GENESIS 5
5
Adam Thlâk
(1 Chr 1.1-4)
1Hi hi Adam thlâk tla chu asi: Pathian nih minung a siam liauah amah bang cho hen a siam. 2Mipa leh Nunau a siam na le, mal a sâwm na le, “Minung” ti hen min a sak na. 3Adam chu kum 130 a tling hen amah bang lek hen fapa a nei le, a min ah Seth a sak. 4Chu nûnah chun Adam chu kum 800 a dam nawlh. Fa dang tla a nei le, 5chun kum 930 a tling ah a thi rawh.
6Seth chu kum 105 a tling liauah fapa Enos a nei le, 7chun kum 807 dang a dam nawlh. Fa dang tla a nei le, 8kum 912 asi liauah a thi.
9Enos kum 90 a tling hen fapa Kenan a nei. 10Chu nûnah kum 815 dang a dam. Fa dang tla a nei le, 11chun kum 905 asi liauah a thi rawh.
12Kenan nih kum 70 a tling ah fapa pakhat Mahalalel a nei. 13Chun, kum 840 dang a dam nawlh. Fa dang tla a nei le, 14chun kum 910 a tling ah a thi rawh.
15Mahalalel chu kum 65 asi ah fapa pakhat Jared a nei le, 16kum 830 dang a dam nawlh. Fa dang tla a nei le, 17kum 895 asi ah a thi rawh.
18Jared chu kum 162 a si ah fapa Enok a nei le, 19chun kum 800 dang a dam nawlh. Fa dang tla a nei le, 20kum 962 asi ah a thi rawh.
21Enok chu Kum 65 asi ah fapa pakhat Methusel a ring. 22Chu nûnah chun Enok chu kum 300 ding Pathian hen anna kâwm le, fa dang tla a nei. 23Kum 365 tiang a dam. 24A dam kar chu Pathian hen kawmhnâk ah a mang, churawhchun Pathian nih a lâk ving ruangah muh kho asi lo rawh.
25Methusel chu kum 187 asi ah Lamek a nei, 26Chu nûnah kum 782 dang a dam nawlh. Fa dang tla a nei le, 27Kum 969 asi ah a thi.
28Lamek chu kum 182 asi liauah fapa a nei, 29“Hi fa nih hin Pathian siatbarh tual lakah hamh tak hen rian kan ṭuan mi chu thawsuaknâk hawng kan pêk lai rawh,” a ti le, churawhchun a min ah Noa a sak. 30Lamek chu kum 595 dang a dam nawlh le, fa dang tla a nei le, 31Kum 777 asi ah a thi rawh.
32Noa kum 500 a tling nûnah fapa pathum a nei le, Sem, Ham leh Japhet.
നിലവിൽ തിരഞ്ഞെടുത്തിരിക്കുന്നു:
GENESIS 5: BCLBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fml.png&w=128&q=75)
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bawm Common Language Bible © Bangladesh Bible Society, 2004. All rights reserved.