GENESIS 1
1
Ti Aramid ti Dios a Namarsua.
1Idi #Sal. 136:5. Juan 1:1-3. Col. 1:16, 17. Heb. 1:10; 11:3.punganay ti Dios pinarsuana dagiti langlangit ken ti daga.
2Ket ti daga adda idi a gosogoso ken #Jer. 4:23.awan nagyan; ket dagiti sipnget addada idi iti rabao ti yuyeng: ket ti Espiritu ti Dios nagtignay iti rabao dagiti dandanum.
3Ket ti Dios kinunana, #2 Cor. 4:6.Adda coma lawag: ket nagadda ti lawag.
4Ket ti Dios nakitana a ti lawag naimbag: ket inlasin ti Dios ti lawag cadagiti sipnget.
5Ket ti Dios ninaganna ti lawag aldaw, ket dagiti sipnget ninagananna ti rabii. Ket naadda ti malem ken ti bigat, maysa nga aldaw.
6Ket ti Dios kinunana, adda coma maysa a tangatang iti tengnga dagiti dandanum, a pagsisinaan dagiti dandanum cadagiti dandanum.
7Ket ti Dios inaramidna ti tangatang, ket insinana dagiti danum nga adda iti baba ti tangatang, cadagiti danum nga adda iti rabaw ti tangatang: ket naaramid a casta.
8Ket ti Dios ninaganna, ti tangatang, Langit. Ket naadda ti malem ken ti bigat, aldaw a maicadua.
9Ket ti Dios kinunana, #2 Ped. 3:5.mapagtitipon coma dagiti danum nga adda iti baba dagiti langit iti maysa a disso, ket agparang coma ti daga a namaga: ket naaramid a casta.
10Ket ti Dios ninagananna ti namaga, Daga ket ti nacatiponan dagiti danum ninagananna Tataaw: ket ti Dios nakitana a nasayaatda,
11Ket ti Dios kinunana, Patuboen coma ti daga ti root, mulmula nga adda bukelda ken caycayo nga agbunga nga ti bukelda adda cadacuada cas iti casisigudda, iti rabaw ti daga: ket naaramid a casta.
12Ket pinataud ti daga ti root, mulmula nga addaan bukel a mayannatup iti casisigudda, ken caycayo nga agbunga a ti bukel adda cadacuada cas ti casisigudda: ket ti Dios nakitana a nasayaatda.
13Ket naadda ti malem ken ti bigat, aldaw a maicatlo.
14Ket ti Dios kinunana, Adda coma dagiti silsilaw iti tangatang dagiti langit tapno aglasin ti aldaw ken ti rabii: ket maipaayda coma a cas pagilaslasinan, ken panpanawen, al-aldaw, ken tawtawen:
15Ket maipaayda coma a silsilaw iti tangatang dagiti langit a manglawag iti daga: ket naaramid a casta.
16Ket ti #Sal. 136:7-9.Dios inaramidna dagiti dua a silsilaw a dadackel: ti silaw a dacdackel tapno aggundaway iti aldaw, ket ti silaw a basbassit tapno aggundaway iti rabii: inaramidna met dagiti bitbitwen.
17Ket ti Dios insaadna ida iti tangatang dagiti langit, tapno lawaganda ti rabaw ti daga,
18 #
Jer. 31:35. Ken tapno aggundaway iti aldaw ken iti rabii, ken tapno aglasin ti lawag ken sipnget: ket ti Dios nakitana a nasayaatda.
19Ket naadda ti malem ken ti bigat, aldaw a maicapat.
20Ket ti Dios kinunana agpangen coma cadagiti dandanum dagiti parsua a nabiag ken agtayab dagiti tumatayab iti ngato ti daga iti tangatang dagiti langit.
21Ket ti Dios #Sal. 104:26.pinarsuana dagiti dadackel nga animal ti taaw ken isu-amin a kita a nabiag nga aggaraw a nagpangenda cas ti casisigudda cadagiti danum, ken amin a tumatayab a nagpayac cas iti casisigudda; ket ti Dios nakitana a nasayaatda.
22Ket ti Dios binendicionanna ida a cunana, #Gen. 8:17; 9:1.Agbungacayo coma ket agaducayo, ket punnoenyo dagiti danum dagiti taaw, ket dagiti tumatayab agaduda coma iti daga.
23Ket naadda ti malem ken ti bigat, aldaw a maicalima.
24Ket ti Dios kinunana, Patauden coma ti daga dagiti parsua a nabiag cas iti cakikitada, an-animal, ken agcarcarayam ken agcacarungsot iti daga cas iti cakikitada: ket naaramid a casta.
25Ket ti Dios inaramidna dagiti agcacarungsot iti daga cas iti casisigudda, ken an-animal, cas iti cakikitada, ken isu-amin nga aguy-uyas iti daga cas iti casisigudda: ket ti Dios nakitana a nasayaatda.
26Ket ti Dios kinunana, #Gen. 5:1; 9:6. 1 Cor. 11:7. Efe. 4:24. Col. 3:10. Sant. 3:9.Aramidentayo coma ti tao iti ladawantayo, cas caaspingtayo: #Gen. 9:2. Sal. 8:6.ket iturayanda coma dagiti ic-ican ti taaw, ken dagiti tumatayab cadagiti langit ken dagiti an-animal, ken ti amin a daga, ken dagiti amin nga agcarcarayam nga aguy-uyas iti rabaw ti daga.
27Ket ti Dios pinarsuana ti tao a caladawanna met laeng, iti ladawan ti Dios pinarsuana; pinarsuana ida a #Gen. 5:2. Mal. 2:15. Mat. 19:4. Mar. 10:6.lalaki ken babai.
28 #
Gen. 9:1. Ket ti Dios binendicionanna ida, ket ti Dios kinunana cadacuada, Agbungacayo, ket agaducayo, ket punnoenyo ti daga, agbalincayo nga Appo kencuana; ket iturayanyo dagiti ican ti taaw, ken dagiti tumatayab cadagiti langit, ken amin nga parsua a sibibiag nga aggaraw iti rabaw ti daga.
29Ket ti Dios kinunana, Adtoy, iniccancayo iti isu-amin a roroot nga addan bukel, nga adda iti rabaw ti amin a daga: ken isu-amin a cayo nga addaan bunga nga agpataud ti bin-i; maipaaydanto a #Gen. 9:3. Sal. 104:14.canenyo.
30 #
Sal. 145:15; 147:9. Ken cadagiti isu-amin nga an-animal iti daga, #Job 39:3.ken amin a tumatayab iti langit, ken amin nga aggaraw iti rabaw ti daga nga addaan biag, maipaay coma cadacuada a canenda ti amin a nalasbang a root: ket naaramid a casta.
31Ket #1 Tim. 4:4.ti Dios nakitana amin nga inaramidna, ket, adtoy, nasayaatda unay. Ket naadda ti malem ken ti bigat, aldaw a maicanem.
നിലവിൽ തിരഞ്ഞെടുത്തിരിക്കുന്നു:
GENESIS 1: TB1973
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Ti Biblia © 1973 Philippine Bible Society
