Hanana Enjil 2
2
Bag. 2.
1Wide toskittin ugrosir erkene wer dasum Kana Jelildir. Yesuna tinengon mando dasum. 2Yesugon tenna hiranigon ter erkener azmebusan. 3Nebit bajingad Yesuna tinen tekki wetirsum: „Nebit bajsum.“ 4Yesu tekki wetirsum: „Aigon ekkonna jeli minde, wo en? Anna watti elgon takomnum.“ 5Tinen hadamigi wetidirsum: „Irgi wetidirin malegi awwe.“ 6Teddo kuluna barad gorij busan, Yahudichina waduna joro. Wer nutin kube owigi wala toskigi aïnjisum. 7Yesu wetidirsum: „Baradigi essiged eyegirwe.“ Dogor junbokon eyegirsan. 8Wide wetidirsum: „Eleken kasirgi erkenen urro tebilgi tirwe.“ Tirsan. 9Erkenen urro tebil dugergi essi nebitan direbulgi, iyirbukomnum sayerton tasingi. — Ama hadami essigi kaseli iyirbusan. — Erkenen urro tebil erkenekolgi uwe wetirsum: 10„Zol male nebit edi adelgi koyalgi zolin owollo aüskurin, sekroskirangon edi uski atidirin. Ama er edi adelgi kemalbokon mugsum.“
11In ayachina ugudar teran Yesu awsin Kana Jelildir. Wide tenna dulkanegi shehresum. Tenna hiranigon teddo tekked amnesan.
12Terin aharro Kafrinahumgir shugursan, tekkon wide tinengon timbesigon wide tenna hiranigon. Teddogon ugresi werigi kewidsan.
13Yahudichina basagon awt esum. Yesu wide Urushalimgir kujsum. 14Teddo jamar elsum tichigon egedigon wide minechigongi ajanosiligi, wide dugugi asarfeligon teddo agrangi. 15Kurbaj wekki irirton awosirgi wide malegi jomir turosirsum, egedigi, tichigi. Wide asarfelina dugugi bobrossidirsum, tinna tawlachigon obrossidirsum. 16Minechigi ajanosiligi wetidirsum: „Indoton ingugi sokoswe. Wala abona kagi tijarana kagirmenwe!“ 17Tenna hirani jilesan bajbungi: „Enna kana girad aigi kalossum.“ 18Yahudichi widegir tekki wetirsan: „Aya edi saïgi argi amnosir er ingi aawin?“ 19Yesu widegir tirgi wetidirsum: „In jamagi borkidoswe. Aigon wide ugros toskir bigoiri.“ 20Yahudichi wesan: „Jen erbein gorjir in jama goitakkisum. Er ugros toskir bigoina?“ 21Ama ter tenna jitana jamagi awesum. 22Diarroton imbolossinn aharro tenna hirani in weregi timesingi jilergi, kitabked wide Yesuna wereged amnesan.
23Urushalimir dasinna wagtigi, basana korer, tenn eriged digrichi weri amnesan, ayachi ter awsingi nalossann agabir. 24Ama Yesu tennewertir tirged amn ekomnum, mine tir malegi ter iyirbusinged, 25wide ter zol werna shehadagi hajebumensinged. Ter tennewertir iyirbusum tiddeton wer nutinder darelgi.
നിലവിൽ തിരഞ്ഞെടുത്തിരിക്കുന്നു:
Hanana Enjil 2: XNZ1912
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1912.
