Mavambo Zviri mubhuku rino
Zviri mubhuku rino
Mavambo kana kuti Genesisi ndiro bhuku rokutanga romuBhaibhiri rinotaura matangiro akaita zvinhu. Ndimo matinotaurirwa masikirwo akaitwa denga napasi namatangiro akaita vanhu kuti vavepo. Rinotiudzawo mapindiro akaita chitadzo muvanhu nokupfukirwa kwakaita vanhu nechitadzo ichocho. Rinotiudzawo mabatiro anoita Mwari munhu. Bhuku raMavambo iri rinogona kupatsanurwa muzvikamu zviviri:
1. Chitsauko 1–11 Chikamu chokutanga chinobvira pachitsauko chokutanga kusvikira panoperera chitsauko chegumi nechiposhi. Muchikamu ichochi munorondedzerwa nyaya dzokusikwa kwakaitwa denga napasi nokusikwa kwezvinhu zvose nenhoroondo dzokutanga kwerudzi rwavanhu vokutanga. Ndimo mune nyaya yaAdhamu naEvha uye yaKaini naAbhero kouya nyaya yaNowa kozoti nyaya yeShongwe yokuBhabheri.
2. Chitsauko Chikamu 12—50. chechipiri chinotangira pachitsauko chegumi nechipiri kusvikira panogumira chitsauko chechimakumi mashanu. Chikamu ichochi chinotaura nezvamadzitateguru avaIsiraeri, Abhurahamu naIsaki naJakobho (wacho ane zita rokuti Isiraeri.)
Aya ndiwo mamiriro akaita bhuku raMavambo
Kusikwa kwedenga napasi nokusikwa kwavanhu (1:1—2:25)
Kupinda kwakaita chitadzo muvanhu nenhamo yachakauyisa (3:1–24)
Kubva kuna Adhamu kusvikira kuna Nowa (4:1—5:32)
Mafashamo emvura yenguva yaNowa (6:1—10:32)
Kupesaniswa kwendimi dzavanhu paShongwe yeBhabheri (11:1–9)
Nhoroondo yokubva pana Shemu kusvikira pana Abhurahamu (11:10–32)
Madzitateguru avaIsiraeri, Abhurahamu naIsaki naJakobho (12:1—35:29)
Zvizvarwa zvokwaEsau (36:1–43)
Josefi navakoma vake (37:1—45:28)
VaIsiraeri vari muIjipiti (46:1—50:26)
നിലവിൽ തിരഞ്ഞെടുത്തിരിക്കുന്നു:
Mavambo Zviri mubhuku rino: SCLB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Shona Common Language Bible © Bible Society of Zimbabwe, 2008.