báhar nikal áwange; jihnáṉ nekí kítí, zindagí dí qiámat laí: te jihnáṉ bhaiṛe kamm kíte, ʼadálat dí qiámat de laí. 30Maiṉ apne áp kujh nahíṉ kar sakkná háṉ. Jis tarah maiṉ sunná háṉ, use tarah ʼadálat karná háṉ; te merí ʼadálat sachchí hai, kyúṉ jo maiṉ apní marzí núṉ, nahíṉ labbhdá, par uh dí marzí núṉ, jis mainúṉ ghalliá hai. 31Je maiṉ apne haqq vichch gawáhí deáṉ, táṉ merí gawáhí sachchí nahíṉ. 32Ikk hor hai, jihṛá mere haqq vichch gawáhí deṉdá hai; te maiṉ jánná háṉ, paí jihṛí gawáhí uh mere haqq vichch deṉdá hai, so sachchí hai. 33Tusáṉ Yúhanná kol sunehá ghalliá, te us ne sachchíáí utte gawáhí dittí hai. 34Maiṉ táṉ ádmíáṉ walloṉ gawáhí nahíṉ laiṉdá; par maiṉ ih gallán ákhná háṉ, táṉ jo tusíṉ bach jáo. 35Uh ikk baldá hoiá te chamakdá hoiá díwá sí, te tusíṉ ghaṛí toṛí uh de chánan vichch khush rahná cháhuṉde sao. 36Par mere kol jihṛí gawáhí hai, uh Yúhanná dí gawáhí thon waḍdí hai; kyúṉ jo, jihṛe kamm Báp mere supurd kíte, paí maiṉ uhnáṉ núṉ púriáṉ karáṉ, yáne iho kamm, jihṛe maiṉ karná háṉ, uh mere haqq vichch gawáhí deṉde ne, paí Báp mainúṉ ghalliá hai. 37Te Báp jis mainúṉ ghalliá, us hí mere haqq vichch gawáhí dittí hai. Tusáṉ táṉ na kade uh dí áwáz suní hai, te na uh dí shakl ḍiṭṭhí hai. 38Te uh dá kalám tuháḍe vichch nahíṉ rahṉdá, kyúṉ jo, jih núṉ us ghalliá, tusíṉ uh núṉ nahíṉ mannde. 39Tusíṉ nawishteáṉ núṉ pholde rahṉde ho, kyúṉ jo tusíṉ samjhde ho, paí uhnáṉ vichch tuháḍe laí sadá dí zindagí hai; te ih uhí ne, jihṛe mere haqq vichch gawáhí deṉde ne. 40Te tusíṉ mere kol zindagí lain núṉ áuná nahíṉ cháhuṉde ho. 41Maiṉ ádmíáṉ koloṉ waḍiáí nahíṉ cháhuṉda. 42Par maiṉ tuhánúṉ jánná háṉ, paí tusíṉ Ḳhudá dí mahabbat apne vichch nahíṉ rakkhde. 43Maiṉ apne Báp de náṉ utte áyá háṉ, te tusíṉ mainúṉ qabúl nahíṉ karde. Je hor koí apne hí náṉ utte áwe uh núṉ tusíṉ qabúl kar loge. 44Tusíṉ kíkar ímán li-á sakkde ho, jihṛe ikk dújje walloṉ waḍiáí cháhuṉde ho, te us waḍiáí núṉ, jihṛe ikalle Ḳhudá walloṉ áuṉdí hai, nahíṉ labbhde. 45Ih na samjho, paí maiṉ Báp agge tuháḍe utte ilzám láṉgá. Ikk hai tuháḍe utte ilzám lánwálá, yáne Músá, jih de utte tusáṉ bharosá rakkhiá hoíá hai. 46Kyúṉ jo je tusín Músá núṉ mannde, táṉ mainúṉ bhí mande; is laí paí use mere haqq vichch likhiá. 47Par jad tusíṉ uh deáṉ nawishteáṉ núṉ nahíṉ mannde, táṉ meríáṉ galláṉ kíkar mannoge?
നിലവിൽ തിരഞ്ഞെടുത്തിരിക്കുന്നു:
Yúhanná Dí Injíl 5: PNT1927R
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Historical texts published by British and Foreign Bible Society 1917-1927.
