Jɔn Wetin Dis Buk Tɔk Bɔt
Wetin Dis Buk Tɔk Bɔt
Di Gud Nyuz we Jɔn rayt se Jizɔs na di Wɔd we go de sote go, ɛn di Wɔd we “tɔn mɔtalman ɛn liv wit wi.” Jɔn insɛf rayt na di buk se, in rayt dis Gud Nyuz so dat dɛn wan we go rid am, go biliv se: Jizɔs na di Seviɔ we Gɔd bin prɔmis fɔ sɛn to mɔtalman; na Gɔd in Pikin, ɛn we dɛn biliv pan am, dɛn go gɛt layf we go de sote go. (20:31)
Afta Jɔn dɔn sho se na Jizɔs na di Wɔd we go de sote go, i tɔk na di fɔs pat pan di Gud Nyuz bɔt difrɛn difrɛn wɔndaful wok we sho se Jizɔs na di Seviɔ we Gɔd bin prɔmis fɔ sɛn, ɛn na Gɔd in yon Pikin. I tɔk na ɔda pat bɔt wetin di wɔndaful wok dɛn de sho wi. Semwe so, i tɔk bɔt aw sɔm pipul we bin biliv pan Jizɔs bin bigin fala am ɛn kam bi in lanin bɔy dɛn. Chapta 13-17 tɔk bɔt di at to at tɔk bitwin Jizɔs ɛn in lanin bɔy dɛn di nɛt we dɛn ol Jizɔs, ɛn di wɔd dɛn we Jizɔs tɔk so dat in lanin bɔy dɛn go rɛdi ɛn gɛt kɔrej di tɛm we pipul go ol am ɛn nel am pan di krɔs. Di las chapta dɛn tɔk bɔt di ol we dɛn ol Jizɔs, kɔndɛm am, ɛn nel am pan di krɔs; we i rayz frɔm di grev, ɛn sho insɛf to in lanin bɔy dɛn afta i rayz frɔm di grev.
Wetin rayt na chapta 8:1-11 bɔt da uman we dɛn kech wit man we i nɔ mared to, de na brakɛt [ ] bikɔs plɛnti dɛn fɔs raytin nɔ tɔk bɔt dat, ɛn sɔm tɔk bɔt am ɔda say.
Jɔn tɔk plɛnti tin we sho se di layf we go de sote go we Gɔd gi Jizɔs fɔ gi mɔtalman, impɔtant; da layf de bigin naw ɛn i de fɔ dɛn pipul we biliv se Jizɔs na di rod we fɔ pas go to Gɔd, nain de tɛl pipul wetin tru bɔt Gɔd, ɛn nain de gi pipul di tru layf. Wan pati kla tin bɔt Jɔn na we i tek tin dɛn lɛkɛ: wata, bred, layt ɛn man we de mɛn ship, fɔ tɔk bɔt Jizɔs ɛn sho wi klia wan aw i impɔtant fɔ ɔlman.
നിലവിൽ തിരഞ്ഞെടുത്തിരിക്കുന്നു:
Jɔn Wetin Dis Buk Tɔk Bɔt: KRIO13
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Krio Bible © The Bible Society of Sierra Leone, 2013.