Matayo 2
2
Abamenge
1Omugulu Yesu abutirawa oko Betelehemu weYudea omo biro byomwami Herode, lebaya, abandu bamenge bakalwa oko luhande lweyo eryuba rikahuluka mobahika eYerusalema, mobabuga bati, 2ari hahi oyo wabutawa mo mwami wa baYuda kwehi? Kusangwa twabirilola oko ngununu yiwe eyo ryuba rikahuluka, twabiriasa erimukukamira. 3Omwami Herode abere owa eki, mwahangahangya, nabomo Yerusalema bosi haguma naye; 4nerihindania abahereri bakulu nabasaki babandu, mwabulyabo aho Kristo angabutirwa. 5Mobamubwira bati, Omo Betelehemu ya Yudea; ngoko kisakire nomuminyereri ati:
6Nawe Betelehemu, omo kihugo kyaYuda,
suri muke na hake omukati-kati ka barongani ba Yuda;
Kusangwa ukuwe ho hasyahuluka omurongani
Oyo wasyarisya abandu bage Israeli.
7Neryo Herode mwabirikira abamenge bubi-sobiso mwaminyira kubo omugulu engununu yahuluka; 8mwatumabo eBetelehemu, ati, Mugende musonde kutsibu busana nomwana oyo, mwamabimubana mwasyambwira, nage inatoka eriya mukukamira. 9Nabo babere babiowa omwami mobagenda; neryo lebaya, engununu eyo balolako eyo eryuba rikahuluka moyagenda embere syabo, erihika aho yahangana endata kwaho mwana abya. 10Omugulu babere babilangira engununu mobabuyahirwa kutsibu, nobutseme bunene; 11neriya omo nyumba mobalola oko mwana haguma na Maria nyinya wuwe, mobagwa ahisi erimukukamira. Neryo, mobasengula ebindu byabo mobamuha erihitya, zahabu, na uvumba na manemane. 12Nomugulu bamabisagisibwa omwilota sibasube ewaHerode, mobasuba ewabo omo yindi nzira.
Erisayira eMisiri
13Nikwa omugulu bamabigenda, lebaya omulaika woMukama mwabutukira Yosefu omo nzoli, ati, Hangana wimaye omwana nenyinya wuwe, usagire eMisiri, ubyeyo aho nasyakubwirira; kusangwa Herode akandisonda-sonda omwana, erimuherya. 14Naye mwahangana mwimya omwana nenyinya omo kiro, mwagenda eMisiri, 15mwikalayo erihika okwihola rya Herode. Eki kyabya eriberererya ekyabugawa noMukama omwisi womuminyereri ati, Nasyabirikira omugala wage erilwa eMisiri.
Eriitwa rya bana
16Neryo Herode, abere alebya kwatebawa nabandu ba menge, mwakarama kutsibu, mwatuma neriita abana bobulume bosi eBetelehemu nomo mitano yosi yayo ababya bemituta ibiri nabatebabugayo, ngo mugulu aminyira oko bamenge. 17Neryo mokyabererera ekyabugawa nomuminyereri Yeremia ati:
18Omulenge mogubwa eRama,
Eririra nerisusumana rinene,
Raele akarira busana nabana buwe;
Mwagana erisibikibwa, kusangwa sibakiriho.
Erisuba eNazareti
19Nikwa Herode abihola, lebaya, omulaika woMukama mwabutukira Yosefu omo nzoli eMisiri, mwabuga ati, 20Hangana, wimaye omwana na nyinya, ugende omo kihugo kya Israeli, kusangwa abasonda eriita omwana babirihola.
21Naye mwahangana mwimya omwana na nyinya, mobaya omo kihugo kya Israeli. 22Nikwa abere owa ko Arkelao yu katabala eYudea omo mwanya wa Herode ise wuwe, mubaha eriyayo, nerisagisibwa omo nzoli mwasubula mwaya omo kihugo kya Galilaya.
23Neryo mwaya eriikala omo muyi owakahulawa mo Nazareti, kibererere ekyabugawa nabaminyereri bati, Asyahulwa mo muNazareti.
നിലവിൽ തിരഞ്ഞെടുത്തിരിക്കുന്നു:
Matayo 2: NTN62
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Le Nouveau Testament et les Psaumes en Ndandi © British and Foreign Bible Society, 1962.
