Ohuchaaka 9
9
Endagaano ya Nasaae neende Nowa
1 #
Huc 1:28. Nasaae yaberesa Nowa neende abaana bae ehabi n'aboola ati, “Mwiibulane mwiingiye, mube abaangi hu syaalo. 2Buli sisolo syoosi esiri hu syaalo neende buli yoni libburuha lyoosi, neende buli biindu byambaaka hu loba byoosi, neende buli ng'eeni yomu maachi yoosi bichia ohuhutiichanga; haandi niiwe ochia ohubitukaanga. 3Bulaanu munyala ohubilya, alala neende ebimera byohu syaalo; mbabereese ebiindu byoosi bibecheenge ebyohulya byeeng'we. 4#Lef 7:26,27; 17:10-14; 19:26; Amal 12:16,23; 15:23.Ohutusaho mutalichaanga enyama yirimo amabaanga. 5Nae omuundu yeesi niyeeta omuundu, mubwadyeeri bweene achia ohusaandisibwaanga. Njia ohusaandya esisolo syoosi esiita omuundu. 6#Hut 20:13; Huc 1:26.Olwohuba abaandu baloongwa mu fwaani ya Nasaae, mani oyo yeesi owiita omuundu, yesi achia ohwiitwaangwa neende omuundu wuundi. 7#Huc 1:28.Nae eng'we, mwiibulane mwiingiye, abeechuhulu beeng'we bamenye mu syaalo syoosi.”
8Nasaae yaboolera Nowa neende abaana bae ati, 9“Bone, mbao holere endagaano naang'we, neende abeechuhulu beeng'we, 10alala neende buli siloonge silamu esiri naang'we, amayoni koosi neende ebyaayo byoosi, neende buli siindu syoosi esyatula naang'we mu lyaato. 11Hola endagaano naang'we. Ndeechuba endi haba siinjia ohusihirisa haandi ebiindu bilamu byoosi neende amaachi ehabi liindi, haandi amaachi k'ofwomboole haba sikachia ohusihirisa esyaalo ehabi liindi.” 12Nasaae haandi yaboola ati, “Sino nisyo esilolero sy'endagaano yi hola naang'we, neende buli siloonge silamu syoosi. 13Mbao ndaao oluyiingi lwaange mu maleesi, nilwo oluchia ohuba esilolero sy'endagaano akatikaati waange neende esyaalo. 14Nindaleetaanga amaleesi hu syaalo mani oluyiingi lwabonehanaanga mu maleesi 15njia ohwiichulisaanga endagaano yaange akatikaati waange naang'we, neende buli siloonge silamu siri hu syaalo. Haandi endi amaachi k'ofwomboole haba sikachia husihirisaanga ebiindu bilamu byoosi daawe. 16Oluyiingi nilunabonehanaanga mu maleesi, njia ohulutingaalangaho mani njichuliseenge endagaano yitaakama akatikaati waange neende buli siloonge silamu syoosi esiri hu syaalo.” 17Nasaae yaboolera Nowa ati, “Sino nisyo esilolero sy'endagaano yi ndeereo akatikaati waange neende buli siindu syoosi esiri hu syaalo.”
Nowa neende abaana bae
18Abaana ba Nowa abatula mu lyaato nibo: Seemu, Haamu, neende Yafeesi. (Haamu niye laatang'ene Kanani.) 19Abaana badatu ba Nowa bano nibo bakuukaang'ene baandu boosi abali hu syaalo huno.
20Nowa yali omulimi haandi niye omuundu wataangira ohutaaka emisabbiibbu. 21Nae oludaalo luundi yaang'wa efiini yameera, yeeyalisa syeekenye mu yeema lyae. 22Haamu laatang'ene Kanani niyabona laatang'ene naali syeekenye, yaboolera bamwaanang'ina babiri abali erwaanyi. 23Seemu neende Yafeesi babukula engubo baayita hu mabeka kaabwe, mani baakeenda nibakobolera emukoongo baachia babwiiha hu saabwe wali syeekenye. Bachia nibalanguule ebuleka bahaya ohubona saabwe naali syeekenye. 24Nowa niyeecha yaaba omwaaywe, yamanya esiindu si mwaana wae muyere yamuhola, 25mani yaboola ati,
“Kanani abwaabirwe;
achia ohuba omuwaambe wa bamwaanang'ina.”
26Haandi yaboola ati,
“Lehe Omwaami Nasaae waange aberese Seemu ehabi
haandi leha Kanani abe omuwaambe wae.
27Leha Nasaae yeengiye olwiibulo lwa Yafeesi,
haandi leha amenyeenge mu mayeema ka Seemu;
haandi leha Kanani abe omuwaambe wae.”
28Amaachi k'ofwomboole nikahama, Nowa yayiindira ohumala emyaaka emia chidatu neende amahumi kataanu (350) 29mani yaafwa naali neende emyaaka emia chitaanu-na-chine neende amahumi kataanu (950).
നിലവിൽ തിരഞ്ഞെടുത്തിരിക്കുന്നു:
Ohuchaaka 9: SAMIA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Bible Society of Kenya, 2019
©Bible Society of Uganda, 2019
