1 CHRONICLE 1:43-54

ഇസ്രായേലിൽ രാജഭരണം ആരംഭിക്കുന്നതിനുമുമ്പ് എദോമിൽ ഭരണം നടത്തിയ രാജാക്കന്മാർ: ബെയോരിന്റെ പുത്രനും ദിൻഹാബാ പട്ടണക്കാരനുമായ ബേല. ബേലയുടെ മരണശേഷം ബൊസ്രാക്കാരനായ സേരഹിന്റെ പുത്രൻ യോബാബ്. യോബാബിന്റെ മരണശേഷം തേമാദേശക്കാരനായ ഹൂശാം; ഹൂശാമിന്റെ മരണശേഷം ബദദിന്റെ പുത്രൻ ഹദദ്. അവീത്ത് പട്ടണക്കാരനായ ഇവൻ മോവാബ് ദേശത്തുവച്ചു മിദ്യാന്യരെ തോല്പിച്ചു. ഹദദിന്റെ മരണശേഷം മസ്രേക്കക്കാരനായ സമ്ലാ. സമ്ലായുടെ മരണശേഷം യൂഫ്രട്ടീസ്നദീതീരത്തുള്ള രെഹോബോത്ത് പട്ടണക്കാരൻ ശൗൽ. ശൗലിന്റെ മരണശേഷം അക്ബോരിന്റെ പുത്രൻ ബാൽഹാനാൻ. ബാൽഹാനാന്റെ മരണശേഷം പായീ പട്ടണക്കാരനായ ഹദദ് രാജാവായി. അവന്റെ ഭാര്യ മേസാഹാബിന്റെ പൗത്രിയും മത്രേദിന്റെ പുത്രിയുമായ മെഹേതബേൽ ആയിരുന്നു. ഹദദിന്റെ മരണശേഷം എദോം ഭരിച്ച പ്രഭുക്കന്മാർ: തിമ്ന, അല്യാ, യെഥേത്ത്, ഒഹൊലീബാമാ, ഏലാ, പീനോൻ, കെനസ്, തേമാൻ, മിബ്സാർ, മഗ്ദീയേൽ, ഈരാം.