Yoane 2
2
Budu yemet kata Kana yu
1A i lor tomusala lonyit a buduyemet gwe kata Kanana Galilaya, a ŋote Yesu gwe nyu. 2A Yesu se ko nutu kanyit kajujumuk kulo köti iŋge luŋu i budu yemet. 3A nagon binyo aje ’baka nu, a note Yesu kulyani ko lepeŋ adi, Lepeŋat gwe ’bak binyo. 4A Yesu pije adi, Yaŋgo, kulya kunok ada köyö? Diŋit nio a ko nyuŋ po. 5A ŋote takiŋdye koliponök adi, Kone ta kon ŋo nagon lepeŋ de tatakin ta kine ko se a nyo. 6Nyena Yudayaki gwon ko keri lalaet. Ko ŋina kwe mu ’dajin buker kata logon a ŋurupo, logon geleŋ ’buggö jolonyon merya murek kode merya musala.
7A Yesu takiŋdye kölipönök adi, Tojorene ta kilo mu ’dajin ko pioŋ. A se iŋge tojore tojo i kutusen. 8Nyena a nye takiŋdye se adi, Soŋinana ’yilu ta kunie, ko jaki ta duma lo budu. A se iŋge joŋ.
9A duma lo budu waŋgi pioŋ nagon aje towora a binyo kune, a tine den ko jwe ya ama koliponök lo ’yiluŋdya pioŋ kulo a den. Nyena a ŋilo duma luogi kayemanit lo, 10a kulyani ko lepeŋ adi, Yeŋ binyo na pötwör na kora a kokwe, ama i mukok nagon kömu aje memeri nu a binyo na pötö na jweni; ama do aje ’de ’ya binyo na pötwör tojo ko soŋinana. 11ŋo nagon Yesu a kon Kana na Galilaya yu nu a kweyet suluet, a nye kwekiŋdye minyo lonyit nyu; a ŋutu kanyit kajujumuk yubbe lepeŋ.
12 #
Mat 4.13
A i mukok na ŋina, a Yesu se ko Ŋote nanyit, ko luŋasirik, se ko ŋutu kanyit kajujumuk lulurara Kaperanauma, a se si ’dani nyu ko perok ku ’dik.
Yesu a tu i Kadi na Ŋun
(Köti Matayo 21.12-13; Marako 11.15-18; Luka 19.45-46)
13 #
Yuö 12.1-27
A diŋit gwe nyona nagon Yudayaki koŋdi rorwe lo Pasaka, a Yesu iti Yerusalema. 14A lepeŋ ryeji ŋutu i Kadi na Ŋun lukata logon tugwöŋu dwönin, ko köbilu, ko gureki, köti ko ŋutu lo lölöpuggö gurut sisi ’da kase i misajin. 15A Yesu wiwije patala a kurubat, a rikuŋdye se lio kaŋo i Kadi na ŋun i pirit na geleŋ ko köbilu se ko dwönin, a nye sösöpuŋge misajin ti kalöpukök ti gurut, a totoreji gurut kase.
16A nye takiŋdye ŋutu lo tugwöŋu gureki kulo adi, Wusara ta kune Ŋo kaŋo ni; ko kon ta kadi na Baba a pirit gwörit. 17#Sau 69.9A ŋutu kanyit kajujumuk yiyiuŋdye kulyaesi logon a wurö adi, Pusök nio na kadi inot mo totomi nan asut. 18A Yudayaki pije lepeŋ adi, Nan kweyet nagon do kwekwekin yi i koŋdya na kine ŋo? 19#Mat 26.61; 27.40; Mar 14.58; 15.29A Yesu waddi lepeŋat adi, Dukaki ta ŋina kadi na Ŋun kak, a nan mo nyöggi ’duggo i perok musala.
20A Yudayaki kulyani adi, Na kadi aje joŋga kiŋajin merya iŋwan wot buker i ’dukö nanyit, a do kölumbö kulyani adi do bubulö ’duggö nye i perok musala le? 21Ama kadi na ŋun nagon nye jambu kulya kanyit na gwon a mugun nanyit. 22Nyena a nagon Yesu aje ŋien i twan nu, a ŋutu kanyit kajujumuk kulo iŋge yiyiun adi nye köju aje jam kine kulya; a se iŋge yuŋ kulya ti Ŋun na wurö, se ko kulyaesi logon Yesu aje kulyari kulo.
Yesu a den töilyet ti ŋutu liŋ ’bura
23Nyena na gwoŋdi Yesu Yerusalemai rorwe lo Pasaka nu, a ŋutu jore yubbe karin kanyit, na meddi se kweyesi na kon nye kune. 24Ama a Yesu gwe a ko yinikin mugun i lepeŋat, kogwon lepeŋ deden ŋutu liŋ ’bura, 25a nye tine ’dekan lele ŋuto tokurukiŋdyö nye kulya ti ŋutu, kogwon nye ko mugun deden ŋo na gwon ko ŋutu i töilyet kune.
നിലവിൽ തിരഞ്ഞെടുത്തിരിക്കുന്നു:
Yoane 2: BBE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bari Bible © United Bible Societies, 1979.
