Matayo 1
1
1Buku Yesu Kristuni tizo di, akodi Dawidini mva e, akodi Iburaimuni mva e.
2Iburaimu ti Yisaka dre; Yisaka dre Yakobo tizo; Yakobo dre Yuda akodia adrupia be tizo; 3Yuda dre Perese, Zera be tizo Tamaru; Perese dre Eserome tizo; Eseroma dre Arama tizo; 4Arama dre Aminadaba tizo; Aminadaba dre Nasona tizo; Nasona dre Salamona tizo. 5Salamona dre Boaza tizo Raabaru; Boaza dre Obede tizo Rutaru; Obede dre Yisai tizo; 6Yisai dre Dawidi, akodi mokonziro di, tizo.
Dawidi dre Solomo tizo akodiru, akodi dridri Uriyani toko e; 7Solomo dre Rabama tizo; Rabama dre Aiya tizo; Aiya dre Asa tizo; 8Asa dre Yosafata tizo; Yosafata dre Yorama tizo; Yorama dre Uziya tizo; 9Uziya dre Yotama tizo; Yotama dre Aza tizo; Aza dre Izikiya tizo; 10Izikiya dre Manase tizo; Manase dre Amona tizo; Amona dre Yosiya tizo; 11Yosiya dre Yekoña tizo adrupie be, vese mundia drizo Babela a di.
12Vese mundia drizo Babela a di, velero Yekoña dre Salatiele tizo; Salatiele dre Zelubabela tizo; 13Zelubabela dre Abiuda tizo; Abiuda dre Eleyakima tizo; Eleyakima dre Azora tizo; 14Azora dre Sadoka tizo; Sadoka dre Akimi tizo: Akimi dre Eliyuda tizo; 15Eliyuda dre Elazara tizo; Elazara dre Matana tizo; Matana dre Yakobo tizo; 16Yakobo dre Yosefa ago Maria adea ni tizo, a ti Yesu, i dre zile Kristu akodiru.
17Kadre nitini biro o̱ei Iburaimuni kofule Dawidi be di a adre biro mudri‐dri‐su; biro Dawidini kofula vese mundia drizo Babela a di, adre biro mudri‐dri‐su; biro o̱ei vese mundia drizo Babela a di ca Kristuru adre biro mudri‐dri‐su.
18Tai Yesu Kristu ni tizo di adre nitini: A ko fe akodini andre Maria Yosefadre mole dre di, aii aliki tumani dre ko, dridri a no adi adre a be Teri Lolose. 19Yosefa, akodia ago dre adrele ago ta piri olepi dise, dre akodi lezo tadale ko, kañi ko’oro akodi diaki keto a ko. 20Adi kotušu tai nii i lena di, mi no ka, malaika Miri adea agadre adi kandra torobise, dre tazo, ki di, Yosefa, mi Dawidini mva mi koro Maria ami toko dole midre di ko: a, i dre tile adi lena, adre Teri Lolose dise. 21Adi koti mva‐ago di; mi kozi runa Yesu; akodi dre ai mundia pale aiiki takonji ase dise. 22Tai nii dii o̱ei dre acazo, tai Miri dre tale nabise dii kacaro, tara’a ki di,
23Mi no ka, kianji kadre a be, dre mva‐ago tizo,
Aii dre akodini ru zizo Imanuele;
ala ru nidi zile, Nzambe adre ama be. 24Yosefa dre larozo aiyi ase, dre tai ozo ngoro malaika Miri adea dre tale idre di tini, dre ai toko dozo; 25dre akodi nizo ko, akodi tidre mva‐agoro di ka: adi dre akodi ru zizo Yesu.
നിലവിൽ തിരഞ്ഞെടുത്തിരിക്കുന്നു:
Matayo 1: LOG
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
first printed by the British and Foreign Bible Society in 1924 and 1927.
