Luka 18
18
Lilim lo karu ’be se ko ka ’duŋönit lo putesi
1A Yesu jamakiŋdye lepeŋ atilim anyen kwekiŋdya adi ti se ködyö gwe ti jaran i momo ’yu na Ŋun, a tine dara. 2A nye kulyani adi, Lele ka ’duŋonit lo putesi köju kata i nene köji, logon ti kujono Ŋun ko ti yeye ŋutu. 3A nene karu ’be köju gwe kata i ŋinu köji, nagon wörö diŋitan liŋ ko lepeŋ yu, a kulyani adi, Liline kulya kaŋ ko miriku liŋ. 4Diŋit a najo ŋilo ka ’duŋonit a renya, ama i mukok a nye kulyani ko mugun adi, Ma ’di nagon nan ti kujönö Ŋun ko ti yeye ŋutu,
5ama kogwon na karu ’be yöyoŋgu nan parik, a nan de lilije kulya kanyit, an nye tudaraju nan parik ko wöro nanyit diŋitan liŋ. 6A MATAT kulyani adi, Yiŋge ta kulyaesi ti ka ’duŋönit loron. 7Nyena Ŋun ŋona mo ti ’duŋokiŋdyö gwogwo kulya ti ŋutu kanyit lo wulwe logon gwigwikin lepeŋ ko tuparan ko tukwaje le? Nye ŋona mo kakarakin i parakiŋdya na se le?
8Nan takiŋdya ta adi, Nye mo ’de ’de ’du ’duŋökin kulya ti lepeŋat gwogwo. Nyenagon ko nan ŋuro lo ŋuto mo popo, nan ŋona mo ryoryö ŋutu logon ko yupet i na kak le?
Lilim lo Parusityo se ko kapepenanit lo usur
9A nye köti jamakiŋdye lo lilim i kulye ŋutu logon yinikiŋdyo ’borik adi se a ŋutu lo rigwo, a lauŋdye kulye ŋutu liŋ. 10Adi, Ŋutu murek a tu i Kadi na Ŋun i kwakwaddu; lele a Parusityo, a lele gwe a kapepenanit lo usur. 11A Parusityo lo gwo ’de gwo ’dan a momo ’yi pupurja mugun adi, A pon Ŋun, tinate ilot kogwon nan ’bayin gwoso kulye ŋutu logon goma ŋo liŋ, kode ŋutu logon ti yiniki, kode kalupok, kode ma ’di gwoso lo kapepenanit lo usur. 12Nan mimiŋdya daŋin murek i jima, nan ’do ’dogga ko swöt topuökit lo ŋo kwe liŋ lo ryo nan kulo. 13Ama a kapepenanit lo usur lo gwo ’de pajo, a tine ’bon ma ’di ’bi ’yu konyen ki, ama a kolumbö joggi kido nanyit, a momo ’yi adi, Pon ŋun, wone konyen ko nan logon a katoronyanit lo. 14#Mat 23.12; Luk 14.11Nan takiŋdya ta adi, Lo ŋuto a tu kanyit mede a ’buruji ko ŋun i komor Iwolwoŋ lele lo; kogwon ŋutu liŋ logon toduma ’yu ’börik kilo mo toto ’dita, ama nye lo to ’diddya mugun lo mo totodumala.
Yesu a ’boroja lupudiet lo ’di ’dik
(Köli Matayo 19.13-15; Marako 10.13-16)
15A ŋutu joŋdi lupudiet logon nyuŋ ’de ’depa kulo ko Yesu ni, anyen lepeŋ böŋo sopakiŋdya konisi kanyit kase loki; a ŋutu kanyit kajujumuk ko meddi, a se riŋge se. 16Ama a Yesu lupundye lupudiet kulo anyen jwe kanyit ni, a kulyani adi, Kolu ta kilo lupudiet ti poŋdi koyö ni, an ta ko teŋ ta lepeŋat; kogwon Tumatyan na Ŋun a na ŋutu logon gwoso kulo lupudiet. 17’Diri nan takiŋdya ta adi, Ko ŋuto a ko ruk sara ko ŋun gwoso na ruŋge lupudi i sara na, a nye mo tine lupö i ŋina tumatyan.
Ŋuto kwörinit
(Köti Matayo 19.16-30; Marako 10.17-31)
18A lele temejiktyo pije Yesu adi, Katodinönit lo ’but; nan kodyö koŋdya nyo anyen wuju ru na yeŋ nyin? 19A Yesu waddi pija lepeŋ adi, Nyo do luŋ nan a lo ’but? Ŋuto ’bayin logon a lo ’but ama ka ’de a Ŋun. 20#Yuö 20.14; Nyö 5.18; Yuö 20.13; Nyö 5.17; Yuö 20.15; Nyö 5.19; Yuö 20.16; Nyö 5.20; Yuö 20.12; Nyö 5.16Do a den Saresi adi, Do kodyö ti lubbö, do ködyo ti tatuja ŋuto; do ködyo ti koko ’ya; do ködyö ti lipikiŋdyö; bule bu munyi kase ŋuti. 21a nye ruŋge adi, Nan aje ’dep kilo saresi liŋ suluja i toteton nio. 22a na yiŋge Yesu kine kulya nu, a nye kulyani ko lepeŋ adi, Do yoŋgi ŋo geleŋ nagon do nyuŋ a ko kon. Tugwore tugwor ŋo kunök liŋ, ko kökoraki i lomerika, a do mo gwe ko tukwörien ki yu, a kirut poŋdi ko kipuŋdye nan. 23Ama a nye ko yiŋge kine kulya, a nye delyani delya, kogwon nye a kwörinit parik. 24a Yesu ko meddi lepeŋ, a kulyani adi, ’Diri a nago i ŋutu kwörinikö i lupö i Tumatyan na Ŋun. 25Gwon polilyö ko kamilo i lupö i dili na libira lwölwöŋ lupö na ŋuto kwörinit i Tumatyan na Ŋun.
26A ŋutu lo yiŋga kulo pije adi, A kirut ŋa logon bubulö lwökö? 27a nye waddi adi, Ŋo nagon ŋutu ti bulo koŋdya kine Ŋun bubulo koŋdya.
28Nyena a Petero kulyani adi, Mete, yi aje ko ’yu midijik kaŋ anyen kebbu do. 29A Yesu kulyani ko lepeŋat adi, ’Diri nan takiŋdya ta adi, ŋuto ’bayin logon aje kö ’yu mede, kode nakwan, kode luŋasirik, kode monye ko ŋote, kode ŋwajik, kogwon kulya ti Tumatyan na Ŋun, 30logon mo ti wuju jore lwölwöŋ kune i na diŋit, a mo wuji ru na yeŋ nyin i diŋit na popo.
Yesu a nyöggu jambu daŋ nene i kulya ti tatua nanyit
(Köti Matayo 20.17-19; Marako 10.32-34)
31A Yesu joŋgi luyökie puök wot murek kulo i swöt, a kulyani ko lepeŋat adi, Mete ta, yi kulo tu Yerusalema, a ŋo liŋ nagon nebijin koju a wur i kulya kwe ti ŋuro lo ŋuto kune mo kokona.
32Kogwon nan mo paki ko Lwaka i könisi, a mo kweniarikin kweniarikin, a mo ’döyöni ’döyö, a yakarikin kamulak; 33a se mo ’biddye nan ko kurubat logon a kwara, a tatuje nan, a i perok musala a nan mo ŋine ŋien i twan.
34Ama a lepeŋat tine kurun nene na kine kulya; a nyonyökit na kine kulya iŋge ’dela kase, a se gwe a ko kurun ŋo na jama kune.
Yesu a toke ’ya ŋuto logon a mo ’doke ko a kaŋoŋoliani
(Köti Matayo 20.29-34; Marako 10.46-52)
35A nagon Yesu gwe nyona ko ’dur Yeriko nu, a lele ŋuto mo ’doke gwe i si ’da i merete lo kiko i ŋoŋolija. 36a na yiŋge lepeŋ lodir lo ŋutu i lwöpöddu nu, a nye pije adi, Ŋinu ŋo a nyo? 37A se takiŋdye lepeŋ adi, Yesu lo Najareta lo lwöpöddu. 38A nye woŋoro ki adi, Yesu! Ŋuro lo Dawidi, wone kanyen ko nan! 39a ŋutu logon woro ŋerot kulu riŋge lepeŋ adi, Yiŋani taliŋ! Ama a nye koti woŋoro ki bia parik adi, Ŋuro lo Dawidi, wone konyen ko nan! 40A Yesu gwo ’de gwo ’dan, a saŋi adi ti ŋuto lo jweni kanyit ni; a nagon nye aje po nyona, a Yesu pije lepeŋ adi, 41Do ’dek ti nan konaki do nyo? A nye waddi adi, Pon matat, böŋö tiki nan i meddya. 42a kirut Yesu kulyani ko lepeŋ adi, Meddi meddya; yupet inot na toke ’ya do. 43a ’de ’de nye meddi meddya, a moraddi ko lepeŋ i kiko pupuraddu Ŋun, A ŋutu liŋ pupurje Ŋun na meddi se kine kulya nu.
നിലവിൽ തിരഞ്ഞെടുത്തിരിക്കുന്നു:
Luka 18: BBE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bari Bible © United Bible Societies, 1979.
