Kub 6
6
Abaana b'abantu ha baarugiriire kusiisikara
1 #
Yob 1:6; 2:1. Abantu obu baatandikire kukanya omunsi; bakazaara abaana baisiki, 2abantu ba Ruhanga obu baarozire abaisiki abo bali barungi, baayeswerra baingi omuli bo nkooku baagondeze. 3Nubwo MUKAMA Ruhanga yagamba ati: “Omwoyo gwange ogunyakwomeeza, tiguliikara omu muntu ebiro byona, habwokuba omuntu w'okumara akacu kake, araayomeeraga emyaka kikumi n'amakumi abiri.” 4#Kubar 13:33; Sir 16:7; Baru 3:26.Omu biro ebi, abantu ba Ruhanga obu baateeraine na bahara b'abantu, baabazaraho abaana, omunsi haabamu abantu emanzi. Abo, nubo baabaire bantu b'amaani aba ira, bakaba bali bantu barangaanwa.
5 #
Mat 24:37; Luk 17:26; 1Pet 3:20. MUKAMA obu yarozire obubi bw'omuntu nkooku buli bwingi omunsi, kandi ebiteekerezo n'okugonza kwe biri ha bubi bwonka, 6yasaalirwa habw'okuhanga omuntu omunsi, eki kyamusaaliza muno. 7MUKAMA nukwo kugamba ati: “Omuntu ou nahangire omunsi, ninyija kumumaraho: omuntu, ebisoro, ebyekurra, n'ebinyonyi eby'omu mwanya, ninyeyijukya habw'okuhanga ebi byona.” 8Baitu MUKAMA akasiima Noha.
9 #
Sir 44:17,18; 2Pet 2:5. Runu, nurwo ruzaaro rwa Noha. Noha akaba ali muntu ahikiriire, ataina kibi ekirukumugambwaho omu bantu ab'ebiro ebi kandi akaba ali nganjani ya Ruhanga. 10Akaba ayina abatabani basatu: Seemu, Haamu na Yafeesi.
Noha naakora eryaato
11Omu kasumi ako, Ruhanga akarora ensi yoona nkooku ekaba esiisikaire; kandi ijwire obubi. 12Yarora nkooku esiisikaire; habwokuba mazima kwo abantu boona bakaba bahabire. 13Ruhanga yagambira Noha ati: “Mmaliriire kuhwerekereza abantu boona; habwokuba basiisire ensi, boona ninyija kubahwerekereza hamu n'ebintu byona. 14Weekorre eryaato ery'embaaho enungi ezigumire; eryaato eri, olicwemu ebisiika, olisiige orweju omunda n'aheeru. 15Olikole oti: obura bwalyo, mita kikumi mu asatu na isatu, obugazi bwalyo mita abiri na ibiri, obwemi bwalyo, mita ikumi na isatu. 16Eryaato eri, oliteho orusu, rweculike sentimita ana na ina; omulyango gw'eryaato, ogute omu rubaju rwalyo; eryaato olicwemu kaina asatu; ey'okubanza, ey'akabiri n'eyakasatu. 17Habwokuba, ninyija kusandaaza amaizi omunsi, mpwerekereze abantu boona, ebyomeezi byona mbimale hansi y'iguru; kyona ekiri omunsi kife. 18Baitu ninyija kukora na iwe endagaano; olitaaha omu lyaato, iwe na batabani bawe, mukazi wawe, na bakabaana bawe. 19Kandi ha buli kintu kyona ekyomeezi, olitaahya omu lyaato bibiri bibiri ebya buli mulingo, ekisaija n'ekikazi, biikale hamu na iwe biri byomeezi. 20Ebinyonyi omu miringo yabyo, n'ebisoro omu nganda zabyo, byona ebinyakwekururra haitaka omu mulingo gwabyo, bibiri bibiri ebya buli mulingo biritaaha omu lyaato nambere oli, obirinde bireke kufa. 21Kandi otwale ebyokulya ebya buli mulingo, ebinyakuliibwa, obihunike, inywe n'ebyomeezi byona nibyo mulirya.” 22#Baheb 11:7.Noha nukwo yakozire; yakora byona Ruhanga ebi yamuragiire.
നിലവിൽ തിരഞ്ഞെടുത്തിരിക്കുന്നു:
Kub 6: BRR2008
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Runyoro/Rutooro Interconfessional Translation © Bible Society of Uganda, 2008.
