A’NPHUTNA 6
6
Mihring Ṭhatmakna
1 #
Jb 1.6; 2.1 Mihring anheitam chet-chet a raleichung hmun anhei hlōsō pha mihring he’n sanuhei anlei matet hei. 2Marvân mi ṭhahrep he’n mihring sanuhngâk-hei anhme kaṭha kha anhmu jo. Anmani’n antamadu ankadeia an-ompui jo hei. 3Hiva pha hin Rōngpu’n, “Ke’n mihring hi kumsôt akahring sik a hnōmpek mak jo ning. Ajârchu mihring hichu akathithei hei kae. Tûna inphut kum 120 rōk akahring sik jo hei kae,” ati. 4#Mj 13.33Khava pha inphut hnung katlunga’m mihring nuhmei leh marvân mihei inchun a antanei sahei kha raleichunga mipum kalen Nephilim tia leika-om hei. Anmani hi ratha kahrat leh rahming inthang tenlaia mihei kae.
5 #
Mt 24.37; Lk 17.26; 1 Pe 3.20 Raleichunga ka-om mihringhei ṭōntlo khana anmalung mandon leh ngeitō akaṭhamak langting rōk ka-om ti hi Rōngpu’n ahong manhret pha, 6mihringhei hi heijâra mo kaleisyem hei khana raleichunga kaleida hei tia amandona amalung leihōi mak jo. Amalung kha insîr na’n kasip jo 7khachu ama’n, “Ke’n kasyem jo hei mihring leh inṭhōia sha leh vahei ankhenga raleichunga inphut manhmang jo hei rong, ajârchu anmani kaleisyem jâr hei hin kamalung hōihêr mak jo,” ati. 8Tâk-kha Noah chunga chu Rōngpu kha amalung leikatlâi.
Noah
9-10 #
2 Pe 2.5
Hivahi Noah thuhming kae. Sapa 3 aleinei hei, Shem, Hem leh Japheth hei hi kae. Noah hi ṭhena leinei mak, ama pha shunga mikaṭha kha ama rōk leikae. Ama’n Pathen leh inthlop a leika-om, 11tâk Pathen hmit ena mi rakip ṭhamak jo hei, hmuntina innâk-inse kasip sō jo. 12Pathen in vânhnōi raleichung hi a-ena ṭhatmak kasip kha ahmu jo, ajârchu mihring he’n akaṭhamak hringkhōa leika-om hei.
13Pathen in Noah hneng ahri, “Mihringhei hi manram jo rong tia kamandon jo. Anmani hi kasuk manrampet sik jo hei, ajârchu vânhnōi raleichunga innâk-inse ṭōn in kasip joa kae. 14Thing kaṭha heia inphut nang sik a rakōng sui roh; khava shunga aden ṭhahrep syem ina ṭhen roh, ashung avâng khe kadum kano hei roh. 15Adung metre 133, avai metre 22, a’nshâng metre 13 manchang roh. 16Rakōng phuchung syem roh khana rakōng phuchung leh bang kha centimetre 44 a’nkâr sik hei kae. Hivahi chungden inthuma syem roh khana Rakōng sira kot inkhat mando roh. 17Ke’n akahring ranhring rakip manram petna sik tuishâng kahei manlen sik. Raleichunga heirakip kathipet sik jo hei, 18tâk nang chu ṭong intepna inkhat kaneipui sik che. Nang in nasahei, annuhmeihei, nanuhmei leh inṭhōia rakōng shunga khan om ruh. 19-20Rakōng shunga khan sha rakip leh va rakip kahringa an-om theina sik ache inkhat leh apui inkhat et naṭhōi manhlut sik hei kae. 21Nang leh anmani hei sik a sâk leh in rakip narôn manhlut sik kae.” 22Pathen ṭongpek dungjuia Noah khan heirakip aleitlo jo.#He 11.7
നിലവിൽ തിരഞ്ഞെടുത്തിരിക്കുന്നു:
A’NPHUTNA 6: KOMRBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fml.png&w=128&q=75)
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.