Cäk 10
10
Käu de Wɛ̈ɛ̈t ke Nowa
(1 Lëk 1:6-23)
1Kakë ee käu de wɛ̈ɛ̈t ke Nowa, yï Cem kekë Ɣam, ku Japeth. Ku keek kedhie kadiäk, aake cï dhiëth ë mïth në amool cök.
2Ku mïth ke Japeth ee yï Gɔmer kekë Magɔk, ku Madai, ku Yaban, ku Tubal, ku Micek, ku Tirath. 3Ku käu de Gɔmer ee yï Acekenadh kekë Ripath, ku Togama. 4Ku käu de Yaban ee kek aye kɔc ke Eliica, ku Tarcic, ku Kitim ku Dodanim. 5Kek aye kuarken ë kɔc rɛ̈ɛ̈r në wɛ̈ɛ̈r yɔu, ku kɔc rɛ̈ɛ̈r në tuööriic. Kakë ee kek ee käu de Japeth, aake rɛ̈ɛ̈r ë ke ye juöör tɛkiic pinyden, në thookken, ku bɛ̈iken.
6Ku mïth ke Ɣam ee yï Kuc kekë Rip, ku Libya, ku Kanaan. 7Käu de Kuc ee yï Theba kekë Ɣabila, ku Thapta, ku Raama, ku Thabteka. Ku käu de Raama ee yï Ceba kekë Dedan. 8Ku Kuc ade nɔm wëndɛn cɔl Nimrɔt. Ku Nimrɔt yen aaye jön riil töŋ ë kɔn tɔ̈u ë piny nɔm. 9Ku aaye yiëm dïït cï leec, në luɔi ë cï Bɛ̈nydït ye kuɔny. Go kääŋ aa thɔ̈ɔ̈th an, “Yïn bï Bɛ̈nydït tɔ ee yiëm ril cït Nimrɔt.” 10Ɣɔn tueŋ gɔl ë ciɛɛŋde rɔt, aa cieŋ Babel kekë Eerek, ku Akat. Ku wuötkë kedhie kadiäk, anukï piny ë Babilonia. 11Ku ëtɛ̈ɛ̈n, ë bɛ̈n lɔ Athiriya, ku lee Ninebe yïk kekë Riɣoboth Yir, ku Kala. 12Ku Rethen në kaam de Ninebe kekë Kala, yen aye pänydït.
13Käu de Rip ee yï Ludia kekë Anamim, ku Laɣaibim, ku Naptuɣim, 14ku Pathruthim ku Kathluɣim ee yen ade kɔc ke Pilithiin, ku Kaptorim.#10:14: Këcïgɔ̈ɔ̈r ku de Keret...kuat; Ɣeberuu tën ë bïï kuat de Pilithiin ku Keret.
15Ku Kanaan aa kaai në wëndɛn Thidon, ku lɔ Ɣeth. 16Ku mïth ke Kanaan kek ade kɔckɛn cɔl Jebuth, ku Amor, ku Girgac, 17ku Ɣib ku Arek, ku Thin, 18ku kɔc ke Arabad, ku Dhemar, ku kɔc ke Ɣamath. Ku dhiëën juëc yiic ke kɔc ke Kanaan aake cï thiëi ë piny nɔm, 19ke ke ye juöör tɛkiic. Agokï nïïm ɣet Jiraar, agut cï paan cɔl Gadha, gɔl thok në Thidon nu të lɔ wöuwic. Ku në baŋ të lɔ aköl amiäk aɣet Thɔdom kekë Gomoora, ku Adma, ku Dheboyim agut cï Laca. 20Kakë kek aye käu de Ɣam në bɛ̈iken, ku thookken, ku në piinyken, ku juöörken ke ke tɛkiic.
21Cem, wëndït në Japeth, yen aye kuɛɛrë kɔc ke Ɣeberuu ëbɛ̈n. Ku yen ayadäŋ, acï mïth dhiëëth. 22Mïth ke Cem ee yï Elam kekë Acuur ku Arapakad, ku Lud, ku Aram. 23Käu de Aram ee yï Udh, kekë Ɣul, ku Gither ku Micek. 24Ago Arapakad wëndɛn Cila dhiëëth, go Cila Eber dhiëëth. 25Ku Eber aa dhiëth mïthwät kaarou, wën tök acɔl Pelek#10:25: Pelek: Rinkë në Ɣeberuu acït “puɔ̈k.” (të puk ë yeyic ka ee puɔ̈k) në luɔi ë cï piny bɛ̈n tekic në akööl ë dhiëëthë yen. Ku rin ke mänhë acɔl ke Jɔktan. 26Ku käu de Jɔktan ee kek aye kɔc ke Almodat kekë Cilep, ku Ɣadhamapeth, ku Jira, 27ku Ɣadoram ku Yudhal, ku Dikla, 28ku Obal, ku Abimayɛl, ku Ceba, 29ku Opir, ku Ɣabila, ku Jobap. Mïthkë kedhie, ayek mïth ke Jɔktan. 30Ku pinydɛn ë cieŋkï agɔl rɔt në të cɔl Meca, alɔ gut të cɔl Thipar, në piny ë kuur kɔ̈u të lɔ aköl amiäk. 31Ku kakë kek aye käu de Cem në bɛ̈iken, ku thookken, ku piinyken, ku juöörken.
32Kɔckë kedhie kek aye ɣööt ke käu de Nowa, në juöörken, ku kuarken. Kɔc ke piny nɔm kedhie, aake bɔ̈ në mïth ke Nowa në amool cök.
നിലവിൽ തിരഞ്ഞെടുത്തിരിക്കുന്നു:
Cäk 10: dip-JPB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Bible in Jieeng de Padang © The Bible Society in South Sudan, 2011.
