Luka 24
24
Yesu a ŋien i twan
(Köti Matayo 28.1-10; Marako 16.1-8; Yoane 20.1-10)
1Ama i lor lo Sabata lo Yudayaki i kotumalu nanyit i baŋun na kak, a ŋutu wate dikara i gulom, joŋga welesi na mon ’bura nagon se aje teten kune. 2A se ryeji ŋurupit aje gwuluŋöji kaŋo i gulöm, 3ama na lupöri se lukata nu, a se gwe a ko ryo öpu na MATAT Yesu. 4A na dyadya ’yi se ko kine kulya nu, a ŋutu murek logon a jupu boŋgwat namilyaŋak kulo, puköki ko lepeŋat. 5A ŋutu wate kune rigwököni rigwökö, a durwene durwe, ama a ŋutu kulo pije lepeŋat adi, Nyo ta ga ’yu nye lo gwon jörun lo i kiden na lo twatwa?
6 #
Mat 16.21; 17.22, 23; 20.18, 19; Mar 8.31; 9.31; 10.33, 34; Luk 9.22; 18.31-33 Lepeŋ ’bayin ni; nye aje ŋien. Yeyene ta kulya nagon lepeŋ a tukökin ta kine na gwoŋdi lepeŋ Galilaya nu, 7adi, Ŋuro lo ŋuto kodyö titiki ko ŋutu katoronyak i könisi, a ’bikikine i ködini na goro, a i perok musala a nye ŋine ŋien i twan. 8A se iŋge yeyeoro kulyaesi kanyit. 9a nagon se aje yitwe i gulöm nu, a se tukökiŋdye kune ŋo liŋ i ŋutu kajujumuk puök wot geleŋ, ko i kulye ŋutu liŋ. 10Nyena a ŋutu wate na tukökiŋdyö luyökie kine ŋo liŋ kune gwe a ko Maria na po Magadala, ko Yöana, ko Maria ŋote Yakobo; a kunie wate na gwon ko se i pirit na geleŋ kune iŋge tuggö sona. 11Ama a ŋo na tuk lepeŋat kune metani kase a ŋo kana a se tine yuŋ lepeŋat kwöŋ.
12Ama a Petero ŋine ki a woki i gulöm, a nye dulajine kak, a ku ’di ’e lukata, a meddi boŋgwat ka ’delekon, a nye yitöni mede, sösöŋu ko ŋo nagon aje pokin kune.
Tu na kajujumuk murek Emau
(Köti Marako 16.12-13)
13A i ŋilu lor gwak, a kulye kajujumuk murek iti i tur lo luŋu a Emau, logon suluja Yerusalema tojo kata gwoso mailijin buker, 14a se gwe i jamaddu ko i tokulyakin ko ’börik i kulya ti ŋo liŋ nagon aje pokin kune.
15A na jamaddi se ko na kulyajine se nu, a Yesu lepeŋ miju nyona a moraddi ko lepeŋat; 16ama a konyen kase iŋge muko an se gwulu lepeŋ. 17A nye pije lepeŋat adi, Ta jamaddu kulya ti nyo na tiri ta na? A se gwo ’de gwo ’dan a komorsikan kase metani ko delya. 18a lele lose karin kanyit a Keleopa, pije lepeŋ adi, Do geleŋ i ŋutu, lo mömönuŋdyo Yerusalema yu kulu logon a ko den ŋo na pokin i kilo perok le?
19A nye pije lepeŋat adi, Ŋo a nyo nagon a pokin? A se waddi lepeŋ adi, Ŋo nagon a pokin makune: Yesu lo Najareta logon koju a nebi, a gwe ko riŋit i konesi ko i kulyaesi ko Ŋun i komor se ko i ŋutu liŋ, 20koanejin kaŋ temejik se ko ŋutu kaŋ kaliliyak lokukwon a wukin lepeŋ i ’duŋöki i tatua, a tiŋdi lepeŋ i ’bikiki i ködini na görö.
21Ama yi köju a yeŋdu adi lepeŋ ködyö lo ko lwökuŋdyö Yisaraele. Köti wat kine ŋo liŋ lo gwe a lor tomusala lo kine kulya nagon a pokin kine. 22A kunie ŋutu na gwon kayaŋ i teŋ iŋge tusör yi. Kine ŋutu a dikara i gulöm, 23ama a se tine ryö öpu nanyit, a se yitwene yitwe a kulyani adi, se aje meddya malaikajin i pukökin kase, logon tukökiŋdyö se adi, lepeŋ jörun.
24A kulye kaŋ köti iŋge tu i gulom, a ryeji gwoso nagon ŋutu wate aje kulyari na, ama se a ko met lepeŋ kwöŋ. 25a nye kulyani ko lepeŋat adi, Ta ŋutu lu ’böŋ logon ti yubbö ’de ’de i toilyet ŋo liŋ nagon nebijin koju a jam kune!
26Ti gwon sona le adi, Masia ködyö ŋoŋoŋga kine kulya anyen lupö i pirit na minyo lonyit le? 27Nyena a nye poki i tokurukiŋdyö na se kulya ti Ŋun liŋ na wurö i kulya kanyit, suluja i ŋo na wur Mose se ko nebijin liŋ.
28A nagon se gwe nyona ko ’dur i tur logon se tu kata lu, a nye koŋdi mugun gwoso logon yeŋga ŋerot.
29Ama a se goji lepeŋ adi, Mönuŋdye kayaŋ ni kogwon kak gwe nyona ko sömukö, tuparan aje ’baka. Nyena a nye luponi kadi a mönuŋdye ko lepeŋat yu. 30A nagon nye aje si ’daki kak ko se i pirit na geleŋ i nyesu nu, a nye ’dumuŋdye ambata, a ’boroji ’boroja, a pipiŋdye pipiŋdya, a tiŋdi lepeŋat.
31A konyen kase ŋaji ŋaju, a se iŋge gwulu lepeŋ; a kirut lepeŋ lo liki kase i konyen. 32a se totopine ko ’börik adi, Töilyet kaŋ a kolam le na jambi nye koyi i kiko ko i nyönyökökiŋdyö na yi kulya ti Ŋun na wurö kune nu? 33a se ŋine ki i ŋinu diŋit gwak a yitöni Yerusalema; a se ryeji kajujumuk puök wot geleŋ a momora, se ko ŋutu lo gwon ko lepeŋat kulo, 34a se gwe i jambu adi, MATAT ’diri aje ŋien, ko aje pukökin ko Simona! 35a lepeŋat nyönyöggi ŋo nagon a pukun i kiko, köti ko se gwulu lepeŋ ada na pipiŋdye lepeŋ ambata nu.
Yesu a pukökin ko ŋutu kanyit kajujumuk
(Köti Matayo 28.16-20; Marako 16.14-18; Yoane 20.19-23; Konesi 1.6-8)
36A na nyönyöggi kajujumuk murek kine ŋo nu, a Yesu lepeŋ gwo ’de kase kiden, a kulyani ko se adi, Ti taliŋ gwe ko ta! 37Ama a se iŋge rigwöko a kujönöni kujönö, yeyeju adi se a meddya ködudwö na ŋuto logon a twan. 38A nye pije se adi, Nyo ta böböŋdu? Nyo ta dyadya ’yu i töilyet?
39Gwulu ’yi ta könisi kwe ko mokosi kwe, ŋo lo a nan lepeŋ. ’Bole ta ’bo nan ko gwulu ’yi ta. Ködudwö ’bak lokore ko kuyu gwoso na meddi ta adi nan gwon ko se na. 40a nagon nye aje kulya sona nu, a nye kwekiŋdye lepeŋat könisi kanyit se ko mokosi kanyit. 41A lepeŋat kölumbö nyuŋ ryoni a nago i yubbo adi lepeŋ a nye, kogwon se lyölyöŋön parik, a soŋi soŋu, a kirut lepeŋ pije se adi, Ta gwon ko ŋo lo nyenyei ni? 42A se tiŋdi lepeŋ tupet na sumuti nagon aje pelo. 43a nye ’dumuŋdye ’dumuŋdya a nyesi nye kase i komor.
44A nye kulyani ko se adi, Nan koju a takin ta na gwoŋdi nan ko ta nu, adi, ŋo liŋ nagon aje wurö i Saresi ti Mose, ko i ŋo na wur nebijin ko i Saumajin kune agu ködyö kokona, nyena ŋo na kulyari nan ko ta köju kune sekune.
45A kirut nye tuŋauŋdye yeyeesi kase anyen kukurun kulya ti Ŋun nagon a wuro kune; 46a nye kulyani ko se adi, A wuro sona adi, Masia agu ködyö ŋoŋoŋga, a ŋine ŋien i twan i perok musala, 47anyen ŋutu ködyo tokuoddu i karin kanyit i jurön liŋ suluja Yerusalema adi, ti ŋutu liŋ löpuŋge toilyet anyen toronjin kase pipitoki. 48ja a met kine kulya liŋ, ta lo tokoŋ se.
49 #
Kon 1.4
Nyenagon mete ta, nan de susunyukin ta ŋo nagon Baba a ruk tiŋdu na; ama ta ködyö möŋdu köji kata tojo ko ta a töjupu ko riŋit na po ki.
Yesu a ’depaji ki
(Köti Marako 16.19-20; Konesi 1.9-11)
50 #
Kon 1.9-11
A Yesu nyömöddi lepeŋat nyona ko Betania, a nye ’doggi könisi kanyit ki a ’boroji se. 51A nagon nye nyuŋ ’bo ’boroja lepeŋat nu, a nye kö ’yi na lepeŋ, a se yitöni Yerusalema ko lepeŋat a ’depajine ki yu. 52a se dulalyoŋön a duma; 53a se joŋgi diŋit nasekiŋdye komorsikan kase kak i twoju liŋ i Kadi na Ŋun i pupurja na Ŋun.
നിലവിൽ തിരഞ്ഞെടുത്തിരിക്കുന്നു:
Luka 24: BBE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bari Bible © United Bible Societies, 1979.
