Создавање 20
20
Авраам и Авимелех
1Авраам оттаму тргна на југ, и се настани меѓу Кадис и Сур; и живееше некое време во Герар. 2#12,10-20; 26,1-11Тогаш велеше Авраам за жената своја Сара дека му е сестра. А царот герарски Авимелех испрати, да ја земат Сара. 3#Мт 2,13Но Бог дојде кај Авимелех ноќе во сон, и му рече: „Ете, ќе умреш заради жената, која си ја зел, зашто таа има маж.“ 4А Авимелех не беше се допрел до неа, па рече: „Господи, зар ќе погубиш праведен народ? 5Нели самиот тој ми рече – ‚Сестра ми е‘ – а и таа самата рече ‚Брат ми е‘ – а јас тоа го направив простосрдечно и со чисти раце.“ 6#1 Сам 25,26; Јуда 1,24Тогаш му рече Бог во сонот: „И јас знам дека тоа го стори со чисто срце, затоа те задржав да не грешиш пред Мене и не ти допуштив да се допреш до неа. 7А сега врати му ја на човекот жената негова, зашто е пророк, и ќе се помоли за тебе, и ќе останеш жив. Ако не ја вратиш, знај дека ќе умреш и ти и сите твои.“ 8Утредента рано стана Авимелех, и ги повика сите слуги свои, и им го кажа сето тоа да го чујат. И тие многу се уплашија. 9Тогаш Авимелех го повика Авраам и му рече: „Што направи ти со нас? Што ти згрешив, па сакаше да навлечеш на мене и на царството мое голем грев? Ми го направи она, што никој не го прави.“ 10И уште му рече Авимелех на Авраам: „Што имаше на ум, кога го направи тоа?“ 11#Изреки 16,6А Авраам одговори: „Си помислив дека во ова место нема страв Божји, па ќе ме убијат поради жената моја. 12А всушност и ми е сестра: по татко, но не и по мајка: и се омажи за мене. 13А кога ме изведе Господ од домот на мојот татко, јас ѝ реков: направи ми добро и кажувај за мене во секое место каде што ќе дојдеме: ‚Брат ми е.‘“ 14Тогаш Авимелех зеде ситен и крупен добиток, и слуги, и слугинки, и му ги даде на Авраам, и му ја врати Сара, жената негова. 15И рече Авимелех: „Еве, земјата моја е пред тебе; и каде што ти е угодно, насели се!“ 16А на Сара ѝ рече: „Еве, му дадов на твојот брат илјада шекели сребро: тоа нека биде доказ дека си виновна, и пред сите си оправдана.“ 17#5 Мојс 32,39; 2 Цар 20,5Авраам, пак, Му се помоли на Бога, и Бог ги исцели Авимелеха, и жената негова, и слугинките негови, и тие почнаа да раѓаат; 18зашто Господ ги беше затворил сите утроби во домот на Авимелех поради Сара, жената Авраамова.
നിലവിൽ തിരഞ്ഞെടുത്തിരിക്കുന്നു:
Создавање 20: MK2006
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Библиско Здружение на Р. Македонија 2006
© Bible Society of the Republic of Macedonia 2006
