JOHN 2
2
1Ni thum nâkah Galili ram Kana khua ah, ṭhitumhnâk a um, Jesuh nu kha cuka ah cun a um. 2Jesuh le a Lamkaltu kha ṭhitumhnâk ah cun an sawm hna. 3Cun Misur hang nih a zo hna lo, Jesuh nu nih a sinah, misur hang a dih ai, tiah a ti. 4Jesuh nih, “Minu, nang nih na rak ka ruah piak len a herh maw? Ka cân a tling rih lo,” tiah a ti. 5Anu nih chungṭuan sinah, “Nan sin i a chimmi pauh rak tuah u,” tiah a ti hna. 6Judah mi i thenhhlimhnâk phung bangin lung ralca paruk Galan 25 hrawng a tlummi cuka ah cun a um. 7Jesuh nih, “Hi bêl ah hin ti khahter u” tiah a ti. Cuticun an khahter. 8Cun an sinah, “Atu suak ulaw chungṭuan hotu sinah kalpi u,” tiah a ti i an kalpi. 9Chungṭuan hotu nih ti misur hang i â cangmi cu a tep i khawzeiindah cu thil cu a can ti a hngal lo (asinain sinum tithantu hna nih an hngalh) chungṭuan hotu nih mo ngeitu kha a kawh. 10A sinah, “Mikip nih a ṭhami misur hang an phawt hmasa tawn, tampi an din hnu ah a ṭhalo deuhmi an phawt tawn hna, nang nih cun atu tiangin a ṭhami misur hang na ngei ko rih,” tiah a ti. 11Jesuh nih i hmelchunhnâk tuah a thawknâk hi Galili ram i Kana khua ah a si: A sunparnâk a langhter i a lamkaltu hna nih Amah kha an zumh. 12Cu hnu ah Kapernaum khua ah a vung kal, anu le anau le hna le a lamkaltu hna he cuka ah cân tlawmpal an um. 13Judahmi Lanhtâk thô a naicang i Jesuh cu Jerusalem khuaah a kal. 14Ṭempal i caw, tuu, ṭhuro zuartu hna le phaisa thlengtu hna chawleh ning a hmuh tikah, 15tuknâk hrihrual a ser i tuu le caw kha ṭempal in a ṭhawl hna, phaisa thlengtu hna phaisa kha a thlet i an cabuai kha a thluk hna. 16Cun ṭhuro zuartu hna sinah, “Hi hna hi i kalpi u! Ka Pa inn hi chawlehnâk hmunah canter hlah u!” tiah a ti. 17A lamkaltu hna nih, “Na inn ca i kâ zuamnâk nih a ka ei dih,” tiah ṭialmi kha an hun hngalh. 18Judah mi nih, hi thil hna hi na tuah i hmelchunhnâk zeidah na kan hmuhsak lai? tiah an ti. 19Jesuh nih, “Hi inn hi ṭhet ulaw, nithum ah ka sak ṭhân lai,” tiah a leh hna. 20Judah mi nih, “Hi inn hi kum 46 chung sak a si, nang nih ni thum ah na sak ṭhân lai maw?” tiah an ti. 21Asinain ṭempal a chimmi cu Amah pum kong a chimnâk a si. 22Cucaah thihnâk in a thawhṭan hnu ah a lamkaltu nih an sin i a rak chimmi kha an hun hngalh ṭhân. Cuticun cathiang le Jesuh chimmi kha an zumh. 23Lanhtâk Thô i Jerusalem i a câm lio ah hmelchunhnâk a tuahmi kha an hmuh tikah, mi tampi nih Amin kha an zumh. 24Asinain Jesuh cu an sinah a sia a rem kho lo, mi vialte a hngalh dih, 25ahohmanh chimhfian hau loin, minung lungthin i a ummi kha a hngalh dih.
നിലവിൽ തിരഞ്ഞെടുത്തിരിക്കുന്നു:
JOHN 2: HAKABSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
