Gẹnẹsisi 6
6
1E so wá jọ, whenuena gbẹtọ sè susudeji to aigba ji, bọ yè sọ to viyọnnu ji hlan yé, 2bọ visunnu Jiwheyẹwhe tọn lẹ sọ mọ viyọnnu gbẹtọ ton lẹ dọ yé yọ̀nwhanpẹ; bọ yé sọ mọ asi na yéde sọn enẹ he yé dè lẹpo mẹ.
3OKLUNỌ sọ dọmọ, Gbigbọ ṣie ma na nò gbẹtọ mẹ dli gba, na séngbigbà yetọn wutu agbasalàn wẹ ewọ ga; podọ mọ azán etọn lẹ na yín owhè kantọ̀n.
4Nẹfilimi lẹ tin to aihọn mẹ to azán nẹlẹ mẹ; podọ to enẹgodo ga, whenuena visunnu Jiwheyẹwhe tọn lẹ sọ biọ họme yì viyọnnu gbẹtọ tọn lẹ de, bọ yé sọ jivi na yé: ehelẹ wẹ yín megángán he tin to hóhówhenu, sunnu he diyín lẹ.
5OKLUNỌ sọ mọ kanyinylan gbẹtọ tọn sugbahú to aigba mẹ, podọ ayilinlẹn ayiha etọn mẹ tọn lẹpo oylan dódo wẹ to whepoponu. 6E sọ diọ linlẹn na OKLUNỌ dọ é ko basi gbẹtọ do aigba lọ go, é sọ doadi nẹ̃ to ayiha etọn mẹ. 7OKLUNỌ sọ domọ, Yẹn na gbidi gbẹtọ he yẹn ko dá sọn aigba ji; gbẹtọ, po whékanlin po, po onú he to linlin lẹ po, po ohè he to aga lẹ po, na é diọ linlẹn na mi do yẹn ko basi yé. 8Ṣigba Noa mọ hukundagbe to nukun Jiwheyẹwhe tọn mẹ.
9Ehelẹ wẹ whẹndo Noa tọn: Noa yín dódónọ bo pó to whẹndo etọn le mẹ: Noa sọ zinzọnlin hẹ Jiwheyẹwhe. 10Noa sọ ji visunnu atọ̀n, Sẹm, Ham, po Jafẹti po. 11Aigba sọ gble to Jiwheyẹwhe nukọn, aihọn sọ gọ̀na adingbàndido. 12Jiwheyẹwhe sọ hùn nukun pọ́n aigba, dayi e go, é gble; na nútẹgbè lẹpo ko hẹn aliho yetọn gble to aigba mẹ.
13Jiwheyẹwhe sọ dọ hlan Noa, dọmọ, Opòdo nútẹgbè lẹpo tọn ko wá nukọn ṣie; na aigba go na adingbàndido gbon dali yetọn; bo dayi e go, yẹn na gbidi yé po aigba po. 14Hiẹ ni yí atin gofa tọn do basi aki de, ohònu lẹ wẹ hiẹ na gbò do aki lọ me, bo sọ sá osẹ́n do e to homẹ po gbonu po. 15Ehe wẹ hunkọ he hiẹ na basi i do: tedidi aki lọ tọn na yín awagba fọdekanwèko, gbigblo etọn awàgba kandeao, podọ jiyìyì etọn awàgba ogbàn. 16Ohòta wẹ hiẹ na basi do aki lọ go, awàgba dopo wẹ hiẹ: nido dotana yé to aga; adàmẹ wẹ hiẹ na yí ohòn aki lọ tọn do: hẹ odotọn, awetọ, po atontọ aga tọn po wẹ hiẹ na basi i. 17Podọ yẹn, dayi e go, yẹn hẹn gigọ osìn lẹ tọn lọ ja aigba ji, nado gbidi nutegbè lepo, ehe mẹ gbọfufu ogbè tọn te lẹ sọn olọn glọ; onu he sọ tin to aigba ji lepo wẹ na ku. 18Ṣigba yẹn na hẹn alènu ṣie lódo to de we; hiẹ nasọ wa biọ aki lọ mẹ, hiẹ po visunnu towe lẹ po, po asi towe po, po asi visunnu towe lẹ tọn lẹ po hẹ we. 19Podọ sọn onú gbète dopodopo nútẹgbè lẹpo tọn mẹ whékaniin hunkọ doponẹ awe-awe wẹ hiẹ na yí biọ aki lọ mẹ, nado whlẹn yé dgbè hẹ we; asú po asi po wẹ yé ni yín. 20To ohè le mẹ kẹdedi yetọn, to whèkanlin lẹ mẹ kẹdẹdi yetọn, onú he nọ lìn to aigba lẹpo mẹ kẹdẹdi yetọn, awe-awe to yé mẹpo mẹ na wá de we nado whlen yé dogbè. 21Hiẹ nasọ yí to nùdúdù yè nọ dù lẹpo mẹ, bo nasọ bé yé pli do de we; é nasọ yin núdùdù na hiẹ po yé po.
22Mowẹ Noa sọ basi; kẹdẹdi enẹ he Jiwheyẹwhe ko degbèna ẹn lẹpo; mọwẹ é basi do.
നിലവിൽ തിരഞ്ഞെടുത്തിരിക്കുന്നു:
Gẹnẹsisi 6: BWL23
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Holy Bible in Gun-Alada © Bible Society of Benin and Bible Society of Nigeria, 1923.
