MARKA 7
7
Upahai thurosie
(Mt 15.1-9)
1Chun, Pharisaihai le Dân inchûktirtuhai laia mi tuhai amanih Jerusalema inthawka hunghai chu a kuomah an hung inkhâwm a.
2Chuonghai chun a închûktir aṭhenhaiin kut bala bei an fâk an lo hmu ta a. Bal ti hi sâwplo tina a nih.
3(Pharisaihai thurosie chu an pawm tlat leiin an kut fâitaka an sâwp naw chun an fâk ngai si nawh.
4Chun, dâwr hmuna inthawk an inlâwi khawmin an insil naw chun an fâk ngai naw a. Chun, thu dang tamtak pawm tlat ding an lâksâwnghai chu a um a, nohai, bêlhai, sumbêlhai sâwp hai ang hi.)
5Chuongchun, Pharisaihai le Dân inchûktirtuhai chun, “Iengdinga i închûktirhai hin ruolhlui thurosie ang peia um lova kut bala bei an fâk el hlak am a na?” tiin an indawn a.
6 #
Is 29.13
Ama chun an kuomah, “Isai hin nangni mi vervêkhai thu a lo hrillâwk dik zet el
‘Hi hai rawi hin an bauin an mîn pâk a,
An lungril ruok chun an mi hlat si a.
7An inchûktirnaa mihriem thupêkhai an inchûktir leiin,
An mi biek khawm hi a thlâwn el a nih,’
ti ziek ang khan.
8Pathien thupêkhai chu lungkham lovin, mihriem thurosie chu in chel tlat a ni hi,” a ta.
9Chun, ama bawkin an kuomah, “Nangni thurosiehai in pawm theina dingin Pathien thupêkhai chu in dit naw hi, rem chu in hriet ngawt hi aw!
10 #
Ex 20.12; 21.17; Dt 5.16; Lev 20.9 Mosiein, ‘I nu le pa chawimawi rawh,’ ‘Tukhawm a nu amanih, a pa amanih hrilse taphawt chu thi mawl raw se,’ a ti si a;
11nangni ruok chun hieng hin in ti hlak a, ‘Mîn a nu amanih, a pa amani kuomah, I mi sawrna ding hi Korban a ni tah,’ a ti chun, (chu chu Pathien kuoma pêk tina a nih),
12a nu amanih, a pa amani ta dingin iengkhawm a thawpêk in phal ta ngai naw a;
13in thurosie peksâwng hin Pathien thu chu in baw hmang hlak a nih; chuong ang chu tamtak in thaw hlak,” a ta.
Mihriem sukthieng nawtu chu
(Mt 15.10-20)
14Chun, mipui chu a ko nâwk a, an kuomah, “In rêngin ka thu hi lo ngâi seng unla, a ngâi lo thiem ta u;
15Mihriem puotienga inthawka a phîng sûnga lût ama sukthieng naw thei iengkhawm a um nawh, mihriem phîng sûnga inthawka hung suokhai chu mihriem sukthieng nawtu an ni lem a nih,” a ta.
16[Tukhawm hrietna dinga na nei chun hre raw se.]#Ziek ṭhenah Ch.16 na hi a um nawh
17Chun, mipuihai chu ina a lûtsan hnungin, a inchûktirhaiin tekhithu chu ama an indawn fel a.
18Chun, ama chun an kuomah, “Nangni khawm chuong ang lâwma hrietna nei naw in ni maw? Hi hi in hriet naw maw? Iengkhawm puotienga inthawka mihriem sûnga lût po chun ama a sukthiengnaw thei nawh;
19a lungrila lût lovin, a phîngah a lût a, inhnâwmnaah a suok lem hlak leiin, ti hi?” a ta. (Chu chu fâkding tin rêng fâk a thieng, a tina a nih.)
20Chun, ama bâwkin, “Mihriem phîng sûnga inthawka hung suok chun, chu tak chun mihriem a sukthieng naw hlak a nih.
21Sûng tienga um mihriem lungrila inthawkhai chun, ngaituona suol dâm a hung suok hlak nghâl a; inditna dâm, inrûkna dâm, tuolthatna dâm, uirena dâm,
22inhnarna dâm, suolna dâm, hlêmna dâm, hurna dâm, îtsîkna dâm, hrilsietna dâm, chapona dâm le invêtna dâm hi;
23chuong suolhai po po chu sûngtienga inthawkin a hung suok a, mihriem chu a sukthieng naw hlak a nih,” a ta.
Surophoiniki nuhmei ringna chu
(Mt 15.21-28)
24Chun, a tho a, chutaka inthawk chun Tura le Sidon#Ziek ṭhenah “Sidon” hi a um nawh bielah a fe ta a, chun, inah a lût a, tu ihriet khawm a nuom naw a; nisienlakhawm, ân thup thei si nawh.
25Chuongchun, nuhmei pakhat naunu khawhri inthieng naw iman nei chun a chanchin a lo hriet a, a ke bulah a va bawkkhup nghâl ta a.
26Chu nuhmei chu Grik mi a na, insiengna tieng chu Surophoiniki mi a nih. Ama chun a naunu sûnga khawhri hnawt dawk dingin a ngên a.
27Chun, ama chun a kuomah, “Nauhai chu khawp hmasa phawt raw hai se, nauhai bei lâkpêk a, uihai kuoma pêk a mawi nawh ie,” a ta.
28Ama chun a kuomah, “Lalpa, ni chu a nih; nisienlakhawm, dawkân hnuoia uihai khawmin nauhai bei nâwi chu an fâk hlak annâwm,” tiin a dawn a.
29Chun, ama chun, “I thu hril lei chun fe ta raw le; khawhri chu i naunu sûnga inthawkin a suok tah,” a ta.
30Chun, a ina chun a fe ta a, a nau chu khawhri isuoksan zoa khuma zâl a va hmu ta a.
Nasêt ṭawng thei lo sukdama a um
(Mt 15.29-31)
31Chun, Tura rama inthawkin a suok nâwk a, Sidon khuo sirin Dekapoli ram fe thleng peiin Galili dîl chu a tlung ta a.
32Chun, mi pakhat nasêt, ṭawng khawm ṭawng fel thei lo hi a kuomah an hung ṭhuoi a, a chunga a kut innghat dingin an ngên a.
33Chun, ama chun mipui laia chu, a khât chauin a tumin a ṭhuoi a, a kutpârhaiin a nakuo chu a khîkpêk a, chil a sâk a, a lei a them pêk a.
34Chun, vân tieng nghain ân thuok huoi a, a kuomah, “Ephatha,” a ta. Chu chu, “Lo inhawng rawh,” tina a nih.
35Chuongchun, a nahai chu a hung inhawng a, a lei khitna khawm chu a hung insût a, chiengtakin a ṭawng thei ta a.
36Chun, ama chun an kuomah tukhawm hril lo ding a ti tlat a; nisienlakhawm, a khap nasa zuol po leh, ṭhahnemngaitakin an puongdar nâwk zuol a.
37“Ama chun iengkim ṭhatakin a thaw a; nasêt dâm a sukvarpêk a, ṭawng thei naw dâm khawm ân ṭawngtir hlak,” an ta, mak an ti nasa bêk bêk a.
നിലവിൽ തിരഞ്ഞെടുത്തിരിക്കുന്നു:
MARKA 7: HMOVBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
