MARKA 1
1
Baptistu Johan le a thu hril
(Mt 3.1-12; Lk 3.1-9,15-17; Jn 1.19-28)
1Pathien Naupa Isu Krista Chanchin Ṭha hung tlung phutna chu.
2 #
Mal 3.1
Zâwlnei Isai lekhabua,
“Ngai ta, ka tirko i hmaah ka tir a,
Ama chun i lampui siem a tih,”
3 #
Is 40.3
Thlalêra mi khêk râwl chun,
‘Lalpa lamlien buotsai unla,
A lampuihai suktlûn ro,’ a tih,” tia inziek ang khan.
4Johan, thlalêra Baptistu kha suksuolnahai ngaidamna dingin simna baptisma thu hrilin a hung suok a.
5Chun, Judai rama mi po po le Jerusalema mi po pohai chu a kuomah an fe a, an suolhai thupha chawiin Jordan vadungah a kuomah baptisma an chang tâwl a.
6 #
2 Lal 1.8
Chun, Johan chu sanghâwngsei hmul puonin ân thuom a, a kâwngah savun kâwngkhiin ân khit a, rama khuoizu le khâuṭhikṭhi buin a ring a.
7Chun, “Ka hnungah keia nêka ropui lem a hung zing a nih; kûna a kekawk hrui sût tlâk khawm ka ni nawh.
8Kei chun tuiin ka baptis hlak cheu a; ama ruok chun chu Thlarau Inthiengin a baptis ding cheu a nih,” tiin a hril a.
Isu baptisma changna
(Mt 3.13-17; Lk 3.21-22)
9Chuong nihaia chun Isu Galili rama Nazaretha inthawkin a hung a, Jordan vadungah Johan kuomah baptisma a chang ta a.
10Chuongchun, tuia inthawka a hung suok phingle chun, vân inhawnga Thlarau vâṭhu angin ama chunga hung ṭum a hmu ta a.
11Chun, “Nang ka Naupa dittak i nih, i chungah ka lungni bêk bêk a nih,” tiin vâna inthawkin râwl a hung suok a.
Isu thlêma a um thu
(Mt 4.1-11; Lk 4.1-13)
12Chu phingleh Thlarau chun thlalêrah ama a tir suok ta a.
13Chuongchun, Setan ithlêmin ni sâwmli zet thlalêra chun a um a, ramsahai lai a um a, vântirkohai chun a rawng an bâwlpêk a.
Isûn a sinthaw a phut
14Chun, Johan an man hnungin Isu, Pathien Chanchin Ṭha hrilin Galili ramah a hung a;
15 #
Mt 3.2
“Hun chu a hung tlung ta a, Pathien ram khawm a hung hnai ta a, sim unla Chanchin ṭha hi ring ro,” a ti pei a.
Isûn nga mantu pali a ko
(Mt 4.18-22; Lk 5.1-11)
16Chun, Galili dîl panghrûla a fe laiin Simon le Simon unaupa Andri chu dîla chun lên dêngin a hmu a; nga mantu an ni hrim a.
17Chun, Isûn an kuomah, “Mi zui ro, chuongchun, mihriem mantu dingin siem ka ti cheu,” a ta.
18Chuongchun, lênhai chu mâksanin an zui ta a.
19Chun, tâwite a hei fe chun, Zebedai naupa Jakob le a unau Johan chu a hmu a, anni khawm chu an lênhai siemṭhain lawnga bawk an um a.
20Chun, anni khawm chu a ko nghâl ta a: chuongchun, an pa Zebedai chu inhlawfa an iruoihai kuoma chun lawngah an mâksan a, an zui ta a.
Khawhri inthiengnaw iman chu
(Lk 4.31-37)
21Chun, Kapernaumah an va fe a, chun Châwlni chun inkhâwmna inah a lût a, ân chûktir nghâl ta a.
22 #
Mt 7.28-29
A thu inchûktir chu mak an ti hle a, Dân inchûktirtuhai ang lova, thuneina nei taka anni ân chûktir leiin.
23Chun, an inkhawmna ina chun khawhri inthieng naw nei mi pakhat a lo um a;
24ama chun, “Nazareth Isu, keini le nang ieng am ei inzâwlna a um a? Mi sukbohmang dingin i hung am a nih? Nang ka hriet che, Pathien mi inthieng i nih,” tiin a khêk suok nghâl ta a.
25Chun, Isûn a hal a, “To la, a sûnga inthawkin hung suok rawh,” a ta.
26Chun, khawhri inthieng naw chun ama a sawisa a, inringtakin a khêk a, a sûnga chu a hung suok ta a.
27Chun, an rêngin mak an ti ta bêk bêk a, chuongchun, “Ahi ieng am a ni ta leh, inchûktirna thar a ni hi tên! Khawhri inthieng naw khawm thuneitakin thu a pêk a, a thu an awi pei el hi,” tiin an insêl a.
28Chun, Galili ram vêl po poah, ram tinah a chanchin ân thang nghâl ta a.
Isûn Peter tarpinu a sukdam
(Mt 8.14-15; Lk 4.38-39)
29Chun, inkhâwmna ina inthawka an suok chun, Simon le Andri inah Jakob leh Johan leh an lût a.
30Chun, Simon tarpinu khawsikin a na a, a lo zâl a; chuongchun, a umzie chu Isu an hril nghâl ta a;
31chun, ama chun, a kut a va chel a, a keitho ta a. Chuongchun, a khawsik chu a bo ta a, an rawng a bâwlpêk ta a.
Khawhri hnawt dawkna le mi tamtak sukdamna
(Mt 8.16-17; Lk 4.40-41)
32Chun, zântienga nisa tlâk hnung chun, damnaw po po le khawhri iman dâm a kuomah an hung ṭhuoi a.
33A khuo chun kawtkhâr bulah an hung inkhâwm mup el ta a.
34Chuongchun, mi tamtak natna tinrêng invawihai chu a sukdam a, khawhri tamtak a hnawt suok bawk a; khawhrihai chun ama an hriet leiin an ṭawng a phal naw a.
Isu thuhril dingin an zin suok
(Lk 4.42-44)
35Chun, zîngkâr inhmatakin, khawvar hma daiin a tho a, a suok a, hmun fienrielah a va fe a, chutaka chun a ṭawngṭai a.
36Chun, Simon le a ruolhai chun an hnawtzui a;
37ama an va hmu chun, a kuomah, “Mi po poin an zawng che i sawnnâwm ie,” an ta.
38Ama chun an kuomah, “Hmun danga khaw hnaiahai dâm chun fêng ei tiu, chuonga hai khawm chun thu ka hril theina dingin, hi lei taka hung ka ni si a,” a ta.
39 #
Mt 4.23; 9.35 Chuongchun, thu hrila, khawhrihai khawm hnawt suok peiin Galili ram po poa an inkhâwmna inahai chun a lût pei a.
Phâr sukdamna
(Mt 8.1-4; Lk 5.12-16)
40Chun, a kuomah phâr a hung a, “I nuom chun i mi sukthieng thei,” a ta, a hmaah a dingṭhaṭhuon a, a ngên rak el a.
41Ama chun a lo lunginsiet bêk bêk a; a hei ban a, a them a, “Ka nuom ie, sukthiengin lo um ta rawh,” a ta.
42Chuongchun, kârlovin ân phârna chu a bo nghâl el ta a, a hung inthieng ta a.
43Chun, ama chu hril lo dingin thu a pêk tlat a, ân fetir ta a;
44 #
Lev 14.1-32
a kuomah, “Tu kuoma khawm iengkhawm va hril dêr naw raw kha; nisienlakhawm, thiempu kuomah vân entir la, an hriet fel theina dingin Mosie thil ruothai kha i înthienna dingin vân hlân rawh,” a ta.
45Nisienlakhawm, ama chu a suok a, tlânginsamin chu thu chu a puong dar phut el ta a; chuongchun, Isu chu uolautakin khuo a lût thei ta naw a; thlalêr hmunahai a um lem ta a; chun hmun tina mi a kuomah an hung hlak a.
നിലവിൽ തിരഞ്ഞെടുത്തിരിക്കുന്നു:
MARKA 1: HMOVBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
