MATHAI 21
21
Jerusalem a gualjou a lutna
(Mrk. 11.1-11; Luk. 19.28-40; Jhn. 12.12-19)
1Tualeh Jerusalem khua atun ding kuan un, Olive mual a Bethphage khua a hungtun un, Jesu`n a nungjuite nih asawl a 2akiang uah: “Na mai ua khua ah vapai unla, sabiltung kikhih anou tawh na vamu ding uhi. Sut unla ka kiangah hungkai un. 3Tualeh mi kuapeuhin na kiang ua banghiam agenleh, ‘Toupa`n apawimoh a ahi chi un’; tuachi`n aman ahungsawl pai ding,” achi hi.
4Hihte tengteng Jawlnei kam a gensa ahung tuntheihna dingin ahi:
5“En un,
na kumpipa uh ki ngiamkhiat tak in!
sabiltung tung ah,
sabiltung nou tung ah tuang in na kiang ah a hungpai chi`n zion tanu hilh in,”
achih.
6Tuachi`n nungjuite avapai ua, Jesu`n akiang ua thu apiak bangbang in avabawlta ua: 7Sabiltung leh anou a hungkaita ua, atung ah apuante uh aphah ua, atung ah Jesu atuang sakta ua. 8Tualeh mipi lak a tamjawte`n apuante uh lampi ah aphah ua. 9Tuachi`n mipi a mailam a paite leh a nunglam a paite`n, “David Tapa kiang ah, Hosanna! Toupa min a hungpaite ahampha uhi! Tungnung pen ah Hosanna!” chi`n a awng juajua uhi.
10Tualeh Jerusalem khuasung alut takin, “Hihpa kua ahia?” chi`n a khuajangpi un akiling hial ua.
11Tuachi`n mipite`n, “Hihpa Jawlnei Jesu Galili gam a Nazareth khua a mi ahi,” achi uhi.
Jesu`n tempul a suksiangna
(Mrk. 11.15-19; Luk. 19.45-48; Jhn. 2.13-22)
12Tuachi`n Jesu Pasian tempul ah avalut a, tempul sung a van juakte leh aleite jousiah a hawlkhia a, dangka khekte dohkan leh palva juakte touna a sawnpuksak hi, 13aman akiang uah, “Ka inn thumna inn achi ding uh, chih gelh ahi; hinanleh nou suamhatte kulh in nabawl uh!” achi hi. #Isa. 56.7; Jere. 7.11.
14Tuachi`n Pasian tempul ah mittawte leh kengbaite a kiangah a hungpai ua, aman ana damsak hi. 15Hinanleh siampite leh laigelhmite`n a sillamdang bawlte leh tempul a, “David Tapa Hosanna, chia kikoute amuhtak un aheh mahmah ua!” 16A kiangah, “Hihte`n bang ahia agen uh naja ei?” achi ua,
Jesu`n akiang uah, “Jamah ing, ‘Naungekte leh nawi nelaite kam a pawt in pahtawina na hihkimta, chih simkhalou nahi uh hiam?’ ” achi hi. #Psa. 8.2 (LXX).
17Tuachi`n amauh nusia in khuapi a pat apawt a, Bethani ah apai a huasan ah agiakta hi.
Jesu`n thei kung atai
(Mrk. 11.12-14,20-24)
18Tualeh ajingni a, khuapi lama a kilehkik in, agil ahung khialta a. 19Lampi gei ah theipi kung amu a, abul a avapai leh, ateh chihlouh ngal bangmah amukei a. Tuatakin theipi kung kiangah, “Kumtawn in nagah nawn kei in!” achi a. Tuatakin theipi kung avulpai hi.
20Tualeh nungjuite`n hih amuhtak un, “Bang chidan ahia theipi kung avulpai in?” chi`n lamdang asa mahmah ua.
21Tuachi`n Jesu`n adawng a akiang uah, “Adiktak in kung hilh ahi, ginna naneih ua naginlelh kei uleh theipi tung a bawl bang guak nabawl kei ding uh a, hinanleh hih mual kiangah zong, ‘Kisuan inla, tuipi ah kipai in chile uchin,’ na chihbang un ahung om ding hi. #Mat. 17.20; 1 Kor. 13.2. 22Tualeh sil khatpeuh gingta tak a na thum uleh namu ding uhi,” achi hi.
Jesu thuneihna tung a dokna
(Mrk. 11.27-33; Luk. 20.1-8)
23Tualeh amah tempul a lut a thu ahilhlaitak in, siampute leh vantang upate a hungpai ua a kiangah, “Kua thu in ahia hihbang silte nabawl? Kuan hihbang thuneihna nang hungpia ahia?” achi ua.
24Hinanleh Jesu`n a dawng a akiang uah, “Ken zong thukhat kung dong ding a; nung hilh uleh ken zong kua thu in ahia hihbang sil kabawl kung hilh ding. 25Johan baptisma hih khoia hung kipan ahia: van a kipan maw, ahihkeileh mihing a kipan maw?” achi a, adong a.
Aki ngaihtuah ua, “ ‘Van a kipan,’ chileilah, ‘achihleh bangding a gingtalou?’ Hung chi ding a. 26Tualeh, ‘Mihing a kipan,’ chileilah, mipite laujel hang a, mi jousiahin Johan Jawlnei a asim jiak un,” a kichi ua. 27Tuachi`n amau`n Jesu kiangah, “Ka theikei uh,” chi`n adawng ua.
Tuachi`n a man akiang uah, “Ken zong hih kua thu in ahia kabawl chih kung hilh kei ding,” achi hi.
Tapa nih gentehna
28“Hinanleh, nou bang nachi ngaih ua? Mi kuahiam khat in tapa nih anei a; tualeh akhatnapa kiangah a hungpai a, ‘Tapa tuni`n ka grep huan ah nna vasem in,’ achi a. 29Aman adawng a, ‘Ka utkei,’ achi a; hinanleh tomkhat zoh in alungsim akhek a, akuanta hi. 30Tuazoh in anihnapa kiang ah amah a hungpai a tuachimah bangin achi a; tualeh aman adawng a, ‘Pa,’ vakuan ning achi a; hinanleh akuan kei a. 31Amauhgel kuapen in apa deihlam abawl ua le?” achi a.
Amau`n a kiang ah, “Amasa pa in,” achi ua.
Jesu`n akiang uah, “Adiktak in kung hilh ahi: siah dongte leh kijuakte`n Pasian gam ahung lutsan ding uhi. 32Ajiak Johan diktatna lampi kawkmuh dingin na kiang uah ahung paia, amah na gingtakei ua; hinanleh siah dongte leh kijuakte`n amah agingta uhi; tualeh noute`n hih namuh nung un zong amah na gintattheihna ding un na kisik nuam tuankei uhi. #Luk. 3.12; 7.29,30.
Grephuan ngak giloute gentehna
(Mrk. 12.1-12; Luk. 20.9-19)
33“Gentehna dang ngaikhia un, mi kuahiam gamnei khat aom a grep-huan abawl a, dai in a umkimkual a, grep sukna khuk khat atou a, innsang alam a. Tuachi`n grep-huan bawlmite kiangah asa`n in apia a, gamtuam ah ahawhta hi. #Isa. 5.1,2. 34Tualeh agah lak ahun ding kuan in agah lading in a huan ngakte kiangah asilate asawl a. 35Tualeh grep-huan bawlmite`n asilate ana man ua, khat ajep ua, khat athat ua, adang suangin adeng ua. 36Aman asila dang, amasate sang a tamjaw asawl kik a; amauhte tung ah zong huachimah bangin anabawl ua. 37Tuachi`n atawp in, ‘Ka tapa azahtak khading uh chi`n a tapa asawl a.’ 38Hinanleh grep-huan bawlmite`n a tapa amuhtak un, ‘Hihpa gou luahdingpa ahi; hungpai un, ithat ding ua, a gouluah ding i kitan ding uh!’ achi ua. 39Tuachi`n amah aman ua, grep huan pualam ah apai ua, athatta uhi.
40“Huajiakin, grep-huan neipa a hungpai chiangin, grep-huan bawlmite bang alawh dia le?” achi hi.
41Amau`n a kiangah, “Hua migiloute pen gentheitak in a hihmang ding a, a grep-huan pen huanbawltu dang, alawh hun teng a agahte akiang a piajel dingte kiangah asa`n in apia ding,” achi ua.
42“Jesu`n akiang uah: Laisiangthou a,
‘Innlammite suang deihlouh pen,
hua suang penmah aning a suang poimoh pen ahung hita;
hihpen Toupa bawl ahi,
i mitmuh in alamdang hi, chih, sim kha ngailou nahi uh hiam!’ ” #Psa. 118.22,23.
43“Huajiakin, Pasian gam pen na kiang ua kipan laksak ahi ding a, agahsuah ding nam dang kiang ah piak ahi ding chih kung hilh ahi.” 44Tualeh kuapeuh hih suang tung a puk pen akekjak ding a; hinanleh anetkhakte jousiah aguaijan ding hi, achi hi.
45Tualeh siampite leh Pharisaite`n a gentehna thute ajak un, amau tungthu gen ahi, chih a kitheita ua, 46hinanleh amah mat asawm uleh mipite alau ua, Jawlneia asim jiak un.
നിലവിൽ തിരഞ്ഞെടുത്തിരിക്കുന്നു:
MATHAI 21: THKHBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.
