KINAWANSAYAN 2
2
1Om kopongo ngai' noddi do minomonsoi o tawan, om pomogunan om koinsanai do nunu nopo. 2Tontok#Ibr. 4.4, 10 #Ksn. 20.11 di koturu' do tadau om undorong no o Kinorohingan tu' nopongo ngai' noddi dau i wonsoyon dau. 3Om barakatai noddi dau i tadau do koturu' om siliho' no dau o tadau'ddi do tadau dot agayo, tu' tontok no do tadau'ddi do minundorong iyau tu' nopongo ngai' no dau i wonsoyon dau.#2.3 tu' tontok no do tadau'ddi do minundorong iyau tu' nopongo no ngai' dau i wonsoyon dau; ko': tu' tadau noddi do nopongo ngai' dau i wonsoyon dau. 4Om iyo noddi o kinowoyo-woyoon do minomonsoi do tawan, om tana' om koinsanai do nunu nopo.
I Kabun dot Idon
Tontok di winonsoi i' do Tuhan, i Kinorohingan o tawan, om pomogunan, om koinsanai do nunu nopo, 5om aiso' po o songinsuni do hiti'd tana', om aiso' o linsou do nokosobul tu' a' po dau nokolintuhun o rasam, om aiso' po o tulun do momutanom di tana'; 6nga' haro i' o waig do mimbulai do mantad hiri'd saalom do tana' do momoyopos di tana'.
7Om#1Ko. 15.45 panganu noddi do lagit dot okooro' do mantad hiri'd tana' o Tuhan, i Kinorohingan om wonsoyo' no dau iri do songulun o tulun;#2.7 Tana'…tulun: Iri nopo duwo boros dot Ibrani do “tulun” om “tana'” o komoyon om miagal o tuni. om obusai no dau do pinuhobo di kapasi o luang do todung di tulun diri om kipinuhobo noddi i tulun.
8Om pomukabun noddi o Tuhan, i Kinorohingan do hilo'd Idon, i ponong id koulayon, om hilo' no o pinoiyanan dau di tulun di winonsoi dau'ddi. 9Om#Pin. 2.7, 22.2, 14 mogisuayan nopo o kayu dit ongolumis om it ongosonong o tua' do pinosuni dau do hilo'. Om hiri nopod kabun diri om haro o songguas o kayu di manahak do koposion om haro o songguas o kayu di manahak do toilaan ondung nunu it osonong om nunu it araat.#2.9, 2.17 toilaan ondung nunu it osonong om nunu it araat; ko': toilaan do koinsanai'd nunu nopo.
10Hilo' nopod Idon om haro o bawang do muyung-luyung, om iri no i momuwaig di kabun; om hiri nopod soliwan di kabun dot Idon om nabahagi' diri i bawang dot apat o bawang. 11Ngaran nopo di bawang do koiso' om Pison; i lumuyung do posorili' di pomogunan do Hawila. 12(Hilo' nopo om haro o tamas dit osompipi', om haro o tumau dit osonong kopio o kosingudan, om haro o watu dot olumis dit agayo o gatang.) 13Ngaran no di bawang do koduwo om Gihon; i lumuyung do posorili' do pomogunan do Kus.#2.13 Kus (i hilo'd Misopotamia); ko': Etiopia. 14Om ngaran nopo di bawang do kotolu om Tigris, i lumuyung do ponong id koulayon do mantad id pomogunan dot Asur, om ngaran no di bawang do kaapat om Iprat.
15Om poiyono' noddi do Tuhan i Kinorohingan i tulun di winonsoi dau'ddi do hiri'd Kabun dot Idon, do mananom-tanom om momogompi' di kabun. 16Om sunudai no do Kinorohingan i tulun diri do poingkaa, “Koino-ino nu i' do kanon o koinsanai'd tua' do kayu do hiti'd kabun, 17nga' iri po i tua' di kayu di manahak do toilaan ondung nunu it osonong om nunu it araat#2.17, 2.9 toilaan ondung nunu it osonong om nunu it araat; ko': toilaan do koinsanai'd nunu nopo. ot a' nu koino-ino do kanon. Kada' nogi' kopio pangakan do tua' do kayu'ddi. Tu' ondung mangakan ko, om tontok no do tadau'ddi do matai ko,” ka dau.
18Om pomoros noddi o Kinorohingan do poingkaa, “A' i' osonong do songulun-ngulun iti tulun. Momonsoi oku po do koruhang dau di kosudong kopio dau do monguhup dau,” ka. 19Om panganu no o Kinorohingan do lagit dot okooro' do mantad hiri'd tana', om woruno' no dau o koinsanai do nintorusan om tombolog. Om igitai ngai' no dau iri do pinaantangan di tulun, om oilaan i' ondung nunu o pomungaran di tulun do koinsanai'ddi; om iyo noddi o kinoonuan do koinsanai di nintorusan om i tombolog do ngaran diyolo'. 20Om pungaranai ngai' noddi di tulun i tombolog om i nintorusan diri; nga' iso' poddi nga' aiso' i o kosudong kopio dau do sumiliu do koruhang dau do monguhup dau. 21Om poodopo' noddi do Tuhan, i Kinorohingan i tulun diri do gisom do nokoolong. Om daamot poddi di tulun do koodop, om ngoyo' no do Kinorohingan onuo' o tiso' di tulang do tikagang dau, om piromuto' nogiddi kawagu dau i tonsi di pinongonuan dau'ddi. 22Om wonsoyo' no do Kinorohingan do tondu' i tulang do tikagang diri, om pootodo' nogiddi dau do hiri'd tulun diri. 23Om boro-boros noddi i tulun diri do poingkaa,
“Hati nogiddi o sagalai kopio ku —
i tulang do nanu do mantad id tulang ku, om i tonsi do mantad id tonsi ku.
Pomungaran ku nopo dau om ‘Tondu’ tu' nanu i' iyau do mantad id kusai,”#2.23 Tondu'…kusai: Boros nopod Ibrani om kusai nopo o komoyon nga' ISH, om boros nod tondu' o komoyon om ISHA. ka dau.
24Om#Mat. 19.5, Mar. 10.7-8, 1Ko. 6.16, Ipo. 5.31 iri no kotongkiadan do kusai do mantad id tina' om tapa' dau, om kopiiso' i' iyau di sawo dau, om osiliu indo iyolo' dot iso-iso' o tonsi.
25Iri nopo kusai om i tondu' diri om poillabas i' goduwo, nga' amu' i' iyolo' kopuriman dot ointingayaman.
നിലവിൽ തിരഞ്ഞെടുത്തിരിക്കുന്നു:
KINAWANSAYAN 2: BDK
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Hakcipta © 2007, Pertubuhan Bible Malaysia Copyright © 2007, Bible Society of Malaysia
