LUKA 19
19
Jisua neh Zakaia
1Khante, Jisuan sûn pâlin Jeriko khua a lût a. 2Amakhan mi khatkah, arming Zakaia a om a; ani khah siadôltuhei ruaitu a nit a, miriam richong tâk a nit. 3Jisua khah ingkana mi manih#19:3 ‘Ingkana mêl ripu manih,’ itih thei khom a nit. iti imuh rang a tum a; nikhomseh, miriam dung itôi a nit a, mipui tam rai sikah khan mu thei mak a. 4Khanchu, mipui maton tiang â tlân a, Jisua mu rangin theichâng kungah a lui a, kha lampui khah Jisuan a hong irô rang a nit a. 5Kha mun khah Jisuan a hong tlungin chu a hang tang a, a ziangah, “Zakai zuang ṭum vak vak roh, vuanah hin ni inah kî tlung rang a nit,” a ti a.
6Khante, rimot takkan a zuang ṭum a, ilôm takkan a inah â thlun tâk a. 7Mipui kha thil imuhei murdi khan, “Mi sual ina tlung rangin a fe tâk rêk soh,” an ti a, an chiar a. #Lk.5:29,30; 15:1,2.
8Khante, Zakaia khah â ding a, Pumapa ziangah khan, “Ringai ta, Pumapa, ki neinun arzâtkah inrianghei pêng ki ta; khante, tu thil khom dik ino takka ki lei ilâk pêk a omin chu a bâk ilikan tuak nôk ki ti,” a ti a. #Fes.22:1; Lev.6:5; Rit.5:6,7.
9Jisuan a ziangah, “Vuanah hin hi inah hin saninringna a tlung tâk, hi mi khom hih Abrahama richi a nit a. 10Miriam Naipa hih armanghei izonga saninring rang piala zuang a nit,” a ti a.#Mat.18:11.
Rângkachak sum ṭongrikhek
(Mat.25:14-30)
11Khante, a thu sîr an ringai mai lâiah khan Jerusalem khom a nai tâk sik neh Pathian Ram zuang ilang zel ranga an tûng sikin ṭongrikhek â sîr tâk a.#Mat.25:14-30. 12Hi thu hih â sîr a, “Mi lian khatkah, a rêng changna rang chungchângah ram ilah takah ife a tum a. Ani khah hong ikîr nôk rang a nit a. 13A fe rangton chu â somhei sômkah a koi a, rângkachak tangka khatkah #19:13 Rângkachak tangka hi Mina khatkah kâi, Denarion 100 vêl ritlukpui a nit. a pêk seng a, an ziangah, ‘Ki thang sungin lei inrivai rei,’ a ti a. 14Khante, a ram mihei khan an nel a, ‘Hi mi hih kin rêng rangin nuam mang ung e,’ iti rangin â nungah palâi an inrizûl thal a.
15“Khante, rêng an inchang zoiin chu a hong kîr nôk a, rângkachak tangka ai pêk â somhei khah an lei inpung zâk ridon rangin a koibûm a. 16Amasatak kha a hong a, ‘Epu, ni ne ipêk rângkachak tangka khah sômkan ken pung,’ a ti a. 17A ziangah, ‘Ni thôn ṭhat, isom iṭha ni nit, thil iroicheka chungah iiam ni om sikin kho sômka chungah ulian nang inchang ki ti,’ a ti pêk a. 18Isom â nikna khom khan, ‘Epu, ni ne ipêk rângkachak tangka khah ringakan ken pung,’ a ti a. 19Khante, kha ziang khomah khan, ‘Nang khom khua ringaka chungah ulianin om roh,’ a ti pêk a.
20“Khante, a dang khom a hong a, ‘Epu, en ta, ni ne ipêk rângkachak tangka kha, mâihuai puanin ke fûn a, kî rê ṭian a nit. 21Mi khir tak ni nit sikin nang kî ṭi a nit. Nî sia no khom ni lâk ngai a, nî tu no khom ni ât ngai a,’ a ti a.
22“Ani khan isom ziangah, ‘Isom pualoi, ni ṭong nâk nâkin thiamno nang a închang a nit. Mi khir tak ki nit a, kî sia no khom ki lâk ngai a, kî tu no khom ki ât ngai nî riat na? 23Khangkah a nitin teh, ithôm ki sum hih a pungna ngai inah khan ni lei sia no? Khanoseh, ki hong nôkah hin â pung neh ki hong imu rang pial kêng ai nit,’ a ti a. 24Khante, a kôla dinghei ziangah khan, ‘A rângkachak tangka khah lah pêk unla, rângkachak tangka sômka neitu khah peh rei,’ a ti a. 25Khante, anni khan a ziangah, ‘Epu, ani khan chu rângkachak tangka sômkah a nei khate,’ an ti a. 26Ani khan an ziangah, ‘Nangni ke ril, tutu â nei kangân chu ipe intam ual nîng a ta, â nei ino chu a neisunte khom ilah pêk rip nîng a ti.#Mat.13:12; Mk.4:25; Lk.8:18. 27Khante, hi ke râl, an rêng ranga ne nuam inohei hi, hong ṭhui unla, ki makungah that rei,’ a ti a,” a ti a.
Jisua inlal takkan Jerusalem a lût
(Mat.21:1-11; Mk.11:1-11; Joh.12:12-19)
28Kha thu khah â sîr zoiin chu Jerusalem ipanin ma â sâk a, 29Oliv tlânga om Bethfage neh Bethani kho kôl a tlungin chu kôilôm inikah a tir a. 30“Ei matona khuaah son fe unla, khua nin va lûtin sakuartung tete rithlung, tute la chuangna ngai no mûng nin ta; sût unla, hin hong kâi rei. 31Mihein, ‘Ithôm nin isût tâk?’ itin nangni an ridonin chu, ‘Pumapan #19:31 a Pu, ‘â neitu,’ itih thei a nit. ai nang a nit,’ ti rei,” a ti a.
32Khanchu, a mi tirhei khah an fe a, Jisuan an zianga a ti lam angkah takin tinrêng an va mu a. 33Sakuartung tete khah an sûtin chu â neituhei khan, “Ithôm nin isût?” an ti a.
34Khante, anni khan, “Pumapan ai nang a nit,” an ti a. 35Jisua ziangah an hong kâi a, sakuartung chungah khan an puanhei an dâp a, a chungah Jisua kha an inchuang tâk a. 36A fena lampuiah khan an puanhei an dâp thiai a.#2 Rêng.9:13.
37Khante, Jerusalem tlung ranga Oliv tlâng rilet rangin chu a kôilômhei murdi khan sinrikhêl an imu murdi sikah khan an lôm a, rôl iring takkan an ikhêk a, Pathian an inpâk a. 38“Pumapa riminga hong Rêng chu inpâkin om riseh; rivânah ringei lêng sela, Chungnungtak Pathian chu roinpuin om riseh,” an ti a.
39Khanungchu, mipui lâia Farisai ṭhenkan chu Jisua ziangah, “Minriseitu, ni kôilômhei hi idâirek rangin iril roh,” an ti a.#Mat.21:15,16; Heb.2:11.
40Jisuan anni khah a sâm a, “Nangni ke ril, hihei hih an dâirekin chu hi lunghei tena lua hih an îkhêk rang a nit,” a ti a.
Jisuan Jerusalem a ṭâna
41Khante, khopui a hong nâi teng tâk a, khopui a hang mun chu, a ṭâ a.#Lk.13:33,34. 42“Thlangamna thu hi vuani tena luah hin nî riat ni ta sela chu o! Khan laka teh mu thei khâi mak che a. 43Zoro hong tlung a ti, ne râlhein ni kulpui bulah ipil inpôngin nang hual khap an ta, kil tina rithokin nang doi an ti.#Isa.29:3; Jer.6:6; Ezek.4:2; Lk.21:6,21-24. 44Ni sunga ni mihei neh nang inrimang chit an ta; ni sungah lung richuan rêng rêng zua no nih; nang inring ranga Pathian zuang lâi ni riat no sikin khahei khah ni chungah ai tlung rang a nit,” a ti a.#1 Pet.2:12.
Jisua Tempilah a fe
(Mat.21:12-17; Mk.11:15-19; Joh.2:13-22)
45Khante, Jisua kha Tempilah a va lût a, neinun izuarhei khah a ûmisua a. 46An ziangah, “‘Ki in chu ṭongṭaina in tîng an ti’ iti riziak a nit a, nangmani rêkin chu inru pûkin kêng nin isiam tâk hi,” a ti a.#Isa.56:7; Jer.7:11.
47Jisuan nîn tin Tempilah ân risei ngai a. Thiampu lalhei, Dân inriseituhei neh vântlâng ruaituhei khan amah ithat rang an tum a.#Mk.11:18; Lk.21:37; 22:53. 48Nikhomsela, mipuihein a thu ringai an chim thei no sikin an tho rang dân an iriat thei ino a nit.
നിലവിൽ തിരഞ്ഞെടുത്തിരിക്കുന്നു:
LUKA 19: BIATBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Bible Society of India
© 2014, Used by permission. All rights reserved. More
