JOHANA THUMAVÂN
THUMAVÂN
Thurchi Ṭha Johana riziak hin Jisua hih Kumtluang Pathian Thu, Miriam zuang ichanga ei lâia om tâk hi a nit iti ân lang a. Hi Lekhabu ngêiin ai ti angkan, hi Thurchi Ṭha riziak hih â tep murdihein Jisua hi saninringtu inkung, Pathian Naipa, a nit iti an iam theina rang neh kha an iamna sika ringna an nei theina ranga riziak a nit (20:31).
Kumtluang Pathian thu neh Jisua nitna arzomzia thu hih thumavânah hin ân lang zoiin chu hi Lekhabu bul tianga ei imu Jisua hih saninringtu inkung, Pathian Naipa a nitzia inlangna rangin sinrikhêl itam takka Jisuan ai thohei khah ân lang a. Kha sinrikhêl omzia inril khah ai rilfia sa zel a nit. Hi sikah hin mi ṭhenkan Jisua an iam a, ama zuituhei an hong nit tâk a, khan ṭhenkan chu amah an doi a, an iam nuamno thu ai târ inlang sa a nit. Bung 13-17 sungah chu, inmana a om zâna Jisuan a kôilômhei ripôlkhômna neipui a, â thorna thu a chuang a. Bung nungkhôn tiang chu Jisua imana a om thu hei, roirêltuhei makunga â ding thu hei, ihêmdea a om thu hei, a thina neh a thoinôkna thuhei ai chuang a nit.
Nupangnu ân rê lâi taka an imannu thu (8:1-11) hi ihual sungah isia a nit, a bi tak chu kutziak bu itam takkaheiah neh ilet masaheia lei inchuang a nitno sika a nit, ṭhenka nôkin chu Thurchi Ṭha bu dangah an închuang a nit.
Johana hin Jisua Krista chu lampui neh thutak neh ringna a nit iamtuhei ta rangin chu, kumtluang ringna hi atûna rithokin a irphut zel tâk a nit iti ifel takka inlang ai nuam a nit. Rithla tianga thoinôkna neh Jisua zuang nôkna thu khom iuar takkan a îsîr a nit. Hi Thurchi Ṭha Johana riziak hin ifel takka riatfiana nei theina rangin nîn tina ei imu ngai thil, tui hei, ibai hei, ivâr hei, berapu neh a berahei, grep kung neh â râhei hih imangin rithla tiang thil entîrna inthûk tak inei a nitzia riat theina rangin a înrikhek a nit.
A sunga thu tlângpui
Thumavân 1:1-18
Baptistu Johana neh Jisua kôilôm masahei 1:19-51
Jisua vântlâng sintho 2:1—12:50
Jerusalem neh a kôlbôma Jisua sûn nungkhôn 13:1—19:42
Pumapa thoinôkna neh ân lârna 20:1-31
Thukîmna: Galili dîla ân lâr nôkna 21:1-25
നിലവിൽ തിരഞ്ഞെടുത്തിരിക്കുന്നു:
JOHANA THUMAVÂN: BIATBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Bible Society of India
© 2014, Used by permission. All rights reserved. More